ನಟನೆಗೆ ಎಂಟ್ರಿಕೊಡುವುದಕ್ಕೂ ಮುನ್ನ ಬ್ಯಾಗ್ರೌಂಡ್ ಡ್ಯಾನ್ಸರ್ ಆಗಿದ್ದ ಕನ್ನಡದ ನಟಿಯರಿವರು!

ಲೂಸಿಯಾ ಸಿನಿಮಾ ಮೂಲಕ ಸ್ಯಾಂಡಲ್‌ವುಡ್‌ಗೆ ಎಂಟ್ರಿಕೊಟ್ಟ ಶೃತಿ ಹರಿಹರನ್, ಮೊದಲ ಚಿತ್ರದಲ್ಲೇ ಸೂಪರ್ ಸಕ್ಸಸ್ ಕಂಡರು. ಆನಂತರ ನಾತಿಚರಮಿ,  ಹಂಬಲ ಪೊಲಿಟಿಶಿಯನ್ ನೊಗರಾಜ್, ಬ್ಯೂಟಿಫುಲ್ ಮನಸ್ಸುಗಳು, ಊರ್ವೀ, ರಾಟೆ, ತಾರಕ್ ಮುಂತಾದ ಸಿನಿಮಾಗಳ ಮೂಲಕ ಗುರುತಿಸಿಕೊಂಡಿದ್ದಾರೆ. ಇವರು ನಟನೆಗೆ ಎಂಟ್ರಿಕೊಡುವ ಮುನ್ನ ಫೇಮಸ್ ಡ್ಯಾನ್ಸ್ ಕೊರಿಯಾಗ್ರಾಫರ್ ಇಮ್ರಾನ್ ಸರ್ದಾರಿಯಾ ನೃತ್ಯ ತಂಡದಲ್ಲಿ ಕೆಲಸ ಮಾಡುತ್ತಿದ್ದರು. ಶೃತಿ ಹರಿಹರನ್ 'ಕಳ್ಳ ಮಳ್ಳ ಸುಳ್ಳ' ಚಿತ್ರದಲ್ಲಿ  ಬ್ಯಾಗ್ರೌಂಡ್ ಡ್ಯಾನ್ಸರ್ ಆಗಿ ಕಾಣಿಸಿಕೊಂಡಿದ್ದಾರೆ.

2008ರಲ್ಲಿ ಮನಸಾರೆ ಸಿನಿಮಾ ಮೂಲಕ ಕನ್ನಡ ಚಿತ್ರರಂಗಕ್ಕೆ ಪದಾರ್ಪಣೆ ಮಾಡಿದ ಐಂದ್ರಿತಾ ರೇ, ಆನಂತರ ಹಲವು ಹಿಟ್ ಸಿನಿಮಾಗಳಲ್ಲಿ ಅಭಿನಯಿಸುವ ಮೂಲಕ ಗುರುತಿಸಿಕೊಂಡಿದ್ದಾರೆ. ಇವರು ನಟಿಯಾಗುವುದಕ್ಕೂ ಮುನ್ನ ಧ್ಯಾನ್ ನಟನೆಯ 'ಜಾಕ್‌ಪಾಟ್' ಸಿನಿಮಾದ ಲೈಲಾ ಚಿಂಚಾರಿ ಲೈಲಾ ಹಾಡಿನಲ್ಲಿ  ಬ್ಯಾಗ್ರೌಂಡ್ ಡ್ಯಾನ್ಸರ್ ಆಗಿ ಕಾಣಿಸಿಕೊಂಡಿದ್ದರು. 

ಸೌತ್ ಮತ್ತು ಬಾಲಿವುಡ್ ನಟಿ  ಡೈಸಿ  ಶಾ ಕನ್ನಡದಲ್ಲಿ ಭದ್ರ, ಅಂಗರಕ್ಷಕ, ಆಕ್ರಮಣ ಸೇರಿದಂತೆ  ಕೆಲ ಸಿನಿಮಾಗಳಲ್ಲಿ ಅಭಿನಯಿಸಿದ್ದಾರೆ. ಇವರು ಸಿನಿಕರಿಯರ್ ಆರಂಭಿಸುವುದಕ್ಕೂ ಮೊದಲು ಡ್ಯಾನ್ಸ್ ಕೊರಿಯಾಗ್ರಾಫರ್ ಆಗಿದ್ದು, ಸಲ್ಮಾನ್ ಖಾನ್ ನಟನೆಯ ತೇರೆ ನಾಮ್ ಸಿನಿಮಾದ ಹಾಡೊಂದರಲ್ಲಿ ಬ್ಯಾಗ್ರೌಂಡ್ ಡ್ಯಾನ್ಸರ್ ಆಗಿ ಕಾಣಿಸಿಕೊಂಡಿದ್ದರು. 

ಗಟ್ಟಿಮೇಳ ಧಾರಾವಾಹಿ ಮೂಲಕ ರೌಡಿ ಬೇಬಿ ಎಂದೇ ಜನಪ್ರಿಯತೆ ಗಳಿಸಿರುವ ನಿಶಾ ಮಿಲನಾ, ಕನ್ನಡ ಮಾತ್ರವಲ್ಲದೇ ತೆಲುಗು ಸೀರಿಯಲ್‌ಗಳಲ್ಲೂ ಮಿಂಚಿದ್ದಾರೆ. ನಿಶಾ ಅವರು ನಾಗತಿಹಳ್ಳಿ ಚಂದ್ರಶೇಖರ್ ನಿರ್ದೇಶನದ ಇಷ್ಟಕಾಮ್ಯ ಸಿನಿಮಾದ 'ನೀ ನನಗೋಸ್ಕರ' ಹಾಡಿನಲ್ಲಿ ಬ್ಯಾಗ್ರೌಂಡ್ ಡ್ಯಾನ್ಸರ್ ಆಗಿ ಕಾಣಿಸಿಕೊಂಡಿದ್ದಾರೆ. ಸದ್ಯ ಪಂಚರ್ ಲೈಫ್ ಸಿನಿಮಾ ಮೂಲಕ ಬೆಳ್ಳಿತೆರೆಗೂ ಎಂಟ್ರಿಕೊಟ್ಟಿದ್ದಾರೆ. 

ಕುಮುದಾ ಎಂಬ ಧಾರಾವಾಹಿಯಿಂದ ನಟನೆಗೆ ಎಂಟ್ರಿಕೊಟ್ಟ ಮೇಘನಾ ಗಾಂವ್ಕರ್, ನಮ್ ಏರಿಯಾದಲ್ಲಿ ಒಂದಿನ ಚಿತ್ರದ ಮೂಲಕ ಬೆಳ್ಳಿತೆರೆಗೆ ಎಂಟ್ರಿಕೊಟ್ಟರು. ಆನಂತರ ತುಘಲಕ್, ಚಾರ್‌ಮಿನಾರ್, ಸಿಂಪಲ್ಲಾಗ್ ಇನ್ನೊಂದು ಲವ್‌ಸ್ಟೋರಿ ಸೇರಿದಂತೆ ಹಲವು ಚಿತ್ರಗಳಲ್ಲಿ ನಟಿಸಿದರು. ಮೇಘನಾ ಸಿನಿಕರಿಯರ್ ಆರಂಭಿಸುವುದಕ್ಕೂ ಮುನ್ನ ಶಿಯಾಮಕ್ ದಾವರ್ ಎಂಬುವವರ ಜೊತೆ ಸ್ಟೇಜ್ ಶೋ ಮಾಡುತ್ತಿದ್ದರು. 

ಗಾಳಿಪಟ ಸಿನಿಮಾ ಮೂಲಕ ಸಿನಿಕರಿಯರ್ ಆರಂಭಿಸಿದ ಭಾವನಾ ರಾವ್ ಅವರು, ಭರತನಾಣ್ಯ ಪ್ರವೀಣೆ. ತಮ್ಮದೇಯಾದ ನೃತ್ಯತಂಡದೊಂದಿಗೆ ಅನೇಕ ವರ್ಷಗಳಿಂದ ಹಲವಾರು ಸ್ಟೇಜ್‌ ಶೋಗಳಲ್ಲಿ ಪ್ರದರ್ಶನ ನೀಡಿದ್ದಾರೆ. ಇವರು ನಟಿಯಾಗುವ ಮೊದಲು ಡ್ಯಾನ್ಸರ್ ಆಗಿದ್ದರು.