Bollywood Actress: ಬಾಲಿವುಡ್‌ನಲ್ಲಿ ಅತೀ ಕುಳ್ಳಗಿರುವ ನಟಿಯರಿವರು!

ಆಲಿಯಾ ಭಟ್ ಬಾಲಿವುಡ್‌ನಲ್ಲಿ ಅತೀ ಕುಳ್ಳಗಿರುವ ನಟಿಯರಲ್ಲೊಬ್ಬರು. ಈಕೆ ನಟಿಸಿದ ಬಹುತೇಕ ಎಲ್ಲಾ ಸಿನಿಮಾಗಳು ಬಾಕ್ಸಾಫೀಸ್‌ನಲ್ಲಿ ಯಶಸ್ಸು ಗಳಿಸಿವೆ. ಹೈವೇ, ಡಿಯರ್ ಜಿಂದಗಿ, ರಾಝಿ, ಉಡ್ತಾ ಪಂಜಾಬ್, ಗಂಗೂಬಾಯಿ ಕಾಠಿಯಾವಾಡಿನಂತಹ ಸಿನಿಮಾಗಳ ಮೂಲಕ ಪ್ರೇಕ್ಷಕರ ಗಮನ ಸೆಳೆದಿರುವ ಆಲಿಯಾ 5.1 ಅಡಿ ಎತ್ತರವಿದ್ದಾರೆ.

ದಿಲ್ವಾಲೆ ದುಲ್ಹನಿಯಾ ಲೇ ಜಾಯೇಂಗೆ, ಕಭಿ ಖುಷಿ ಕಭಿ ಗಮ್, ಬಾಜಿಗರ್, ಯು, ಮಿ ಔರ್ ಹಮ್, ವಿ ಆರ್ ಫ್ಯಾಮಿಲಿ ಹೀಗೆ ಹಲವು ಹಿಟ್ ಸಿನಿಮಾಗಳನ್ನು ನೀಡಿರುವ ಕಾಜೋಲ್ ದೇವಗನ್ 90ರ ದಶಕದಲ್ಲಿ ಬಾಳಿವುಡ್‌ನ ಬಹುಬೇಡಿಕೆಯ ನಟಿಯಾಗಿದ್ದರು. ಈ ನಟಿಯ ಎತ್ತರ  5.3 ಅಡಿ.

ಶ್ರದ್ಧಾ ಕಪೂರ್ ಹಿಂದಿ ಸಿನಿಮಾರಂಗದ ಕುಳ್ಳ ನಟಿಯಾಗಿದ್ದರೂ, ನಟನೆಯ ವಿಷಯಕ್ಕೆ ಬಂದರೆ ಅವರು ಎತ್ತರ ಸ್ಥಾನದಲ್ಲಿದ್ದಾರೆ. ಏಕ್ ವಿಲನ್, ಹೈದರ್, ಸ್ತ್ರೀ, ಸಾಹೀ, ಬಾಘಿ, ಎಬಿಸಿಡಿಯಂತಹ ಯಶಸ್ವಿ ಸಿನನಿಮಾಗಳನ್ನು ನೀಡಿರುವ ಶ್ರದ್ದಾ, 5. 4 ಅಡಿ ಎತ್ತರವಿದ್ದಾರೆ.

ವಿದ್ಯಾ ಬಾಲನ್ ಕೂಡ ಬಾಲಿವುಡ್‌ನ ಕುಳ್ಳನೆಯ ನಟಿಯರಲ್ಲೊಬ್ಬರು. ಇವರು ಮೂಲತಃ ದಕ್ಷಿಣದವರೇ ಆದರೂ ಬಾಲಿವುಡ್‌ನಲ್ಲಿ ನೆಲೆ ಕಂಡುಕೊಂಡಿದ್ದಾರೆ. ಮಹಿಳಾ ಆಧಾರಿತ ಸಿನಿಮಾಗಳ ಮೂಲಕವೇ ಹೆಚ್ಚು ಛಾಪು ಮೂಡಿಸಿರುವ ವಿದ್ಯಾ ಬಾಲನ್, 5.4 ಅಡಿ ಎತ್ತರ ಹೊಂದಿದ್ದಾರೆ.

ರಾಣಿ ಮುಖರ್ಜಿ ಬಾಲಿವುಡ್‌ನ ಅತ್ಯಂತ ಕುಳ್ಳಗಿರುವ ನಟಿಯರಲ್ಲಿ ಒಬ್ಬರಾದರೂ ತಮ್ಮ ವೃತ್ತಿ ಜೀವನದಲ್ಲಿ ಬಹಳ ಎತ್ತರಕ್ಕೆ ಏರಿದವರು. 90 ದಶಕದ ಐಕಾನಿಕ್ ರೊಮ್ಯಾಂಟಿಕ್ ನಾಯಕಿರಲ್ಲಿ ಒಬ್ಬರಾಗಿದ್ದ ಈ ನಟಿ, ಕುಚ್ ಕುಚ್ ಹೋತಾ ಹೈ, ಸಾಥಿಯಾ, ಬಂಟಿ ಔರ್ ಬಬ್ಲಿ, ಮರ್ದಾನಿಯಂತಹ ಸೂಪರ್ ಹಿಟ್ ಸಿನಿಮಾಗಳನ್ನು ನೀಡಿದ್ದಾರೆ. ಇವರ ಹೈಟ್ 5 ಅಡಿ.