ಐ1 ಕಥೆ

ರಾಜಕುಮಾರ್ ಆರ್.ಎಸ್ ನಿರ್ದೇಶನದಲ್ಲಿ ಮೂಡಿಬಂದಿರುವ ಸೈಕೊಲಾಜಿಕಲ್ ಚಿತ್ರ ಐ1 ನಲ್ಲಿ ರಂಜನ್ ಎಂ.ಎಸ್.ಬಿ, ಧೀರಜ್ ಪ್ರಸಾದ್ ಮತ್ತು ಕಿಶೋರ್ ಎಸ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಚಿತ್ರಕ್ಕೆ ಶೈಲಜಾ ಪ್ರಕಾಶ್ ಬಂಡವಾಳ ಹೂಡಿದ್ದರೆ, ವಿಭಿನ್ ಸಂಗೀತ ನೀಡಿದ್ದಾರೆ.

ವಿಶ್ವ, ಸಿದ್ದಾರ್ಥ ಮತ್ತು ಅರ್ಜುನ್ ಎಂಬ ಮೂರಿ ವಿಐಪಿ ಮಕ್ಕಳ ಕಿಡ್ನ್ಯಾಪ್ ಆಗುತ್ತದೆ. ಒಂದು ಲಾಕ್ ಮಾಡಿದ ವಾಹನದಲ್ಲಿ ಇವರನ್ನು ಕೂಡಿ ಹಾಕಿ ಇಪ್ಪತ್ತು ಅಡಿ ಕೆಳಗೆ ಈ ವಾಹನವನ್ನು ಹೂಳಲಾಗುತ್ತದೆ. ಉಸಿರಾಡಲು ಕಷ್ಟವಾಗುವ ಆ ಪ್ರದೇಶದಿಂದ ಪಾರಾಗಲು ಹಾತೊರೆಯುವ ಇವರಿಗೆ ಒಬ್ಬ ನಿಗೂಡ ವ್ಯಕ್ತಿ ತನ್ನ ಧ್ವನಿ ಮೂಲಕ ಆಟವಾಡಿಸಲು ತೊಡುಗುತ್ತಾನೆ. ಅವನ ಆಜ್ಞೆಯಂತೆ ಹಲವು ಸೈಕೊಲಾಜಿಕಲ್ ಆಟಗಳಲ್ಲಿ ತೊಡುಗುವ ಇವರು ಅಲ್ಲಿಂದ ಜೀವಂತವಾಗಿ ಪಾರಾಗಿ ಬರುತ್ತಾರಾ? ಇವರನ್ನು ಈ ಸ್ಥಿತಿಗೆ ತಂದವರು ಯಾರು? ಅದರ ಹಿಂದಿರುವ ಕಾರಣ ಏನು ಎಂಬುದು ಚಿತ್ರದ ಸಾರಾಂಶ.