Don't Miss!
- News RCB: ಆರ್ಸಿಬಿ ಫ್ರಾಂಚೈಸ್ನಿಂದ ಬೆಂಗಳೂರಿನ ಮೂರು ಕೆರೆಗಳ ಪುನಶ್ಚೇತನ
- Sports ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್
- Lifestyle ಪರಿಸರ ದಿನ: ಇಂದು ನೀವು ಹೀಗೆ ಮಾಡಿದರೆ ಮುಂದಿನ ಪೀಳಿಗೆಗೆ ನೀಡುವ ದೊಡ್ಡ ಆಸ್ತಿ
- Automobiles ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಕರಣ್ ಜೋಹಾರ್ ಚಿತ್ರದಲ್ಲಿ ನಟ ಧ್ಯಾನ್
'ಅಮೃತಧಾರೆ' ಹರಿಸಿದ ನಮ್ಮ ಪ್ರೀತಿಯ ಹುಡುಗ ಧ್ಯಾನ್(ಸಮೀರ್ ದತ್ತಾನಿ) ನಟಿಸಿರುವ ಹಿಂದಿ ಚಿತ್ರ 'ಐ ಹೇಟ್ ಲವ್ ಸ್ಟೋರಿ' ಈಗಾಗಲೆ ಚಿತ್ರೀಕರಣ ಮುಗಿಸಿಕೊಂಡಿದೆ. ಕರಣ್ ಜೋಹಾರ್ ಪ್ರೊಡಕ್ಷನ್ಸ್ ಈ ಚಿತ್ರಕ್ಕೆ ಬಂಡವಾಳ ಹೂಡಿದೆ. ಹಾಗೆಯೇ ದುಬೈ ಅಂತಾರಾಷ್ಟ್ರೀಯ ಚಿತ್ರೋತ್ಸವದಲ್ಲಿ ಭಾಗವಹಿಸಲು ಧ್ಯಾನ್ ದುಬೈಗೆ ಹಾರಿದ್ದಾರೆ.
ಶಾಮ್ ಬೆನಗಲ್ ನಿರ್ದೇಶಿಸಿರುವ 'ವೆಲ್ ಡನ್ ಅಬ್ಬ' ಎಂಬ ಚಿತ್ರದಲ್ಲಿ ಧ್ಯಾನ್ ನಟಿಸಿದ್ದು, ಈ ಚಿತ್ರ ದುಬೈ ಅಂತಾರಾಷ್ಟ್ರೀಯ ಚಿತ್ರೋತ್ಸವದಲ್ಲಿ ಪ್ರದರ್ಶನಗೊಳ್ಳಲಿದೆ. ಕರಣ್ ಜೋಹಾರ್ ಚಿತ್ರದಲ್ಲಿ ನಟಿಸಿರುವ ಖುಷಿ ಒಂದೆಡೆಯಾದರೆ ಶಾಮ್ ಬೆನಗಲ್ ಚಿತ್ರದಲ್ಲಿ ನಟಿಸಿರುವ ಸಂತಸ ಮತ್ತೊಂದೆಡೆ. ಒಟ್ನಲ್ಲಿ ಧ್ಯಾನ್ 'ಜಾಕ್ ಪಾಟ್' ಹೊಡೆದಿದ್ದಾರೆ.
ಏತನ್ಮಧ್ಯೆ ಧ್ಯಾನ್ ನಟಿಸಲಿರುವ ಕನ್ನಡದ 'ಸಿಹಿ ಮುತ್ತು' ಚಿತ್ರ 2010ರ ಜನವರಿಯಲ್ಲಿ ಚಿತ್ರೀಕರಣ ಪ್ರಾರಂಭಿಸಲಿದೆ. ಬಾಲಿವುಡ್ ನಲ್ಲಿ ಒಂದೊಂದೇ ಅವಕಾಶಗಳು ಹುಡುಕಿಕೊಂಡು ಬರುತ್ತಿರುವ ಕಾರಣ ಮುಂಬೈನಲ್ಲೂ ಧ್ಯಾನ್ ಮನೆ ಮಾಡಿದ್ದಾರೆ. ಮೊನಲಿಸಾ, ಅಮೃತಧಾರೆ, ಜೂಟಾಟ, ಜಾಕ್ ಪಾಟ್, ಸಜನಿ ಮತ್ತು ನೀನೆ ನೀನೆ ಧ್ಯಾನ್ ನಟಿಸಿದ ಕನ್ನಡ ಚಿತ್ರಗಳು.
ಮುಖ್ ಬೀರ್, ಧೂಮ್ ಧಡಾಕ, ಮಾರಥಾನ್, ಲೈಫ್ ಮೆ ಕಭಿ ಕಭಿ, ಕಾರ್ಪೊರೇಟ್, ಪ್ಯಾರ್ ಮೆ ಟ್ವಿಸ್ಟ್ ಮತ್ತು ಉಫ್ ಕ್ಯಾ ಜಾದೂ ಮೊಹಬ್ಬ್ಬತ್ ಹೈ ಹಿಂದಿ ಚಿತ್ರಗಳಲ್ಲಿ ಧ್ಯಾನ್ ನಟಿಸಿದ್ದಾರೆ. ಅತ್ತ ಹಿಂದಿ, ಇತ್ತ್ತ ಕನ್ನಡ ಹಾಗೂ ತಮಿಳಿನಲ್ಲೂ ಧ್ಯಾನ್ ಬ್ಯುಸಿಯಾಗಿದ್ದಾರೆ.
(ದಟ್ಸ್ ಕನ್ನಡ ಚಿತ್ರವಾರ್ತೆ)