ಚಿತ್ರರಂಗ ಪ್ರವೇಶಿಸುವ ಮುನ್ನ ಮಾಡೆಲ್ ಆಗಿದ್ದ ಟಾಪ್ 10 ಕನ್ನಡದ ನಟಿಯರು

ಕೆಜಿಎಫ್ ಬೆಡಗಿ ಶ್ರೀನಿಧಿ ಶೆಟ್ಟಿ ಚಿತ್ರರಂಗಕ್ಕೆ ಬರುವ ಮುನ್ನ ಮಾಡೆಲ್ ಆಗಿ ಖ್ಯಾತಿ ಗಳಿಸಿದ್ದರು. 2015ರಲ್ಲಿ 'ಮಿಸ್ ಕರ್ನಾಟಕ' ಆಗಿ ಹೊರಹೊಮ್ಮಿದ್ದರು.  2016ರಲ್ಲಿ ಮಿಸ್ ಸೂಪ್ರಾನ್ಯಾಷನಲ್ ಕಿರೀಟವನ್ನು ತಮ್ಮ ಮುಡಿಗೇರಿಸಿಕೊಂಡಿದ್ದರು. ಮಿಸ್ ದಿವಾ ಕಿರೀಟವನ್ನು ಗೆದ್ದು ಬೀಗಿದ್ದರು.

ನಟಿ ಆಶಾ ಭಟ್ ಕೂಡ ಸಿನಿಮಾರಂಗಕ್ಕೆ ಎಂಟ್ರಿ ಕೊಡುವುದಕ್ಕೂ ಮುನ್ನ ಮಾಡೆಲ್ ಆಗಿದ್ದರು. ಇವರು 'ಮಿಸ್ ಸೂಪರ್ ನ್ಯಾಷನಲ್' ಕಿರೀಟ ಮುಡಿಗೇರಿಸಿಕೊಂಡ ನಟಿ. ನಟ ದರ್ಶನ್ ಅಭಿನಯದ ರಾಬರ್ಟ್ ಚಿತ್ರದ ಮೂಲಕ ನಾಯಕಿಯಾಗಿ ಕನ್ನಡ ಚಿತರಂಗಕ್ಕೆ ಪದಾರ್ಪಣೆ ಮಾಡಿದ್ದರು.  

ಮಾಡೆಲಿಂಗ್ ಮೂಲಕ ಚಿತ್ರರಂಗ ಪ್ರವೇಶಿಸಿದ ಪ್ರಣೀತಾ ಸುಭಾಷ್, ದರ್ಶನ್‌ರ `ಪೊರ್ಕಿ' ಚಿತ್ರದಲ್ಲಿ ನಾಯಕಿಯಾಗಿ ನಟಿಸಿದರು. ನಂತರ ತೆಲುಗುವಿನಲ್ಲಿ ಸಿದ್ಧಾರ್ಥ ಜೊತೆ `ಭಾವ' ಚಿತ್ರದಲ್ಲಿ ನಟಿಸಿ ತಮಿಳು ಚಿತ್ರರಂಗಕ್ಕೂ ಕಾಲಿಟ್ಟರು. ಕನ್ನಡದಲ್ಲಿ `ಜರಾಸಂಧ',`ಬ್ರಹ್ಮ',`ಅಂಗಾರಕ' ಮುಂತಾದ ಚಿತ್ರಗಳಲ್ಲಿ ನಟಿಸಿದ್ದಾರೆ.

ಖ್ಯಾತ ಉದ್ಯಮಿಯ ಪುತ್ರಿ ತಾನ್ಯ ಹೋಪ್ ಮೊದಲು ಮಾಡೆಲ್ ಆಗಿದ್ದರು. 2015ರ ಮಿಸ್ ಇಂಡಿಯಾ ಕೋಲ್ಕತಾ ಪಟ್ಟ ಗೆದ್ದು, ಫೇಮಿನಾ ಮಿಸ್ ಇಂಡಿಯಾ 2015ರ ಫೈನಲ್ಸ್‌ಗೂ ಆಯ್ಕೆಯಾಗಿದ್ದರು. ತಾನ್ಯಾ ದರ್ಶನ್ ಅಭಿನಯದ ಯಜಮಾನ ಸಿನಿಮಾದ ಮೂಲಕ ಸ್ಯಾಂಡಲ್‌ವುಡ್ ಗೆ ಎಂಟ್ರಿ ಕೊಟ್ಟರು.  

ಎಂಜಿನಿಯರಿಂಗ್ ಪದವೀಧರೆಯಾದ ರೋಶಿನಿ ಪ್ರಕಾಶ್ ಕೂಡ ಸ್ಯಾಂಡಲ್ವುಡ್ ಗೆ ಬರುವ ಮುನ್ನ ಮಾಡೆಲ್ ಆಗಿದ್ದರು. `ಟೈಗರ್ ಗಲ್ಲಿ' ಸಿನಿಮಾ ಮುಖಾಂತರ ಚಂದನವನಕ್ಕೆ ಪ್ರವೇಶ ಮಾಡಿದರು.

ಮಾಡೆಲಿಂಗ್‌ ಕ್ಷೇತ್ರದಲ್ಲಿ ಗುರುತಿಸಿಕೊಂಡಿದ್ದ ರೀಷ್ಮಾ ನಾನಯ್ಯ ಅವರನ್ನು ಸ್ಯಾಂಡಲ್‌ವುಡ್‌ಗೆ ಕರೆತಂದಿದ್ದು ಜೋಗಿ ಪ್ರೇಮ್‌. ‘ಏಕ್‌ ಲವ್‌ ಯಾ’ ಚಿತ್ರದಲ್ಲಿ ರಾಣಾಗೆ ನಾಯಕಿಯಾಗುವ ಮೂಲಕ ಚಿತ್ರರಂಗ ಪ್ರವೇಶಿಸಿದರು.  

2008 ರಲ್ಲಿ ಮಾಡೆಲಿಂಗ್ ಕ್ಷೇತ್ರಕ್ಕೆ ಇಳಿದ ರಾಗಿಣಿ ದ್ವಿವೇದಿ, ಹೈದಾರಾಬಾದಿನಲ್ಲಿ ಜರುಗಿದ ಫೆಮಿನಾ ಮಿಸ್ ಇಂಡಿಯಾ ಸ್ಫರ್ಧೆಯಲ್ಲಿ ಭಾಗವಹಿಸಿ ರನ್ನರ್-ಅಪ್ ಆದರು. 2009ರಲ್ಲಿ ಮುಂಬೈನಲ್ಲಿ ಜರುಗಿದ ಫೆಮಿನಾ ಮಿಸ್ ಬ್ಯೂಟಿಪುಲ್ ಹೇರ್ ಸ್ಫರ್ಧೆ ಗೆದ್ದರು. ಕಿಚ್ಚ ಸುದೀಪ್‌ರ `ವೀರ ಮದಕರಿ' ಚಿತ್ರದಿಂದ ಸಿನಿಪಯಣ ಆರಂಭಿಸಿದರು. 

ರುಕ್ಮಿಣಿ ವಸಂತ್ ಕೂಡ ಮಾಡೆಲಿಂಗ್ ನಲ್ಲಿ ಗುರುತಿಸಿಕೊಂಡವರು. ಇವರು 2019ರಲ್ಲಿ ಬೀರ್‌ಬಲ್‌ ಸಿನಿಮಾದ ಮೂಲಕ ಕನ್ನಡ ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟರು. ರುಕ್ಮಿಣಿ ಹಲವಾರು ಜಾಹೀರಾತುಗಳಲ್ಲಿ ಕಾಣಿಸಿಕೊಂಡಿದ್ದಾರೆ.  

ಜೆನ್ನಿಫರ್ ಕೊತ್ವಾಲ್ ಕೂಡ ಓರ್ವ ಮಾಡೆಲ್.  2005ರಲ್ಲಿ ನಿರ್ದೇಶಕ ಪ್ರೇಮ್ ಮತ್ತು ಶಿವಣ್ಣ ಕಾಂಬಿನೇಷನ್ ನಲ್ಲಿ ಮೂಡಿಬಂದ ಸೂಪರ್ ಹಿಟ್ 'ಜೋಗಿ' ಚಿತ್ರದ ಮೂಲಕ ಸ್ಯಾಂಡಲ್‌ವುಡ್‌ಗೆ ಪದಾರ್ಪಣೆ ಮಾಡಿದರು.  

ಕಾಲೇಜಿನಲ್ಲಿದ್ದಾಗ ಮಾಡೆಲಿಂಗ್ ಕೂಡ ಮಾಡುತ್ತಿದ್ದ ಐಂದ್ರಿತಾ ರೇ, ಕೆಲವು ಜಾಹೀರಾತುಗಳಲ್ಲಿ ಕೂಡ ಕಾಣಿಸಿಕೊಂಡರು. ಆಗಾಗ ಕೆಲ ಕಿರುಚಿತ್ರಗಳಲ್ಲಿ ಕಾಣಿಸಿಕೊಳ್ಳುತ್ತಿದ್ದ ಐಂದ್ರಿತಾ 2008 ರಲ್ಲಿ ತೆರೆಕಂಡ `ಮೆರವಣಿಗೆ' ಚಿತ್ರದಿಂದ ನಾಯಕಿಯಾಗಿ ಕನ್ನಡ ಸಿನಿರಂಗ ಪ್ರವೇಶಿಸಿದರು.