'ಮತ್ತೆ ಮಯಾಮೃಗ'ದ ಮಹತಿ ಯಕ್ಷಗಾನಲ್ಲೂ ಎಕ್ಸ್‌ಪರ್ಟ್: ನಟಿ ನಿಖಿತಾ ಹಿನ್ನೆಯೇನು?

'ಗಿಣಿರಾಮ'ದ ಇಂಗ್ಲಿಷ್ ಟೀಚರ್ ಈಗ ಮಹತಿ

ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ 'ಗಿಣಿರಾಮ' ಧಾರಾವಾಹಿಯಲ್ಲಿ ಇಂಗ್ಲಿಷ್ ಟೀಚರ್ ಮಾಳವಿಕಾ ಆಗಿ ಅಭಿನಯಿಸಿ ಸೈ ಎನಿಸಿಕೊಂಡಿದ್ದ ನಿಖಿತಾ ಇದೀಗ
'ಮತ್ತೆ ಮಯಾಮೃಗ'ದ ಮಹತಿಯ ಪಾತ್ರಕ್ಕೆ ಜೀವ ತುಂಬುವುದರಲ್ಲಿ ಬ್ಯುಸಿಯಾಗಿದ್ದಾರೆ‌.

Puttakkana Makkalu Serial: ಗೋಪಾಲನ ಮನೆಗೆ ಹೊರಟ ಪುಟ್ಟಕ್ಕ

'ಮತ್ತೆ ಮಾಯಾಮೃಗದಲ್ಲಿ ನಟಿಸುತ್ತಿರುವುದು ಹೆಮ್ಮೆ'

"ಮಹತಿಯ ಪಾತ್ರದಲ್ಲಿ ನಟಿಸುತ್ತಿರುವುದಕ್ಕೆ ಖುಷಿ ತಂದಿದೆ. ಇಂತಹ ಸುವರ್ಣಾವಕಾಶ ನೀಡಿದ ಸಿರಿಕನ್ನಡ ವಾಹಿನಿಗೆ, ಟಿ‌.ಎನ್ ಸೀತಾರಾಮ್, ಪಿ.ಶೇಷಾದ್ರಿ ಹಾಗೂ ನಾಗೇಂದ್ರ ಶಾ ಇವರಿಗೆ ಧನ್ಯವಾದಗಳು. 24 ವರ್ಷದ ಹಿಂದೆ ಕಿರುತೆರೆ ಜಗತ್ತಿನಲ್ಲಿ ಇತಿಹಾಸವನ್ನೇ ಸೃಷ್ಟಿ ಮಾಡಿದ್ದ 'ಮಾಯಾಮೃಗ'ದ ಮುಂದುವರಿದ ಭಾಗ 'ಮತ್ತೆ ಮಾಯಾಮೃಗ'ದಲ್ಲಿ ನಟಿಸುತ್ತಿರುವುದು ನನಗೆ ಹೆಮ್ಮೆ ತಂದ ವಿಚಾರ" ಎನ್ನುತ್ತಾರೆ ನಿಖಿತಾ ದೊರ್ತೋಡಿ.

ಸಿನಿಮಾ ನಿಖಿತಾ ಫುಲ್ ಬ್ಯುಸಿ

ನಿಖಿತ ಅವರ ನಟನಾ ಪ್ರತಿಭೆ ಕೇವಲ ಕಿರುತೆರೆಗೆ ಮಾತ್ರ ಸೀಮಿತವಲ್ಲ. ಬದಲಿಗೆ ಹಿರಿತೆರೆಯಲ್ಲಿಯೂ ಕೂಡಾ ಈಕೆ ನಟನಾ ಕಂಪನ್ನು ಪಸರಿಸಿದ್ದಾರೆ. ‌ಪವನ್ ಭಟ್ ನಿರ್ದೇಶನದ 'ಕಟ್ಟಿಂಗ್ ಶಾಪ್' ಸಿ‌ನಿಮಾದಲ್ಲಿ ಎರಡನೇ ನಾಯಕಿಯಾಗಿ ನಟಿಸಿರುವ ಈಕೆ 'ಸೈಕಿಕ್' ಎನ್ನುವ ಸೈಕಲಾಜಿಕಲ್ ಥ್ರಿಲ್ಲರ್ ನಲ್ಲಿಯೂ ಅಭಿನಯಿಸಿದ್ದಾರೆ. ಇನ್ನು ರಾಷ್ಟ್ರ ಪ್ರಶಸ್ತಿ ವಿಜೇತ ನಿರ್ದೇಶಕ ಮಂಸೋರೆ ಅವರ '19.20.21' ಸಿನಿಮಾದಲ್ಲಿ ಒಂದು ಮುಖ್ಯ ಪಾತ್ರದಲ್ಲಿ ನಿಖಿತಾ ಕಾಣಿಸಿಕೊಂಡಿದ್ದಾರೆ.

ನಿಖಿತಾಗೆ ಯಕ್ಷಗಾನವೂ ಗೊತ್ತು

ಇನ್ನು ಗಂಡು ಮೆಟ್ಟಿದ ಕಲೆ ಎಂದೇ ಗುರುತಿಸುವ ಯಕ್ಷಗಾನವನ್ನು ಕಲಿತಿರುವ ಈಕೆ ಹಲವು ವೇದಿಕೆಗಳಲ್ಲಿ ಗೆಜ್ಜೆ ಕಟ್ಟಿ ಧೀಂಕಿರ ಧಿರಿಕಿಟ ಎಂದು ಹೆಜ್ಜೆ ಹಾಕಿದಾಕೆ. ಇದರ ಜೊತೆಗೆ ಮಾಡೆಲಿಂಗ್ ಕ್ಷೇತ್ರದಲ್ಲಿಯೂ ಸಕ್ರಿಯರಾಗಿದ್ದ ನಿಖಿತಾ ಝರ್ಟಾನ್ ಮೇಕಪ್ ಸ್ಟುಡಿಯೋ ,ಎಂ.ಜೆ ಗಾಡ್ಜಿಯಸ್ ಮೇಕಪ್ ಸ್ಟುಡಿಯೋ ಮಾಡೆಲಿಂಗ್ ಶೋಗಳಲ್ಲಿ ಕ್ಯಾಟ್ ವಾಕ್ ಮಾಡಿ ಮೋಡಿ ಮಾಡಿದ ಬೆಡಗಿ.