ಹಾಲಿವುಡ್ ಥೀಮ್ ಪಾರ್ಕ್ ತಂದ ರಿಲಯನ್ಸ್

By Mahesh

Published: Saturday, July 31, 2010, 11:43 [IST]

ಕೋಟ್ಯಾಧಿಪತಿ ಅನಿಲ್ ಅಂಬಾನಿಯ ರಿಲಯನ್ಸ್ ಸಮೂಹ ಹಾಗೂ ಅಮೆರಿಕದ ಯುನಿವರ್ಸಲ್ ಸ್ಟುಡಿಯೋಸ್ ದೇಶದಲ್ಲಿ 1.5 ಬಿಲಿಯನ್ ಡಾಲರ್ ಹೂಡಿಕೆಯ ಮೂಲಕ 400ಎಕರೆ ವಿಸ್ತಾರದ ಬೃಹತ್ ಥೀಮ್ ಪಾರ್ಕ್ ಮತ್ತು ರೆಸಾರ್ಟ್ ಒಂದನ್ನು ನಿರ್ಮಿಸಲು ಮುಂದಾಗಿವೆ ಎಂದು ಅಮೆರಿಕದ ಪತ್ರಿಕಾ ವರದಿ ಮಾಡಿದೆ.

ರಿಲಯನ್ಸ್ ಬಿಗ್ ಎಂಟರ್ ಟೇನ್ ಮೆಂಟ್ ಹಾಗೂ ಜನರಲ್ ಎಲೆಕ್ಟ್ರಿಕ್ ಕಂಪೆನಿಯ ಅಂಗ ಸಂಸ್ಥೆ ಯುನಿವರ್ಸಲ್ ಈ ವರ್ಷದೊಳಗೆ ಈ ಕುರಿತು ಒಪ್ಪಂದ ಮಾಡಿಕೊಳ್ಳಲಿವೆ ಎಂದು ಪತ್ರಿಕೆ ಹೇಳಿದೆ.

ಈ ಯೋಜನೆಯ ಸಂಪೂರ್ಣ ಮಾಲೀಕತ್ವ ರಿಲಯನ್ಸ್ ನದಾಗಲಿದ್ದು, ಕಂಪೆನಿ ಯುನಿವರ್ಸಲ್ ನ ಖ್ಯಾತ ಚಲನಚಿತ್ರಗಳಾದ ಜಾಸ್, ಈಟಿ, ಸ್ಪೈಡರ್ ಮ್ಯಾನ್, ಹಾಗೂ ಹ್ಯಾರಿ ಪಾಟರ್ ನ ವಿಷಯಗಳನ್ನು ಬಳಸಿಕೊಳ್ಳಲು ಯುನಿವರ್ಸಲ್ ಗೆ ರಾಯಧನ ನೀಡಲಿದೆ.

ಉದ್ದೇಶಿತ ಪಾರ್ಕ್ ಯುನಿವರ್ಸಲ್ ಲಾಸ್ ಎಂಜಲೀಸ್, ಒರ್‍ಲಾಂಡೋ, ಫ್ಲಾ ಮತ್ತು ಜಪಾನ್ ನಲ್ಲಿ ಹೊಂದಿರುವ ಸ್ಟುಡಿಯೋಗಳ ಮಾದರಿಯಲ್ಲೇ ನಿರ್ಮಾಣವಾಗಲಿದೆ. ಮುಂಬೈ ಅಥವಾ ದೆಹಲಿಯಲ್ಲಿ ಈ ಸ್ಟುಡಿಯೋ ನಿರ್ಮಾಣವಾಗಲಿದೆ ಎಂದು ಮೂಲಗಳು ತಿಳಿಸಿವೆ. ಈ ಕುರಿತು ಪ್ರತಿಕ್ರಿಯಿಸಲು ಎರಡೂ ಕಂಪೆನಿಗಳು ನಿರಾಕರಿಸಿವೆ.

More from Filmibeat