ತಾರೆ ಲಾರಾ ದತ್ತ, ಮಹೇಶ್ ಭೂಪತಿಗೆ ಹೆಣ್ಣು ಮಗು

ತಾರೆ ಲಾರಾ ದತ್ತಾಗೆ ಹೆಣ್ಣು ಮಗುವಾಗಿದೆ. ಈ ಸುದ್ದಿಯನ್ನು ಮಹೇಶ್ ಭೂಪತಿ ಟ್ವೀಟಿಸಿದ್ದು, "ITS A GIRL!!!!!!!!!!!!!!!!!! @DuttaLara. I Love u….," ಎಂದಿದ್ದಾರೆ. ತಾಯಿ ಮತ್ತು ಮಗು ಆರೋಗ್ಯದಿಂದ ಇರುವುದಾಗಿ ಭೂಪತಿ ತಿಳಿಸಿದ್ದಾರೆ.

ಟೆನ್ನಿಸ್ ತಾರೆ ಮಹೇಶ್ ಭೂಪತಿ ಹಾಗೂ ಲಾರಾ ದತ್ತ ಫೆಬ್ರವರಿ 2011ರಲ್ಲಿ ಮದುವೆಯಾಗಿದ್ದರು. ಆಗಸ್ಟ್ 2011ರಲ್ಲಿ ಲಾರಾ ಗರ್ಭಿಣಿ ಎಂಬ ಸುದ್ದಿ ಹೊರಬಿದ್ದಿತ್ತು. ಈಗಾಗಲೆ ಬಾಲಿವುಡ್‌ನಲ್ಲಿ ಐಶ್ವರ್ಯ ರೈ ಅಮ್ಮನಾಗಿದ್ದಾರೆ. ಇನ್ನೇನು ಶಿಲ್ಪಾ ಶೆಟ್ಟಿ ಕಂದನ ನಿರೀಕ್ಷೆಯಲ್ಲಿದ್ದಾರೆ. ಈಗ ಅದೇ ಸಾಲಿಗೆ ಲಾರಾ ದತ್ತ ಸೇರ್ಪಡೆಯಾಗಿದ್ದಾರೆ.

ವಿಶೇಷ ಅಂದ್ರೆ ಲಾರಾ ದತ್ತ ಗರ್ಭಿಣಿ ಆದ ಮೇಲೆ ತಮ್ಮ ಹೆಚ್ಚಿನ ಸಮಯವನ್ನು ಮುಂಬೈಗಿಂತ ಬೆಂಗಳೂರಿನಲ್ಲೇ ಕಳೆದಿದ್ದರು. 'ಚಲೋ ದಿಲ್ಲಿ' ಹಾಗೂ 'ಡಾನ್ 2' ಚಿತ್ರಗಳ ಬಳಿಕ ಲಾರಾ ದತ್ತ ಯಾವುದೇ ಚಿತ್ರಗಳಿಗೆ ಸಹಿಹಾಕಿರಲಿಲ್ಲ. ಬಾಲಿವುಡ್‌ನಲ್ಲಿ ಅಮ್ಮಂದಿರ ಪರ್ವ ಶುರುವಾಗಿದೆ. (ಏಜೆನ್ಸೀಸ್)