ಸ್ಯಾಂಡಲ್‌ವುಡ್‌ನ ಯಾವ್ಯಾವ ಸ್ಟಾರ್ ನಟರು ಎಷ್ಟೆಷ್ಟು ರಿಮೇಕ್ ಸಿನಿಮಾಗಳಲ್ಲಿ ನಟಿಸಿದ್ದಾರೆ ಗೊತ್ತಾ? ಇಲ್ಲಿದೆ ಲಿಸ್ಟ್

210 ಚಿತ್ರಗಳಲ್ಲಿ ನಟಿಸಿರುವ ವರನಟ ಡಾ.ರಾಜ್‌ಕುಮಾರ್ ಸುಮಾರು 14 ರಿಮೇಕ್ ಚಿತ್ರಗಳಲ್ಲಿ ನಟಿಸಿದ್ದಾರೆ. ಅಣ್ಣಾವ್ರು ತಮ್ಮ ಸಿನಿ ಕರಿಯರ್‌ನಲ್ಲಿ ಕೇವಲ 7 ಪ್ರತಿಶತ ರಿಮೇಕ್ ಚಿತ್ರಗಳಲ್ಲಿ ನಟಿಸಿರುವುದು ವಿಶೇಷ. ಹಾಗೆಯೇ ಡಾ.ರಾಜ್‌ಕುಮಾರ್ ಅವರ ಚಿತ್ರಗಳು ಪರಭಾಷೆಗೆ 50 ಬಾರಿ ರಿಮೇಕ್ ಆಗಿರುವುದು ಇಡೀ ಭಾರತೀಯ ಚಿತ್ರರಂಗದಲ್ಲಿಯೇ ದಾಖಲೆ.

ಸಾಹಸಸಿಂಹ ವಿಷ್ಣುವರ್ಧನ್ ನಟಿಸಿದ ಇನ್ನೂರು ಚಿತ್ರಗಳಲ್ಲಿ 45 ಚಿತ್ರಗಳು ರಿಮೇಕ್ ಇರುವುದು ವಿಶೇಷ. ವಿಷ್ಣು ದಾದಾ ತಮ್ಮ ಸಿನಿಜೀವನದಲ್ಲಿ 23 ಪ್ರತಿಶತ ರಿಮೇಕ್ ಚಿತ್ರಗಳಲ್ಲಿ ನಟಿಸಿದ್ದಾರೆ. ಯಜಮಾನ, ಸೂರ್ಯವಂಶ ಚಿತ್ರಗಳು ಮೂಲ ಚಿತ್ರಗಳಿಗಿಂತ ಕನ್ನಡದಲ್ಲೇ ಹೆಚ್ಚು ಪಟ್ಟು ಯಶಸ್ಸು ಕಂಡಿದ್ದು ವಿಶೇಷ. 

ಸುಮಾರು 125ಕ್ಕೂ ಹೆಚ್ಚು ಚಿತ್ರಗಳಲ್ಲಿ ನಾಯಕನಾಗಿ ನಟಿಸಿರುವ ಹ್ಯಾಟ್ರಿಕ್ ಹೀರೋ ಶಿವರಾಜ್‌ಕುಮಾರ್ 26 ರಿಮೇಕ್ ಚಿತ್ರಗಳಲ್ಲಿ ನಟಿಸಿದ್ದಾರೆ. ತಮ್ಮ ಸಿನಿ ಕರಿಯರ್‌ನಲ್ಲಿ 22 ಪ್ರತಿಶತ ರಿಮೇಕ್ ಚಿತ್ರಗಳಲ್ಲಿ ನಟಿಸಿದ್ದಾರೆ. ಇವುಗಳಲ್ಲಿ ಆಸೆಗೊಬ್ಬ ಮೀಸೆಗೊಬ್ಬ, ಯಾರೇ ನೀ ಅಭಿಮಾನಿ, ಗಡಿಬಿಡಿ ಅಳಿಯ ಮಂತಾದ ರಿಮೇಕ್ ಚಿತ್ರಗಳು ಪ್ರಮುಖವಾದವು. 

ನಾಯಕನಾಗಿ ಸುಮಾರು 95ಕ್ಕೂ ಹೆಚ್ಚು ಚಿತ್ರಗಳಲ್ಲಿ ನಾಯಕನಾಗಿ ನಟಿಸಿರುವ ಕ್ರೇಜಿಸ್ಟಾರ್ ರವಿಚಂದ್ರನ್ 48 ರಿಮೇಕ್ ಚಿತ್ರಗಳಲ್ಲಿ ನಟಿಸಿ, 55% ಪ್ರತಿಶತ ರಿಮೇಕ್ ಚಿತ್ರಗಳನ್ನು ಹೊಂದಿದ್ದಾರೆ. ಇವುಗಳಲ್ಲಿ ಬಹುತೇಕ ಚಿತ್ರಗಳನ್ನು ರವಿಚಂದ್ರನ್ ಅವರೇ ನಿರ್ದೇಶಿಸಿ, ನಿರ್ಮಿಸಿದ್ದಾರೆ. ಹಾಗೆಯೇ ರವಿಚಂದ್ರನ್ ಅವರ ಹೆಚ್ಚು ಕಡಿಮೆ ಎಲ್ಲಾ ರಿಮೇಕ್ ಚಿತ್ರಗಳು ಯಶಸ್ವಿಯಾಗಿವೆ.

ರಿಯಲ್ ಸ್ಟಾರ್ ಉಪೇಂದ್ರ ಅವರು ಉಪೇಂದ್ರವರು ನಾಯಕನಾಗಿ ನಟಿಸಿದ 45ಕ್ಕೂ ಹೆಚ್ಚು ಚಿತ್ರಗಳಲ್ಲಿ ಸುಮಾರು 22ಕ್ಕಿಂತ ಹೆಚ್ಚು ರಿಮೇಕ್ ಚಿತ್ರಗಳಲ್ಲಿ ನಟಿಸುವ ಮೂಲಕ 55 % ಪ್ರತಿಶತ ರಿಮೇಕ್ ಚಿತ್ರಗಳನ್ನು ಹೊಂದಿದ್ದಾರೆ. ರಕ್ತ ಕಣ್ಣೀರು, ಗೌರಮ್ಮ, ಉಪ್ಪಿದಾದಾ ಎಂಬಿಬಿಎಸ್ ಸಿನಿಮಾಗಳು ಈ ಲಿಸ್ಟಿನಲ್ಲಿವೆ.

ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಕನ್ನಡದಲ್ಲಿ ನಾಯಕನಾಗಿ ನಟಿಸಿದ 46 ಚಿತ್ರಗಳ ಪೈಕಿ ಸುಮಾರು 24 ರಿಮೇಕ್ ಚಿತ್ರಗಳಲ್ಲಿ ನಟಿಸಿದ್ದಾರೆ. ಇವುಗಳಲ್ಲಿ ಹುಚ್ಚ, ವೀರ ಮದಕರಿ, ಕೆಂಪೇಗೌಡ, ಮಾಣಿಕ್ಯ, ರನ್ನ ಮುಂತಾದ ಚಿತ್ರಗಳು ಕನ್ನಡದಲ್ಲಿ ಅಭೂತಪೂರ್ವ ಯಶಸ್ಸು ಕಂಡಿವೆ. ಸುದೀಪ್ ಸುಮಾರು 57 % ಪ್ರತಿಶತ ರಿಮೇಕ್ ಚಿತ್ರಗಳಲ್ಲಿ ನಟಿಸಿದ್ದಾರೆ.

ಈವರೆಗೂ ಸುಮಾರು 56ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ  ನಾಯಕನಾಗಿ  ಬಣ್ಣ ಹಚ್ಚಿರುವ ನಟಿಸಿರುವ ಚಾಲೆಂಜಿಂಗ್ ಸ್ಟಾರ್ ದರ್ಶನ್ 18 ರಿಮೇಕ್ ಚಿತ್ರಗಳಲ್ಲಿ ನಟಿಸಿದ್ದಾರೆ. ಈ ಮೂಲಕ ತಮ್ಮ ಸಿನಿ ಸಿನಿಜೀವನದಲ್ಲಿ ಸುಮಾರು 34 ಪ್ರತಿಶತ ರಿಮೇಕ್ ಚಿತ್ರಗಳನ್ನು ಹೊಂದಿದ್ದಾರೆ. ಡಿಬಾಸ್  ಗಜ, ಪೊರ್ಕಿ, ಇಂದ್ರ ಮುಂತಾದ ಯಶಸ್ವಿ ರಿಮೇಕ್ ಚಿತ್ರಗಳಲ್ಲಿ ನಟಿಸಿದ್ದಾರೆ.

ಕರ್ನಾಟಕ ರತ್ನ ಡಾ.ಪುನೀತ್ ರಾಜ್‌ಕುಮಾರ್ ನಾಯಕನಾಗಿ ನಟಿಸಿದ 28 ಚಿತ್ರಗಳಲ್ಲಿ 8 ಚಿತ್ರಗಳು  ರಿಮೇಕ್ ಆಗಿವೆ. ಅಪ್ಪು ಅವರು ಪವರ್, ರಾಮ್, ಅಜಯ್ ಮುಂತಾದ ಯಶಸ್ವಿ ರಿಮೇಕ್ ಚಿತ್ರಗಳಲ್ಲಿ ನಟಿಸಿದ್ದಾರೆ. ಪುನೀತ್ 29 % ಪ್ರತಿಶತ ರಿಮೇಕ್ ಚಿತ್ರಗಳಲ್ಲಿ ಅಭಿನಯಿಸಿದ್ದಾರೆ

ಗೋಲ್ಡನ್ ಸ್ಟಾರ್ ಗಣೇಶ್ ನಾಯಕನಾಗಿ ನಟಿಸಿದ 34ಕ್ಕೂ ಹೆಚ್ಚು ಚಿತ್ರಗಳಲ್ಲಿ ಸುಮಾರು 12 ಸಿನಿಮಾಗಳು ರಿಮೇಕ್ ಆಗಿವೆ. ಗೋಲ್ಡನ್ ಸ್ಟಾರ್ ತಮ್ಮ ಸಿನಿ ಕರಿಯರ್‌ನಲ್ಲಿ 34 % ಪ್ರತಿಶತ ರಿಮೇಕ್ ಚಿತ್ರಗಳಲ್ಲಿ  ಬಣ್ಣ ಹಚ್ಚಿದ್ದಾರೆ. ಈ ಪೈಕಿ ಹುಡುಗಾಟ, ಚೆಲುವಿನ ಚಿತ್ತಾರ, ಪಟಾಕಿ ಮುಂತಾದವು ಪ್ರಮುಖವು. 

ಚಿರಂಜೀವಿ ಸರ್ಜಾ ನಾಯಕನಾಗಿ ನಟಿಸಿದ 18 ಚಿತ್ರಗಳಲ್ಲಿ 14 ಸಿನಿಮಾಗಳು ರಿಮೇಕ್ ಆಗಿವೆ. ಚಿರು ತಮ್ಮ ಸಿನಿಜೀವನದಲ್ಲಿ ಸುಮಾರು 77 ಪ್ರತಿಶತ ರಿಮೇಕ್ ಚಿತ್ರಗಳಲ್ಲಿ ಬಣ್ಣ ಹಚ್ಚಿದ್ದಾರೆ.