ಅರುಣ್ ಸಾಗರ್ ಟು ಡ್ರೋನ್ ಪ್ರತಾಪ್: ಬಿಗ್‌ಬಾಸ್‌ ಕನ್ನಡ ಸೀಸನ್ ಒನ್ ಟು ಟೆನ್ ರನ್ನರ್ಸ್ ಈಗೇನ್ ಮಾಡ್ತಿದ್ದಾರೆ ಗೊತ್ತಾ?

ಅರುಣ್ ಸಾಗರ್ ಬಿಗ್‌ಬಾಸ್‌ ಕನ್ನಡ ಸೀಸನ್ ೧ರ ರನ್ನರ್ ಅಪ್ ಆಗಿದ್ದರು. ಕನ್ನಡ ಚಿತ್ರರಂಗದಲ್ಲಿ ನಟ, ನಿರ್ದೇಶಕ, ನಿರೂಪಕ ಹಾಗೂ ಹಾಸ್ಯ ಕಲಾವಿದರಾಗಿ ಗುರುತಿಸಿಕೊಂಡಿರುವ ಇವರು, ಅದ್ಭುತ ಕಲಾವಿದ. ಅರುಣ್ ಸಾಗರ್ ಇತ್ತೀಚೆಗೆ 'ಹಂಪಿ ಉತ್ಸವಸ' ವೇದಿಕೆ ವಿನ್ಯಾಸ ಮಾಡಿದ್ದರು. ಸದ್ಯ ಅವರು ಸಿನಿಮಾ ಹಾಗೂ ಈವೆಂಟ್ಸ್‌ಗಳಿಗೆ ಕಲಾ ನಿರ್ದೇಶನ ಮಾಡುವಲ್ಲಿ ಬ್ಯುಸಿಯಾಗಿದ್ದಾರೆ. 

ಬಿಗ್‌ಬಾಸ್‌ ಕನ್ನಡ ಸೀಸನ್ 2ರ ರನ್ನರ್ ಅಪ್ ಸೃಜನ್ ಲೋಕೇಶ್. ಸದ್ಯ ಅವರು ನನ್ನಮ್ಮ ಸೂಪರ್ ಸ್ಟಾರ್ ಸೀಸನ್ ೩ರ ತೀರ್ಪುಗಾರರಾಗಿದ್ದಾರೆ. ಇದರ ಜೊತೆಗೆ ಜಿಎಸ್‌ಟಿ ಎಂಬ ಸಿನಿಮಾವನ್ನು ನಿರ್ದೇಶನ ಮಾಡುವ ಜೊತೆಗೆ ನಾಯಕನಾಗಿ ಅಭಿನಯಿಸುತ್ತಿದ್ದಾರೆ. 

ಬಿಗ್‌ಬಾಸ್‌ ಕನ್ನಡ ಸೀಸನ್ 3ರ ರನ್ನರ್ ಅಪ್ ಆಗಿ ಚಂದನ್ ಕುಮಾರ್ ಹೊರಹೊಮ್ಮಿದ್ದರು. ಸದ್ಯ ತೆಲುಗು ಸೀರಿಯಲ್‌ಗಳಲ್ಲಿ ಬ್ಯುಸಿಯಾಗಿರುವ ಚಂದನ್, ಹೊಟೇಲ್ ಉದ್ಯಮಿಯಾಗಿಯೂ ಗುರುತಿಸಿಕೊಂಡಿದ್ದಾರೆ. ಚಂದನ್ ಬೆಂಗಳೂರಿನ ಹಲವೆಡೆ 'ಮಂಡಿಪೇಟೆ ಪಲಾವ್' ಎಂಬ ನಾನ್‌ವೆಜ್ ಹೊಟೇಲ್ ಬ್ರಾಂಚ್‌ಗಳನ್ನು ತೆರೆದಿದ್ದಾರೆ. 

ಬಿಗ್‌ಬಾಸ್‌ ಕನ್ನಡ ಸೀಸನ್ 4ರಲ್ಲಿ ಎರಡನೇ ಸ್ಥಾನ ಪಡೆದವರು ಕಿರಿಕ್ ಕೀರ್ತಿ. ಪತ್ರಕರ್ತರಾಗಿರುವ ಕಿರಿಕ್ ಕೀರ್ತಿ ತಮ್ಮ ಕೆಲಸದಲ್ಲಿ ತೊಡಗಿಕೊಂಡಿದ್ದಾರೆ. ಬಿಗ್‌ಬಾಸ್‌ ಸೀಸನ್ ೧೦ರ ಒಂದು ಎಪಿಸೋಡ್‌ನಲ್ಲೂ ಇವರು ಭಾಗವಹಿಸಿದ್ದರು. 

ಬಿಗ್‌ಬಾಸ್‌ ಕನ್ನಡ ಸೀಸನ್ 5ರಲ್ಲಿ ಎರಡನೇ ಸ್ಥಾನ ಪಡೆದವರು ದಿವಾಕರ್. ಬಿಗ್‌ಬಾಸ್‌ ರನ್ನರ್ ಅಪ್ ಆದಮೇಲೆ ಇವರು 'ದಿವಾಕರ್ ರೆಮಿಡೀಸ್' ಎಂಬ ತಮ್ಮದೇ ಕಂಪನಿ ಆರಂಭಿಸಿದ್ದಾರೆ. 

ಬಿಗ್‌ಬಾಸ್‌ ಕನ್ನಡ ಸೀಸನ್ 6ರ ರನ್ನರ್ ಅಪ್ ಗಾಯಕ ನವೀನ್ ಸಜ್ಜು. ಆರಂಭದಲ್ಲಿ ಊರೂರು ಸುತ್ತಿ ಆರ್ಕೆಸ್ಟ್ರಾದಲ್ಲಿ ಹಾಡುತ್ತಿದ್ದ ನವೀನ್ ಸಜ್ಜು ಹೊಟ್ಟೆಪಾಡಿಗಾಗಿ ಎರಡು ತಿಂಗಳು ಆಟೋ ಕೂಡ ಓಡಿಸಿದ್ದರು. ಸದ್ಯ ಕನ್ನಡ ಚಿತ್ರರಂಗದಲ್ಲಿ ಅದ್ಭುತ ಗಾಯಕನಾಗಿ ಗುರುತಿಸಿಕೊಂಡಿರುವ ಅವರು, ಹಾಡುಗಳ ಸಂಯೋಜನೆಯಲ್ಲಿ ಬ್ಯುಸಿಯಾಗಿದ್ದಾರೆ. 

ಬಿಗ್‌ಬಾಸ್‌ ಕನ್ನಡ ಸೀಸನ್ 7ರ ರನ್ನರ್ ಅಪ್ ಕುರಿ ಪ್ರತಾಪ್. ಸದ್ಯ ಇವರು ರಿಯಾಲಿಟಿ ಶೋಗಳ ಆಂಕರ್ ಆಗಿ ಕಾರ್ಯನಿರ್ವಹಿಸುತ್ತಿದ್ದಾರೆ. ಜೊತೆಗೆ ಅನೇಕ ಸಿನಿಮಾಗಳಲ್ಲಿ ಫೋಷಕ ಹಾಗೂ ಹಾಸ್ಯ ಕಲಾವಿದರಾಗಿ ಅಭಿನಯಿಸುತ್ತಿದ್ದಾರೆ.  

ಬಿಗ್‌ಬಾಸ್‌ ಕನ್ನಡ ಸೀಸನ್ 8ರಲ್ಲಿ ಎರಡನೇ ಸ್ಥಾನ ಪಡೆದವರು ಬೈಕರ್ ಅರವಿಂದ್ ಕೆ.ಪಿ. ಇವರು ಬಿಗ್‌ಬಾಸ್‌ ಮುಗಿದ ಮೇಲೆ ದಿವ್ಯಾ ಉರುಡುಗ ಜೊತೆ ಅರ್ಧಂಬರ್ದ ಪ್ರೇಮಕಥೆ ಸಿನಿಮಾದಲ್ಲಿ ನಾಯಕನಾಗಿ ಅಭಿನಯಿಸಿದ್ದರು. ಜೊತೆಗೆ ಕೆಲ ರಿಯಾಲಿಟಿ ಶೋನಲ್ಲೂ ಭಾಗವಹಿಸಿದ್ದಾರೆ. ಇದೆಲ್ಲದರ ಜೊತೆಗೆ ಬೈಕ್‌ ರೇಸ್‌ಗಳಲ್ಲೂ ಸಕ್ರಿಯರಾಗಿದ್ದಾರೆ. 

ಬಿಗ್‌ಬಾಸ್‌ ಕನ್ನಡ ಸೀಸನ್ 9ರಲ್ಲಿ ರನ್ನರ್ ಅಪ್ ಆದವರು ರಾಕೇಶ್ ಅಡಿಗ. ಅವರೀಗ ನಾನು ಮತ್ತು ಗುಂಡ 2 ಹಾಗೂ ರೂಮ್ ಎಂಬ ಸಿನಿಮಾಗಳ ಚಿತ್ರೀಕರಣದಲ್ಲಿ ಬ್ಯುಸಿಯಾಗಿದ್ದಾರೆ. 

ಇನ್ನೂ ಇತ್ತೀಚೆಗೆ ಮುಕ್ತಾಯಗೊಂಡ ಬಿಗ್‌ಬಾಸ್‌ ಕನ್ನಡ ಸೀಸನ್ 10ರಲ್ಲಿ ರನ್ನರ್ ಅಪ್ ಆದವರು ಡ್ರೋನ್ ಪ್ರತಾಪ್. ಈ ಕಾರ್ಯಕ್ರಮ ಮುಗಿಯುತ್ತಿದ್ದಂತೆ ಪ್ರತಾಪ್ ಗಿಚ್ಚಿ ಗಿಲಿಗಿಲಿ ರಿಯಾಲಿಟಿ ಶೋನಲ್ಲಿ ಭಾಗವಹಿಸಿದ್ದಾರೆ.