Celebrity Kids Name: ತಮ್ಮ ಮಕ್ಕಳಿಗೆ ದೇವರ ಹೆಸರಿಟ್ಟ ನಟಿಯರಿವರು!

ವಿರಾಟ್ ಕೊಹ್ಲಿ ಹಾಗೂ ಅನುಷ್ಕಾ ಶರ್ಮಾ ಬಾಲಿವುಡ್‌ನ ಜನಪ್ರಿಯ ಜೋಡಿಗಳಲ್ಲೊಂದು. ಈ ದಂಪತಿ 2021ರಲ್ಲಿ ತಮ್ಮ ಮಗಳನ್ನು ಸ್ವಾಗತಿಸಿದರು. ಈ ಜೋಡಿ ತಮ್ಮ ಮಗಳಿಗೆ 'ವಮಿಕಾ' ಅಂತ ಹೆಸರಿಟ್ಟಿದ್ದಾರೆ. ವಮಿಕಾ ಅಂದರೆ ಮಾತೆ ದುರ್ಗೆಯ ರೂಪ. ಈ ಜೋಡಿಗೆ ಅಕಾಯ್ ಎಂಬ ಮಗನೂ ಇದ್ದಾನೆ.

ಪೊರ್ಕಿ ಬೆಡಗಿ ಪ್ರಣೀತಾ ಸುಭಾಷ್ ಏಪ್ರಿಲ್ 20ರಂದು ತಮ್ಮ ಮಗನ ಅದ್ಧೂರಿ ನಾಮಕರಣ ಮಾಡಿದ್ದು, ಪುತ್ರನಿಗೆ ಜಯ್ ಕೃಷ್ಣ ಅಂತ ಹೆಸರಿಟ್ಟಿದ್ದಾರೆ. ಈಗಾಗಲೇ ಅವರಿಗೆ ಎರಡು ವರ್ಷದ ಹೆಣ್ಣುಮಗುವಿದ್ದು, ಆಕೆಗೆ ಆರ್ನಾ ಅಂತ ಹೆಸರಿಟ್ಟಿದ್ದಾರೆ.

ಬಾಲಿವುಡ್ ಬೆಡಗಿ ಶಿಲ್ಪಾ ಶೆಟ್ಟಿ ಅವರಿಗೆ ಇಬ್ಬರು ಮಕ್ಕಳಿದ್ದಾರೆ. 2012ರಲ್ಲಿ ಗಂಡು ಮಗುವಿಗೆ ಜನ್ಮ ನೀಡಿದ ಶಿಲ್ಪಾ, ಮಗನಿಗೆ ವಿಯಾನ್ ಅಂತ ಹೆಸರಿಟ್ಟರು. ವಿಯಾನ್ ಅಂದರೆ ಜ್ಞಾನ ಎಂದರ್ಥ. ಆನಂತರ ಬಾಡಿಗೆ ತಾಯ್ತನದ ಮೂಲಕ ಮಗಳನ್ನು ಪಡೆದ ಈ ನಟಿ, ಸಾನಿಕಾ ಅಂತ ಹೆಸರಿಟ್ಟಿದ್ದಾರೆ. ಸಾನಿಕಾ ಅಂದರೆ ಲಕ್ಷ್ಮೀ ಎಂದರ್ಥ ಬರುತ್ತದೆ.

ಬಾಲಿವುಡ್ ನಟಿ ಬಿಪಾಶಾ ಬಸು ಹಾಗೂ ಕರಣ್ ಸಿಂಗ್ ಗ್ರೋವರ್ ದಂಪತಿಗೆ ಓರ್ವ ಮುದ್ದಾದ ಮಗಳಿದ್ದಾಳೆ. 2022ರಲ್ಲಿ ಹೆಣ್ಣುಮಗುವಿಗೆ ಜನ್ಮ ನೀಡಿದ ಬಿಪಾಶಾ, ಮಗಳಿಗೆ 'ದೇವಿ' ಅಂತ ಹೆಸರಿಟ್ಟಿದ್ದಾರೆ. ದೇವಿ ಎಂದರೆ ಪವಿತ್ರ ಎಂಬ ಅರ್ಥವೂ ಇದೆ.

ಕಿರುತೆರೆ ನಟಿ, ಲಕ್ಷ್ಮೀ ಬಾರಮ್ಮ ಧಾರಾವಾಹಿ ಖ್ಯಾತಿಯ ನೇಹಾ ಗೌಡ ಹಾಗೂ ಅಂತರಪಟ ಸೀರಿಯಲ್ ನಾಯಕ ಚಂದನ್  2024ರ ಅಕ್ಟೋಬರ್ ತಿಂಗಳಲ್ಲಿ ತಂದೆ-ತಾಯಿಯಾಗಿ ಭಡ್ತಿ ಪಡೆದಿದ್ದರು. ನೇಹಾ ಮುದ್ದಾದ ಹೆಣ್ಣುಮಗುವಿಗೆ ಜನ್ಮ ನೀಡಿದ್ದು, ತಮ್ಮ ಮಗಳಿಗೆ 'ಶಾರದೆ' ಅಂತ ಹೆಸರಿಟ್ಟಿದ್ದಾರೆ. ಶಾರದೆ ಎಂಬುದು ದೇವಿಯ ಹೆಸರು.

ಬಾಲಿವುಡ್ ನಟಿ ಆಲಿಯಾ ಭಟ್ ಹಾಗೂ ರಣಬೀರ್ ಕಪೂರ್ ತಮ್ಮ ಹೆಣ್ಣುಮಗುವಿಗೆ 'ರಾಹಾ' ಅಂತ ಹೆಸರಿಟ್ಟಿದ್ದಾರೆ. ತಮ್ಮ ಮಗಳ ಹೆಸರನ್ನು ಇನ್‌ಸ್ಟಾದಲ್ಲಿ ರಿವೀಲ್ ಮಾಡಿದ್ದ ಆಲಿಯಾ, ಹೆಸರಿನ ಅರ್ಥ ಏನು ಎಂಬುದನ್ನು ತಿಳಿಸಿದ್ದರು. ಈ ಹೆಸರು ಅನೇಕ ಅರ್ಥಗಳನ್ನು ಹೊಂದಿದೆ.  ರಾಹಾ ಅಂದರೆ ಪರಿಶುದ್ಧವಾದ ದೈವಿಕ ಮಾರ್ಗ ಅಂತ ತಿಳಿಸಿದ್ದರು.