ಎಂಎಂಸಿಹೆಚ್ (2018)(A)

ಮೇಘಾ (M), ಮಾಲಾ(M), ಛಾಯಾ(C), ಹರ್ಷಿತಾ (H) ಈ ನಾಲ್ಕು ಗೆಳತಿಯರು ಚಿತ್ರದ ನಾಯಕಿಯರು. ಅದೇ ರೀತಿ ಇವರ ಹೆಸರೇ 'MMCH' ಎಂದು ಸಿನಿಮಾದ ಟೈಟಲ್ ಆಗಿದೆ. ಸಿನಿಮಾ ಶುರು ಆಗುವುದೇ ಒಂದು ಕೊಲೆಯಿಂದ. ಆ ಕೊಲೆ ಯಾರು ಮಾಡಿದರು?, ಯಾಕೆ ಮಾಡಿದರು? ಎಂಬ ತನಿಖೆ ಮೂಲಕ ಚಿತ್ರದ ಕಥೆ ತೆರೆದುಕೊಳ್ಳುತ್ತದೆ. ಒಂದು ಕಡೆ ಕೊಲೆಯ ತನಿಖೆ, ಇನ್ನೊಂದು ಕಡೆ ನಾಲ್ಕು ಹುಡುಗಿಯರ ಕಥೆ ನಡೆಯುತ್ತಿರುತ್ತದೆ. ಆದರೆ, ಚಿತ್ರದ ಮಧ್ಯಂತರದ ಹೊತ್ತಿಗೆ ಈ ಎರಡು ಕಥೆಗಳು ಒಂದೇ ದಾರಿಗೆ ಬರುತ್ತದೆ. ಅಲ್ಲದೆ ಅದು ಒಂದು ದೊಡ್ಡ ತಿರುವನ್ನು ನೀಡುತ್ತದೆ.