KGf 2: ಕನ್ನಡ ಚಿತ್ರರಂಗಕ್ಕೆ ಹೊಸ ಚಾಲೆಂಜ್, ಬದಲಾಗುತ್ತಾ ಸ್ಟಾರ್ ನಟರ ಹಾದಿ!

ಡಾ.ರಾಜ್ ಕಾಲದಲ್ಲಿ ಹಲವು ಇತಿಹಾಸ!

ಕನ್ನಡದವರೇ ಎಷ್ಟೋ ಮಂದಿ, ಎಷ್ಟೋ ಸಲ ಕನ್ನಡದ ಚಿತ್ರಗಳನ್ನು ನೋಡಿ ಮೂಗು ಮುರಿದಿದ್ದಾರೆ. ವರ ನಟ ಡಾ.ರಾಜ್‌ ಕುಮಾರ್‌ ಕಾಲದಲ್ಲಿ ಕನ್ನಡ ಚಿತ್ರರಂಗ ಹಲವು ಇತಿಹಾಸಗಳಿಗೆ ಸಾಕ್ಷಿ ಆಗಿದೆ. ಆದರೆ ಬರುಬರುತ್ತಾ ಅದ್ಯಾಕೋ ಚಿತ್ರಗಲ ಕ್ವಾಲಿಟಿ, ಕತೆಯ ಕ್ವಾಲಿಟಿ ಕೂಡ ಅಷ್ಟಕಷ್ಟೇ ಆಗಿ ಬಿಟ್ಟಿತ್ತು. ಹಾಗಾಗ ಒಂದೊಂದು ಚಿತ್ರಗಳು ಹಿಟ್ ಲಿಸ್ಟ್ ಸೇರುತ್ತಿದ್ದವು, ಹಿಟ್ ಲಿಸ್ಟ್ ಸೇರುವುದರ ಜೊತೆಗೆ ಪ್ರೇಕ್ಷಕರ ಮನ ಗೆಲ್ಲುವುದು ಕೂಡ ಅಷ್ಟೇ ಮುಖ್ಯ.

ಆದರೆ ಅದು ಎಲ್ಲಾ ಚಿತ್ರಗಳಿಂದಲೂ ಸಾಧ್ಯವಾಗುತ್ತಾ ಇರಲಿಲ್ಲ.

ಮುಂಗಾರು ಮಳೆಯಿಂದ ಹುಟ್ಟಿತ್ತು ಇತಿಹಾಸ!

ಕನ್ನಡ ಚಿತ್ರಗಳಲ್ಲಿ ಅದೇ ಕ್ಲೀಷೆಯನ್ನು ಕಂಡು ಬೇಸತ್ತು ಹೋಗಿದ್ದರು ಪ್ರೇಕ್ಷಕರು. ಆಗ 'ಮುಂಗಾರು ಮಳೆ' ಎನ್ನುವ ಚಿತ್ರ ಮತ್ತೊಂದು ಉದಾಹರಣೆ ಸೆಟ್ ಮಾಡಿತು. ನಂತರ ಇದೆ ಹಾದಿಯಲ್ಲಿ ಹತ್ತಾರು ಸಿನಿಮಾ ಬಂದು ಬೀಗಿದ್ದು ಇದೆ. ಆದರೆ ಬಳಿಕ ಹೊಸಬರು ಚಿತ್ರರಂಗಕ್ಕೆ ಪದಾರ್ಪಣೆ ಮಾಡುತ್ತಿದ್ದ ಹಾಗೆ 'ರಂಗಿತರಂಗ'ದಂತಹ ಒಂದಷ್ಟು ಹೊಸ ಪ್ರಯತ್ನಗಳು ಕೂಡ ನಡೆದಿವೆ. ಆದರೆ ಅದು ಕನ್ನಡಕ್ಕೆ ಮಾತ್ರ ಸೀಮಿತವಾಗಿ ಬಿಟ್ಟಿತು.

ಇದು ಕೆಜಿಎಫ್ ಯುಗ!

ಈಗ ಬಂದಿರುವ ಕನ್ನಡದ ಕೆಜಿಎಫ್ ಚಿತ್ರ ಇತಿಹಾಸ ಬರೆದಯುವುದರ ಮೂಲಕ ಮಾದರಿ ಆಗಿದೆ ಎನ್ನಬಹುದು. ಪರಭಾಷಿಗರು ಯಾವುದೇ ಅಡೆ ತಡೆ ಇಲ್ಲದೆ ಕನ್ನಡದ ಚಿತ್ರವನ್ನು ಹಾಡಿ ಹೊಗಳುತ್ತಿದ್ದಾರೆ. ಕೆಜಿಎಫ್ ಒಂದು ಉತ್ತಮ ಸಿನಿಮಾ ಎನ್ನುತ್ತಿದ್ದಾರೆ. ಇನ್ನು ವಿಶ್ವವೇ ಕನ್ನಡದ ಈ ಚಿತ್ರದ ಕಡೆಗೆ ತಿರುಗಿ ನೋಡುತ್ತಾ ಇದೆ. ಕೆಜಿಎಫ್ ಸಿನಿಮಾ ಎಲ್ಲೆಲ್ಲೂ ಹೆಸರು ಮಾಡಿ ಬಿಟ್ಟಿತು. ಸಿನಿಮಾ ಚೆನ್ನಾಗಿದೆಯಾ? ಚಿತ್ರದಲ್ಲಿ ಏನಿದೆ, ಏನಿಲ್ಲ ಎನ್ನುವುದನ್ನು ಅಳೆಯುದಕ್ಕಿಂತ, ಚಿತ್ರ ಜನರನ್ನು ಎಷ್ಟರ ಮಟ್ಟಿಗೆ ತಲುಪಿದೆ ಎನ್ನುವುದು ಮುಖ್ಯ. ಕೆಜಿಎಫ್ 2 ವಿಶ್ವದ ಪ್ರೇಕ್ಷಕರನ್ನು ತಲುಪಿದ್ದು ಆಗಿದೆ.

ಕನ್ನಡದ ನಟರು ಪ್ಯಾನ್ ಇಂಡಿಯಾ ಸಿನಿಮಾ ಮಾಡ್ತಾರಾ?

ಕೆಜಿಎಫ್ ಬರೆದ ದಾಖಲೆ ಕನ್ನಡದ ಇತರೆ ಸಿನಿಮಾಗಳೆ ಸವಾಲೆ ಸರಿ. ಅಂದರೆ ಈ ಮಟ್ಟಿಗೆ ಕನ್ನಡದ ಒಂದು ಸಿನಿಮಾ ರೀಚ್ ಆಗಿದೆ ಅಂದರೆ, ಬೇರೆ ಚಿತ್ರಗಳಿಗೆ ಇದು ಸುಲಭದ ಮಾರ್ಗವೆ. ಈಗಲಾದರೂ ಕೆಲವರು ಅನುಸರಿಸುತ್ತಾ ಇರುವ ಹಳೇ ಸೂತ್ರಗಳನ್ನು ಬಿಟ್ಟು ಹೊಸ ಮಾರ್ಗದಲ್ಲಿ ಯೋಚಿಸುವ ಅನಿವಾರ್ಯತೆ ಎದುರಾಗಿದೆ. ಇನ್ನು ಕನ್ನಡ ಚಿತ್ರಗಳಿಕೆ ಬಾಲಿವುಡ್‌ನಲ್ಲಿ ಮಾರ್ಕೆಟ್ ತೆರೆದಿದೆ. ಕನ್ನಡದ ಒಂದು ಸಿನಿಮಾ ಹಿಂದಿ ಅಥವಾ ಬೇರೆ ಭಾಷೆಗೆ ಡಬ್ ಆಗಿ ರಿಲೀಸ್ ಆಗುತ್ತದೆ ಎಂದರೆ ಎಲ್ಲರೂ ಹಾಗೆ ತಳ್ಳಿ ಹಾಕದೆ. ಒಂದು ಕ್ಷಣ ಚಿತ್ರದ ಬಗ್ಗೆ ಯೋಚಿಸುವ ಸ್ಥಿತಿ ಈಗ ಸೃಷ್ಟಿಯಾಗಿದೆ.