ಬೈರಾಗಿ ಕಥೆ

ವಿಜಯ್ ಮಿಲ್ಟನ್ ನಿರ್ದೇಶನದಲ್ಲಿ ಮೂಡಿ ಬಂದಿರುವ ಬೈರಾಗಿ ಚಿತ್ರದಲ್ಲಿ ಕರುನಾಡ ಚಕ್ರವರ್ತಿ ಶಿವರಾಜಕುಮಾರ್ ನಾಯಕನಾಗಿ ನಟಿಸಿದ್ದಾರೆ. ಡಾಲಿ ಧನಂಜಯ್ ಮತ್ತು ಪೃಥ್ವಿ ಅಂಬರ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಕೃಷ್ಣ ಸಾರ್ಥಕ್ ಈ ಚಿತ್ರಕ್ಕೆ ಬಂಡವಾಳ ಹೂಡಿದ್ದರೆ, ಅನೂಪ್ ಸೀಳಿನ್ ಸಂಗೀತ ನೀಡಿದ್ದಾರೆ. ಅಂಜಲಿ ಮತ್ತು ಯಶಾ ಶಿವಕಮಾರ್ ನಾಯಕಿಯರಾಗಿ ನಟಿಸಿದ್ದಾರೆ.

ಕಥೆ

ಶಿವ ಮೂಲತಃ ಬಹು ಬೇಗನೇ ಕೋಪಗೊಳ್ಳುವ ಸ್ವಭಾವ ಹೊಂದಿದ ವ್ಯಕ್ತಿ. ಇದೇ ಕಾರಣಕ್ಕಾಗಿ ಶಿವನ ಅಜ್ಜ , ಇವನಿಗೆ ಕೋಪವನ್ನು ನಿಯಂತ್ರಣದಲ್ಲಿಟ್ಟುಕೊಳ್ಳಲು ಪದೇ ಪದೇ ಉಪದೇಶ ಮಾಡುತ್ತಿರುತ್ತಾರೆ. ಅಜ್ಜನ ಮರಣದ ನಂತರ ಶಿವ ಬೇರೆ ಊರಿಗೆ ಪ್ರಯಾಣ ಬೆಳೆಸುತ್ತಾನೆ. ಶಿವ ಹೊಟ್ಟೆಪಾಡಿಗಾಗಿ ಹುಲಿವೇಷ ಹಾಕಿ ಬದುಕು ನೆಡೆಸುತ್ತಿರುತ್ತಾನೆ. ಒಂದು ದುರದೃಷ್ಟಕರ ಘಟನೆಯಿಂದ ಆತ ಜೈಲಿಗೆ ಹೋಗುವ ಪರಿಸ್ಥಿತಿ ಬರುತ್ತಾನೆ.

ಇನ್ನೊಂದು ಕಡೆ ಕರಾವಳಿಯ ಹಳ್ಳಿಯೊಂದರಲ್ಲಿ ಕರ್ಣ (ಧನಂಜಯ) ಊರಿನ ಜನರಿಗೆಲ್ಲಾ ಸಹಾಯ ಮಾಡುತ್ತಾ ಜೀವನ ಸಾಗಿಸುತ್ತಿರುತ್ತಾನೆ. ಹೆಣ್ಣುಮಕ್ಕಳನ್ನು ಯಾರಾದರೂ ಚುಡಾಯಿಸಿದರೂ ಆತ ಸಹಿಸಲಾರ. ಶಿವಪ್ಪ ಮತ್ತು ಕರ್ಣ ಮುಖಾಮುಖಿಯಾಗುತ್ತಾರೆ. ಇವರಿಬ್ಬರಲ್ಲಿ ಯಾರು ಒಳ್ಳೆಯವರು ಮತ್ತು ಯಾರು ಕೆಟ್ಟವರು ಎಂಬುವುದು ಚಿತ್ರದ ಕಥೆ.

ಬೆಳವಣಿಗೆ

ಈ ಚಿತ್ರಕ್ಕೆ ಮೊದಲು ಶಿವಪ್ಪ ಎಂದು ಹೆಸರಿಡಲಾಗಿತ್ತು. ನಂತರ ಬೈರಾಗಿ ಎಂದು ಬದಲಾಯಿಸಲಾಯಿತು.

ರಿಲೀಸ್

ಈ ಚಿತ್ರ ಜುಲೈ 1 ರಂದು ರಾಜ್ಯಾದ್ಯಂತ ಬಿಡುಗಡೆಯಾಗಲಿದೆ.