ಚೈತ್ರದ ಪ್ರೇಮಾಂಜಲಿ (1992)

ಎಸ್.ನಾರಾಯಣ್ ನಿರ್ದೇಶನ ಮಾಡಿರುವ ಚೈತ್ರದ ಪ್ರೇಮಾಂಜಲಿ ಚಿತ್ರದಲ್ಲಿ ರಘುವೀರ್ ಮತ್ತು ಶ್ವೇತಾ ಮುಖ್ಯ ಪಾತ್ರದಲ್ಲಿ ನಟಿಸಿದ್ದಾರೆ. ಈ ಚಿತ್ರ ಎಸ್ ನಾರಾಯಣ್ ನಿರ್ದೇಶನದ ಮೊದಲ ಚಿತ್ರ. ಚಿತ್ರದ ಗೀತೆಗಳನ್ನು ಹಂಸಲೇಖ ಬರೆದು ಸಂಗೀತ ನೀಡಿದ್ದರು. ಈ ಚಿತ್ರ 1992 ರ ಮ್ಯೂಸಿಕಲ್ ಬ್ಲಾಕ್ ಬ್ಲಸ್ಟರ್ ಚಿತ್ರವಾಗಿ ದಾಖಲಾಗಿದೆ. ಚಿತ್ರದಲ್ಲಿ ಲೋಕೇಶ್, ಅಭಿಜಿತ್ ಮತ್ತು ಶೋಭರಾಜ್ ಮುಂತಾದ ಕಲಾವಿದರು ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.

ಕರಾಟೆ ಚಾಂಪಿಯನ್ ಶಿಷ್ ಪ್ರ್ಯಾಕ್ಟೀಸ್ ಗೆ ಒಂದು ಹಳ್ಳಿಗೆ ಬರುವ ಪ್ರೇಮ್ ಗೆ ಆ ಹಳ್ಳಿಯ ಅಂಜು ಮೇಲೆ ಪ್ರೀತಿ ಮೂಡುತ್ತದೆ. ಈ ಪ್ರೀತಿಗೆ ಅಡ್ಡ ಬರುವ ಅಂಜು ತಂದೆ ಅದೇ ಹಳ್ಳಿಯ ಒಬ್ಬ ಸ್ತ್ರೀಲೋಲನಿಗೆ ಕೊಟ್ಟು ಮದುವೆ ಮಾಡಲು ನಿರ್ಧರಿಸುತ್ತಾರೆ. ತನ್ನ ಕರಾಟೆ ಚಾಂಪಿಯನ್ ಶಿಪ್ ಗೆಲ್ಲುವ ಪ್ರೇಮ್ ಕೊನೆಗೆ ಅಂಜು ಮದುವೆಯನ್ನು ತಪ್ಪಿಸಲು ಯಶಸ್ವಿಯಾಗುತ್ತಾನೆ. ಆದರೆ ಈ ಹೋರಾಟದಲ್ಲಿ ಈ ಇಬ್ಬರೂ ಯುವಪ್ರೇಮಿಗಳು ಬಲಿಯಾಗುತ್ತಾರೆ. ಕನ್ನಡದ ಅತ್ತ್ಯುತ್ತಮ ರೋಮ್ಯಾಂಟಿಕ್ ಟ್ರ್ಯಾಜಿಡಿ ಚಿತ್ರಗಳಲ್ಲಿ ಇದು ಒಂದು.