ಬೆಂಗಳೂರು ಅಂತರಾಷ್ಟ್ರೀಯ ಸಿನಿಮೋತ್ಸವ 2020 ರಲ್ಲಿ ಪ್ರಶಸ್ತಿ ಗೆದ್ದ ಕನ್ನಡ ಚಲನಚಿತ್ರಗಳು

ಕನ್ನಡ ಜನಪ್ರಿಯ ಸಿನಿಮಾ ವಿಭಾಗದಲ್ಲಿ ಪ್ರದರ್ಶನಗೊಂಡ ಹತ್ತು ಚಲನಚಿತ್ರಗಳಲ್ಲಿ ಮುನಿರತ್ನರ ಕುರುಕ್ಷೇತ್ರ ಈ ವರ್ಷದ ಕನ್ನಡದ ಅತಿ ಜನಪ್ರಿಯ ಚಲನಚಿತ್ರ ಪ್ರಶಸ್ತಿ ಪಡೆಯಿತು. ಚಾಲೆಂಜಿಂಗ್ ದರ್ಶನ್ ರ ಐವತ್ತನೇ ಚಿತ್ರವಾದ ಈ ಸಿನಿಮಾದಲ್ಲಿ ದರ್ಶನ್ ದುರ್ಯೋಧನನ ಪಾತ್ರದಲ್ಲಿ ಮಿಂಚಿದ್ದರು. ಪ್ರಶಸ್ತಿಗೆ ನೀಡಿದ ಕಾರಣ: ``ಅಪರೂಪದ ಐತಿಹಾಸಿಕ ಚಿತ್ರ, ಉತ್ತಮ ವಸ್ತ್ರ ವಿನ್ಯಾಸ ಮತ್ತು ಉತ್ತಮ ಸಂಭಾಷಣೆಗಳು''

ಕನ್ನಡ ಜನಪ್ರಿಯ ಸಿನಿಮಾ ವಿಭಾಗದಲ್ಲಿ ಪ್ರದರ್ಶನಗೊಂಡ ಹತ್ತು ಚಲನಚಿತ್ರಗಳಲ್ಲಿ ಜಯತೀರ್ಥರ ಬೆಲ್ ಬಾಟಂ, ಈ ವರ್ಷದ ಕನ್ನಡದ ಎರಡನೇ ಅತಿ ಹೆಚ್ಚು ಜನಪ್ರಿಯ ಚಲನಚಿತ್ರ ಪ್ರಶಸ್ತಿ ಪಡೆಯಿತು. ರಿಷಭ್ ಶೆಟ್ಟಿ ಮತ್ತು ಹರಿಪ್ರಿಯಾ ಮುಖ್ಯಪಾತ್ರಗಳಲ್ಲಿ ನಟಿಸಿದ್ದರು. ಪ್ರಶಸ್ತಿಗೆ ನೀಡಿದ ಕಾರಣ: `` ತಿಳಿ ಹಾಸ್ಯ, ಕುತೂಹಲಕಾರಿ ಕಥೆ ಮತ್ತು ಚಿತ್ರಕಥೆ, ಭರಪೂರ ಮನರಂಜನೆ.

ಕನ್ನಡ ಜನಪ್ರಿಯ ಸಿನಿಮಾ ವಿಭಾಗದಲ್ಲಿ ಪ್ರದರ್ಶನಗೊಂಡ ಹತ್ತು ಚಲನಚಿತ್ರಗಳಲ್ಲಿ ಶೈಲಜಾ ನಾಗ್ ರ ಯಜಮಾನ, ಈ ವರ್ಷದ ಕನ್ನಡದ ಮೂರನೇ ಅತಿ ಹೆಚ್ಚು ಜನಪ್ರಿಯ ಚಲನಚಿತ್ರ ಪ್ರಶಸ್ತಿ ಪಡೆಯಿತು. ದರ್ಶನ್, ರಶ್ಮಿಕಾ ಮತ್ತು ತಾನ್ಯಾ ಹೋಪ್ ಮುಖ್ಯಪಾತ್ರಗಳಲ್ಲಿ ನಟಿಸಿದ್ದರು. ಪ್ರಶಸ್ತಿಗೆ ನೀಡಿದ ಕಾರಣ: `` ವಾಣಿಜ್ಯಾತ್ಮಕತೆ ಮತ್ತು ಮನರಂಜನೆಯೊಂದಿಗೆ ಸಮಾಜಿಕ ಸಂದೇಶ ನೀಡಿದ ಚಲನಚಿತ್ರ''

ಕನ್ನಡ ಸಿನಮಾ ಸ್ಪರ್ಧಾ ವಿಭಾಗದಲ್ಲಿ ಪ್ರದರ್ಶನಗೊಂಡ 14 ಚಲನಚಿತ್ರಗಳಲ್ಲಿ ಹೇಮಂತ್ ರಾವ್ ರವರ ಕವಲುದಾರಿ, ಈ ವರ್ಷದ ಕನ್ನಡದ ಅತ್ಯುತ್ತಮ ಚಲನಚಿತ್ರ ಪ್ರಶಸ್ತಿ ಪಡೆಯಿತು. ರಿಷಿ ಮತ್ತು ಅನಂತನಾಗ್ ಮುಖ್ಯಪಾತ್ರಗಳಲ್ಲಿ ನಟಿಸಿದ್ದರು. ಪ್ರಶಸ್ತಿಗೆ ನೀಡಿದ ಕಾರಣ: `` ಮೈನವಿರೇಳುಸುವ ಕಥೆ, ರೋಚಕಗೊಳಿಸುವ ಹಿನ್ನಲೆ ಸಂಗೀತ, ನೈಸರ್ಗಿಕ ಅಭಿನಯ ಮತ್ತು ಸಮರ್ಥ ನಿರ್ದೇಶನ''

ಕನ್ನಡ ಸಿನಮಾ ಸ್ಪರ್ಧಾ ವಿಭಾಗದಲ್ಲಿ ಪ್ರದರ್ಶನಗೊಂಡ 14 ಚಲನಚಿತ್ರಗಳಲ್ಲಿ ಸಚಿನ್ ಶೆಟ್ಟಿಯವರ ಒಂದು ಶಿಕಾರಿಯ ಕಥೆ, ಮೊದಲ ರನ್ನರ್ ಅಪ್ ಆಯಿತು. ಪ್ರಮೋದ್ ಶೆಟ್ಟಿ ಒಬ್ಬ ಬರಹಗಾರನ ಪಾತ್ರದಲ್ಲಿ ನಟಿಸಿದ್ದರು. ಪ್ರಶಸ್ತಿಗೆ ನೀಡಿದ ಕಾರಣ: `` ಮನುಷ್ಯನ ಸ್ವಾರ್ಥದ ಪರಿಣಾಮ, ಉತ್ತಮ ಚಿತ್ರಕಥೆ, ಉತ್ತಮ ದೃಶ್ಯ ಮತ್ತು ನಿರ್ದೇಶನ''.

ಕನ್ನಡ ಸಿನಮಾ ಸ್ಪರ್ಧಾ ವಿಭಾಗದಲ್ಲಿ ಪ್ರದರ್ಶನಗೊಂಡ 14 ಚಲನಚಿತ್ರಗಳಲ್ಲಿ ದಯಾಳ್ ಪದ್ಮನಾಭನ್ ರವರ ರಂಗನಾಯಕಿ, ಎರಡನೇ ರನ್ನರ್ ಅಪ್ ಆಯಿತು. ಆದಿತಿ ಪ್ರಭುದೇವ ಒಬ್ಬ ಅತ್ಯಾಚಾರ ಸಂತ್ರಸ್ಥೆ ಪಾತ್ರದಲ್ಲಿ ನಟಿಸಿದ್ದರು. ಪ್ರಶಸ್ತಿಗೆ ನೀಡಿದ ಕಾರಣ: ``ಸಮಾಜದಲ್ಲಿ ಒಬ್ಬ ಅತ್ಯಾಚಾರ ಸಂತ್ತಸ್ಥೆಯ ಹೋರಾಟವನ್ನು ಸಮರ್ಥ ಸಂಭಾಷಣೆ ಮತ್ತು ಮುಖ್ಯ ಪಾತ್ರಧಾರಿಯ ಉತ್ತಮ ಅಭಿನಯದ ಮೂಲಕ ಬಿಂಬಿಸಿರುವುದು''.

ಕನ್ನಡ ಸಿನಮಾ ಸ್ಪರ್ಧಾ ವಿಭಾಗದಲ್ಲಿ ಪ್ರದರ್ಶನಗೊಂಡ 14 ಚಲನಚಿತ್ರಗಳಲ್ಲಿ ಆರ್ ಮಧುಚಂದ್ರರವರ ಸೆಲ್ಫಿ ಮಮ್ಮಿ ಗೂಗಲ್ ಡ್ಯಾಡಿ, ವಿಮರ್ಶಕರ ಆಯ್ಕೆ ಆಯಿತು. ಸೃಜನ್ ಲೋಕೇಶ್ ಮತ್ತು ಮೇಘನಾ ರಾಜ್ ಮುಖ್ಯ ಪಾತ್ರಗಳಲ್ಲಿ ನಟಿಸಿದ್ದರು. ಪ್ರಶಸ್ತಿಗೆ ನೀಡಿದ ಕಾರಣ: ``ಮೊಬೈಲ್ ಗಳ ಅತಿ ವ್ಯಾಮೋಹ ಮತ್ತು ಮಕ್ಕಳ ಮೇಲೆ ಅವುಗಳ ಪರಣಾಮವನ್ನು ಸರಳ ಕಥೆಯ ಮೂಲಕ ಬಿಂಬಿಸಿರುವುದು''.

ಕನ್ನಡ ಸಿನಮಾ ಸ್ಪರ್ಧಾ ವಿಭಾಗದಲ್ಲಿ ಪ್ರದರ್ಶನಗೊಂಡ 14 ಚಲನಚಿತ್ರಗಳಲ್ಲಿ ಆರ್ ಪ್ರೀತಮ್ ಶೆಟ್ಟಿಯವರ ಪಿಂಗಾರ ಚಿತ್ರ NETPAC ( Network for the Promotion of Asian Cinema) ಅಂತರಾಷ್ಟ್ರೀಯ ಪ್ರಶಸ್ತಿ ಪಡೆಯಿತು. ನೀಮಾ ರೇ ಮುಖ್ಯ ಪಾತ್ರದಲ್ಲಿ ನಟಿಸಿದ್ದರು. ಪ್ರಶಸ್ತಿಗೆ ನೀಡಿದ ಕಾರಣ: ``ಮಾನವನ ಸೂಕ್ಷ್ಮ ಭಾವನೆಗಳ ಪ್ರದರ್ಶನ, ಜಾತಿಗಳ ಮಧ್ಯೆ ಸಮಾನತೆ, ದೈವದ ಮುಂದೆ ತಪ್ಪೊಪಿಗೆ ಮತ್ತು ತುಳುನಾಡ ಸಂಸ್ಕೃತಿಯ ಚಿತ್ರಣ ''.