ಕಾರ್ಮಿಕರ ದಿನದಂದು ಮತ್ತೊಮ್ಮೆ ರೇಡ್ ಮಾಡಲು ಬರಲಿರೋ ಅಜಯ್ ದೇವಗನ್

ಬಾಲಿವುಡ್‌ ಮೋಸ್ಟ್ ಎಕ್ಸ್‌ಪೆಕ್ಟೆಡ್ ಸಿನಿಮಾಗಳಲ್ಲೊಂದು 'ರೇಡ್ 2'. ಇದು 2018ರಲ್ಲಿ ತೆರೆಕಂಡಿದ್ದ 'ರೇಡ್' ಸಿನಿಮಾದ ಸೀಕ್ವೆಲ್. ಈ ಸಿನಿಮಾ 2025ರ ಮೇ 1ರಂದು ಬಿಡುಗಡೆಯಾಗುತ್ತಿದೆ. ಈ ಸಿನಿಮಾ 'ರೇಡ್'ನ ಥ್ರಿಲ್, ಡ್ರಾಮ ಹಾಗೂ ಸಸ್ಪೆನ್ಸ್ ಅನ್ನು ಮತ್ತೆ ತೆರೆಮೇಲೆ ತರುತ್ತಿದೆ ಎಂದು ನಿರೀಕ್ಷಿಸಲಾಗಿದೆ. ಈ ಸಿನಿಮಾ ಟ್ಯಾಗ್‌ ಲೈನ್ ಕೂಡ ಅಷ್ಟೇ ಮಜವಾಗಿದೆ. "ಹೊಸ ನಗರ, ಹೊಸ ಫೈಲ್.. ಹಾಗೂ ಅಮೈ ಪಟ್ನಾಯಕ್ ಹೊಸ ರೇಡ್" ಎಂದು ಹೇಳಲಾಗಿದೆ.

ಅಜಯ್ ದೇವಗನ್ ಈ ಸಿನಿಮಾದಲ್ಲಿ ಐಆರ್‌ಎಸ್ ಅಧಿಕಾರಿಯಾಗಿ ಕಾಣಿಸಿಕೊಂಡಿದ್ದಾರೆ. ಭ್ರಷ್ಟರಿಗೆ ದು:ಸಪ್ನವಾಗಿ ಕಾಡುವ ಅಧಿಕಾರಿಯಾಗಿ ಕಾಣಿಸಿಕೊಳ್ಳಲಿದ್ದಾರೆ. ಈ ಬಾರಿ ಹೊಸ ಮಿಷನ್‌ನೊಂದಿಗೆ ಹೊಸದೊಂದು ನಗರದಲ್ಲಿ ರೇಡ್ ಮಾಡುವುದಕ್ಕೆ ಹೊರಟಿದ್ದಾರೆ. ಈ ಸಿನಿಮಾದಲ್ಲಿ ಇನ್ನೊಂದು ಪವರ್‌ಫುಲ್ ಪರ್ಫಾಮೆನ್ಸ್ ಅನ್ನು ನೀಡಲಿದ್ದಾರೆ.

'ರೇಡ್ 2'ನಲ್ಲಿ ಅಜಯ್ ದೇವಗನ್ ಜೊತೆಗೆ ರಿತೇಶ್ ದೇಶ್‌ಮುಖ್, ವಾಣಿ ಕಪೂರ್ ಹಾಗೂ ರಜತ್ ಕಪೂರ್ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಈ ಮೂಲಕ ತೆರೆಮೇಲೆ ಇನ್ನಷ್ಟು ಸಿನಿಮ್ಯಾಟಿಕ್ ಅನುಭವ ನೀಡಲಿದೆ ಎಂದು ನಿರೀಕ್ಷೆ ಮಾಡಲಾಗಿದೆ.

2018ರಲ್ಲಿ ರೇಡ್ ಸಿನಿಮಾವನ್ನು ರಾಜ್ ಕುಮಾರ್ ಗುಪ್ತಾ ನಿರ್ದೇಶನ ಮಾಡಿದ್ದರು. ತೆರೆಮೇಲೆ ಅದ್ಭುತವಾಗಿ ಕಥೆ ಹೇಳಿ ಪ್ರೇಕ್ಷಕರನ್ನು ಸೆಳೆದಿದ್ದರು. ಸಿನಿಮಾ ನೋಡುತ್ತಿದ್ದ ಜನರನ್ನು ಸೀಟಿನ ತುದಿಯಲ್ಲಿ ಕೂರುವಂತೆ ಮಾಡಿದ್ದರು. ಈಗ ರೇಡ್ 2 ಮೂಲಕ ಮತ್ತೊಂದು ಮಾಸ್ಟರ್ ಪೀಸ್ ನೀಡಬಹುದು ಎಂದು ನಿರೀಕ್ಷೆ ಮಾಡಲಾಗಿದೆ.

ಆದಾಯ ತೆರೆಗೆ ವಂಚನೆ ಮಾಡಿದವರಿಗೆ ಬಿಸಿ ಮುಟ್ಟಿಸುವ ಪಾತ್ರದಲ್ಲಿ ಅಜಯ್ ದೇವಗನ್ ಮತ್ತಷ್ಟು ಪವರ್‌ಫುಲ್ ಆಗಿ ಕಾಣಿಸಿಕೊಳ್ಳಲಿದ್ದಾರೆ. ಇದರಲ್ಲಿ ಅದ್ದೂರಿ ಆಕ್ಷನ್ ಸೀಕ್ವೆನ್ಸ್, ಗ್ರಿಪ್ ಆಗಿರುವ ಕಥೆಯನ್ನು ನಿರೀಕ್ಷೆ ಮಾಡಬಹುದಾಗಿದೆ. ರೇಡ್ 2 ಸಿನಿಮಾದಲ್ಲಿ ಅಮೈ ಪಾಟ್ನಾಯಕ್ ಜರ್ನಿಯನ್ನು ನೋಡಬಹುದಾಗಿದೆ.