ಕೆಂಪು ಸೀರೆಯಲ್ಲಿ ಕಣ್ಣು ತಂಪು ಮಾಡಿದ ಸನ್ನಿ ಲಿಯೋನ್

ಪೋರ್ನ್ ಚಿತ್ರಗಳ ರಾಣಿ ಸನ್ನಿ ಲಿಯೋನ್ ಇದೇ ಮೊದಲ ಬಾರಿಗೆ ಸೀರೆಯುಟ್ಟು ರಸಿಕರ ಕಣ್ಣು ತಂಪು ಮಾಡಿದ್ದಾರೆ. 'ಬಿಗ್ ಬಾಸ್ 5' ರಿಯಾಲಿಟಿ ಶೋಗೆ ಅಡಿಯಿಟ್ಟ ಬಳಿಕ ಸನ್ನಿ ಜನಪ್ರಿಯತೆಯ ತುತ್ತತುದಿ ತಲುಪಿದ್ದರು. ಅಲ್ಲಿಂದ ಆಕೆಯನ್ನು ಬಾಲಿವುಡ್‍‌ನ 'ಜಿಸ್ಮ್ 2' ಚಿತ್ರಕ್ಕೆ ಕರೆತಂದವರು ಪೂಜಾ ಭಟ್.

ಇತ್ತೀಚೆಗೆ ಕೆಂಪು ಸೀರೆಯಲ್ಲಿ ಕೆಂದಾವರೆಯಂತೆ ಕಂಗೊಳಿಸುತ್ತಿರುವ ತಮ್ಮ ಫೋಟೋವನ್ನು ಟ್ವಿಟ್ಟರ್‌ನಲ್ಲಿ ಹಾಕಿ ಗಮನಸೆಳೆದಿದ್ದಾರೆ. ಸಾಮಾನ್ಯವಾಗಿ ಆಕೆಯನ್ನು ಫಾಲೋ ಮಾಡುವವರು ಏನಾದರೂ ರುಸುರುಸು ಚಿತ್ರಗಳು ಸಿಗುತ್ತವೆಯೋ ಎಂದೇ ನಿರೀಕ್ಷಿಸುತ್ತಿರುತ್ತಾರೆ. ಆದರೆ ಸನ್ನಿ ಸೀರೆಯಲ್ಲಿ ಚಮಕ್ ನೀಡಿದ್ದಾರೆ.

ಈ ಸೀರೆಯನ್ನು ವಿನ್ಯಾಸಗೊಳಿಸಿದ್ದು ರೊಹಿತ್ ವರ್ಮ ಅವರಂತೆ. ಈ ಫೋಟೋವನ್ನೇ ತನ್ನ ಟ್ವಿಟ್ಟರ್ ಖಾತೆಯ ಪ್ರೊಫೈಲ್ ಫೋಟೋ ಆಗಿಯೂ ಸನ್ನಿ ಬಳಸಿಕೊಂಡಿದ್ದಾರೆ. ಭಾರತೀಯ ನಾರಿಯರ ನಾಡಿಮಿಡಿತ ಸೀರೆಯಲ್ಲೇ ಅಡಗಿದೆ ಎಂಬುದು ಸನ್ನಿಗೂ ಮನದಟ್ಟಾಗಿದೆಯಂತೆ. (ಏಜೆನ್ಸೀಸ್)