Serial Actresses:ಕನ್ನಡ ಕಿರುತೆರೆ ಅತೀ ಚಿಕ್ಕವಯಸ್ಸಿನ ನಟಿಮಣಿಯರಿವರು!

ಕಲರ್ಸ್ ಕನ್ಬಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ರಾಮಾಚಾರಿ ಧಾರಾವಾಹಿಯಲ್ಲಿ 'ಚಾರು' ಪಾತ್ರದ ಮೂಲಕ ಕನ್ನಡಿಗರ ಮನಗೆದ್ದಿರುವ ಮೌನ ಗುಡ್ಡೇಮನೆ ಅವರಿಗೀಗ ಕೇವಲ 21 ವರ್ಷ.  17ನೇ ವಯಸ್ಸಿಗೆ ಮಾಡೆಲಿಂಗ್ ಕ್ಷೇತ್ರಕ್ಕೆ ಕಾಲಿಟ್ಟ ಮೌನ ಗುಡ್ಡೇಮನೆ, 2020ರಲ್ಲಿ ನಡೆದ 'ಮಿಸ್ ಟೀನ್ ತುಳುನಾಡು' ಸ್ಪರ್ಧೆಯಲ್ಲಿ ಎರಡನೇ ರನ್ನರ್ ಅಪ್ ಆಗಿ ಹೊರಹೊಮ್ಮಿದ್ದರು. ಇವರು ನಟನೆ ಹಾಗೂ ಶಿಕ್ಷಣ ಎರಡನ್ನೂ ಬ್ಯಾಲೆನ್ಸ್ ಮಾಡುತ್ತಿದ್ದಾರೆ.  

ಕಲರ್ಸ್ ಕನ್ನಡದಲ್ಲಿ ಪ್ರಸಾರವಾಗುತ್ತಿರುವ 'ಲಕ್ಷ್ಮೀ ಬಾರಮ್ಮ' ಧಾರಾವಾಹಿಯಲ್ಲಿ ನಟಿಸಿ ಸೈ ಎನಿಸಿಕೊಂಡಿದ್ದ ಭೂಮಿಕಾ ರಮೇಶ್ ಅವರಿಗೂ ಜಸ್ಟ್ 21 ವರ್ಷ. ಈ ಸೀರಿಯಲ್‌ನಲ್ಲಿ ವಯಸ್ಸಿಗೂ ಮೀರಿದ ಪಾತ್ರ ಮಾಡುವ ಮೂಲಕ ಜನರ ಮೆಚ್ಚುಗೆ ಗಳಿಸಿದ್ದರು. ಮೂಲತಃ ಸಾಂಸ್ಕೃತಿಕ ನಗರಿ ಮೈಸೂರಿನವರಾದ ಇವರು, ಈ ಹಿಂದೆ  'ದೊರೆಸಾನಿ' ಸೀರಿಯಲ್‌ಗೆ ಆಡಿಷನ್ ಕೊಟ್ಟಿದ್ದರು. ಆದ್ರೆ ಚಿಕ್ಕ ವಯಸ್ಸು ಎಂಬ ಕಾರಣಕ್ಕೆ ರಿಜೆಕ್ಟ್ ಆಗಿದ್ದರು. ಸದ್ಯ ತೆಲುಗೂ ಕಿರುತೆರೆಯಲ್ಲೂ ಇವರು ಸಕ್ರಿಯರ ಆಗಿದ್ದಾರೆ.

ಗಟ್ಟಿಮೇಳ ಸೀರಿಯಲ್‌ನ ಅಮೂಲ್ಯ ಪಾತ್ರದ ಮೂಲಕ ಕರ್ನಾಟಕದ ಮಾತಾಗಿದ್ದ ನಿಶಾ ರವಿಕೃಷ್ಣನ್,  ಸದ್ಯ ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ 'ಅಣ್ಣಯ್ಯ' ಸೀರಿಯಲ್‌ನಲ್ಲಿ ನಟಿಸುತ್ತಿದ್ದಾರೆ. ಸಿನಿಮಾರಂಗದಲ್ಲೂ ಸಕ್ರಿಯವಾಗಿರುವ ನಿಶಾ ಅವರಿಗೀಗ 24 ವರ್ಷ ವಯಸ್ಸು. ಇವರು ಕೂಡ ಪರಭಾಷಾ ಸೀರಿಯಲ್‌ಗಳಲ್ಲೂ ನಟಿಸಿ ಸೈ ಎನಿಸಿಕೊಂಡಿದ್ದಾರೆ.

ಮುದ್ದು ಸೊಸೆ ಸೀರಿಯಲ್‌ನಲ್ಲಿ ವಿದ್ಯಾ ಎಂಬ ಶಾಲಾ ಬಾಲಕಿ ಪಾತ್ರದಲ್ಲಿ ನಟಿಸುತ್ತಿರುವ ಪ್ರತಿಮಾ ಠಾಕೂರ್, ಇದೇ ಮೊದಲ ಬಾರಿಗೆ ಕನ್ನಡದಲ್ಲಿ ಹೀರೋಯಿನ್ ಆಗಿದ್ದಾರೆ. ನಟನೆಗೆ ಕಾಲಿಡುವ ಮುನ್ನ ಸೋಶಿಯಲ್ ಮೀಡಿಯಾ ಇನ್‌ಫ್ಯುಯೆನ್ಸರ್ ಆಗಿ ಸಿಕ್ಕಾಪಟ್ಟೆ ಜನಪ್ರಿಯ ಗಳಿಸಿದ್ದ ಇವರಿಗೆ ಕೇವಲ 20 ವರ್ಷ ವಯಸ್ಸು. ಪಿಯುಸಿ ಓದಿಕೊಂಡಿರುವ ಪ್ರತಿಮಾ, ಅಲ್ಲಿಗೆ ತಮ್ಮ ವಿದ್ಯಾಭ್ಯಾಸವನ್ನು ನಿಲ್ಲಿಸಿದ್ದಾರೆ. ಮುಂದೆ ಕರೆಸ್ಪಾಂಡೆನ್ಸ್‌ನಲ್ಲಿ ಡಿಗ್ರಿ ಓದಬೇಕೆಂಬ ಕನಸು ಹೊಂದಿದ್ದಾರಂತೆ.

ಸ್ಟಾರ್ ಸುವರ್ಣ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ 'ನೀನಾದೆ ನಾ' ಸೀರಿಯಲ್‌ ಮೂಲಕ ಮೋಡಿ ಮಾಡುತ್ತಿರುವ ಖುಷಿ ಶಿವು, ವೇದಾ ಪಾತ್ರದ ಮೂಲಕ ಕರ್ನಾಟಕದ ಮನೆಮಾತಾಗಿದ್ದಾರೆ.  2002ರಲ್ಲಿ ಜನಿಸಿದ ಇವರಿಗೆ ಈಗ 22 ವರ್ಷ ವಯಸ್ಸು. ಇವರು ಈ ಹಿಂದೆ ನಮ್ಮನೆ ಯುವರಾಣಿ ಹಾಗೂ ಪಾರು ಸೀರಿಯಲ್‌ಗಳಲ್ಲಿ ಅಭಿನಯಿಸಿದ್ದರು.