'ಈ' ನಟನ ಪ್ರಕಾರ ರಜನಿಕಾಂತ್ ಸೂಪರ್ ಸ್ಟಾರ್ ಅಲ್ವಂತೆ, ಕಾರಣ

ರಜನಿಗೆ ಕಾಮೆಂಟ್ ಮಾಡಿದ ಬಾಲಿವುಡ್ ನಟ

ಸಿಂಪಲ್ ವ್ಯಕ್ತಿತ್ವ ಹೊಂದಿರುವ ಸೂಪರ್ ಸ್ಟಾರ್ ರಜನಿಕಾಂತ್ ಅವರಿಗೆ ಸಾಕಷ್ಟು ಅಭಿಮಾನಿ ದೇವರುಗಳಿದ್ದಾರೆ. ಇಂತಹ ಅಪರೂಪದ, ಅತ್ಯಂತ ವಿನಮ್ರ ನಟನಿಗೆ ಬಹುಭಾಷಾ ನಟ ಹಾಗೂ ಮರಾಠಿ ಚಿತ್ರರಂಗದ ಖ್ಯಾತ ದಿಗ್ಗಜರೊಬ್ಬರು, ರಜನಿ ಸೂಪರ್ ಸ್ಟಾರ್ ಅಲ್ಲ ಎಂದಿದ್ದಾರೆ. ಯಾರು ಆ ನಟ ಓದಿ ಮುಂದಿನ ಸ್ಲೈಡ್ ನಲ್ಲಿ...['ಕಬಾಲಿ' ಚಿತ್ರಕ್ಕೆ ರಜನಿ ಪಡೆದುಕೊಂಡ ಸಂಭಾವನೆ ಎಷ್ಟು.?]

ಯಾರು 'ಆ' ನಟ.?

ಬಹುಭಾಷಾ ನಟ ಕಮ್ ಮರಾಠಿ ಚಿತ್ರರಂಗದ ದಿಗ್ಗಜ ನಾನಾ ಪಾಟೇಕರ್ ಅವರ ಪ್ರಕಾರ ಸೂಪರ್ ಸ್ಟಾರ್ ಅಂದ್ರೆ ರಜನಿಕಾಂತ್ ಅಲ್ವಂತೆ. ಎಲ್ಲರಿಗೂ ಸೂಪರ್ ಸ್ಟಾರ್ ಆಗಿರೋ ನಟ ಇವರಿಗೆ ಮಾತ್ರ ಸೂಪರ್ ಸ್ಟಾರ್ ಅಲ್ವಂತೆ.[4 ದಿನದ ಕಲೆಕ್ಷನ್: ರಜನಿ ಹಳೇ ದಾಖಲೆ ಮುರಿದ 'ಕಬಾಲಿ']

ನಟ ಅಲ್ಲ, ಸಿನಿಮಾ ಸೂಪರ್ ಸ್ಟಾರ್

ಇಲ್ಲಿ ನಟ ಸೂಪರ್ ಸ್ಟಾರ್ ಆಗೋಲ್ಲ, ಬದ್ಲಾಗಿ ಒಂದು ಸಿನಿಮಾ ಮಾತ್ರ ಸೂಪರ್ ಸ್ಟಾರ್ ಆಗುತ್ತೆ ಎನ್ನುತ್ತಾರೆ ನಾನಾ ಅವರು.

ಚಿತ್ರದ ಕಥೆ ಬಹಳ ಮುಖ್ಯ

'ಒಂದು ಚಿತ್ರ ಯಶಸ್ಸು ಪಡೆಯಬೇಕಾದ್ರೆ ಚಿತ್ರದ ಕಥೆ ಬಹಳ ಮುಖ್ಯ ಪಾತ್ರ ವಹಿಸುತ್ತದೆ. ನೀವೀಗ ಹೊಸಬರನ್ನು ಹಾಕಿಕೊಂಡು ಗಟ್ಟಿ ಕಥೆ ಇರುವ ಸಿನಿಮಾ ಮಾಡಿದರೆ ಅದು ಯಶಸ್ಸು ಕಾಣುವುದು ಖಚಿತ. ಅದೇ ಒಬ್ಬ ಸೂಪರ್ ಸ್ಟಾರ್ ಅಭಿನಯಿಸಿದ ಚಿತ್ರ ಗಟ್ಟಿ ಕಥೆಯನ್ನು ಒಳಗೊಂಡಿರದೇ ಇದ್ದರೆ, ಅದು ಕೇವಲ ಮೂರು ದಿನ ಮಾತ್ರ ಓಡುವ ಸಾಧ್ಯತೆ ಕೂಡ ಹೆಚ್ಚಾಗಿರುತ್ತದೆ" ಎಂದು ನಾನಾ ಪಾಟೇಕರ್ ಅವರು ಕಾಮೆಂಟ್ ಮಾಡಿದ್ದಾರೆ.

ಚಿತ್ರದ ಯಶಸ್ಸು ಕಥೆಯಲ್ಲಿರುತ್ತದೆ.

"ಒಂದು ಚಿತ್ರದ ಯಶಸ್ಸು ಕಥೆ ಮತ್ತು ಕಥೆಗಾರನನ್ನು ಅವಲಂಬಿಸಿರುತ್ತದೆ ಹೊರತು ಯಾವುದೇ ಬಿಗ್ ಸ್ಟಾರ್ ಗಳನ್ನಲ್ಲ. ಚಿತ್ರದ ಕಥೆ ಚೆನ್ನಾಗಿರದಿದ್ದರೆ, ಯಾವ ಬಿಗ್ ಸ್ಟಾರ್ ಕೂಡ ಆ ಚಿತ್ರದ ಯಶಸ್ಸನ್ನು ಉಳಿಸಿಕೊಳ್ಳಲು ಸಾಧ್ಯವಿಲ್ಲ" ಎಂದು ತಮ್ಮ ಅಭಿಪ್ರಾಯವನ್ನು ಈ ಮೂಲಕ ತಿಳಿಸಿದ್ದಾರೆ.

'ಕಬಾಲಿ'ಗೆ ಕಾಮೆಂಟ್ ಮಾಡಿದ್ದಿರಬಹುದು

ಅಂದಹಾಗೆ ನಾನಾ ಪಾಟೇಕರ್ ಅವರು ಈ ರೀತಿ ಕಾಮೆಂಟ್ ಮಾಡಲು ಪ್ರಮುಖ ಕಾರಣ 'ಕಬಾಲಿ' ಚಿತ್ರ ಇರಬಹುದೇನೋ ಅನ್ನೋ ಅನುಮಾನ ಕಾಡುತ್ತದೆ. ಯಾಕೆಂದರೆ ಬಿಡುಗಡೆ ಮುನ್ನ ಸಾಕಷ್ಟು ಹೈಪ್ ಕ್ರಿಯೇಟ್ ಮಾಡಿದ್ದ 'ಕಬಾಲಿ' ಬಿಡುಗಡೆ ಆದ ನಂತರ ಅಷ್ಟೊಂದು ಯಶಸ್ಸಿಯಾಗಲಿಲ್ಲ. ಸಿನಿಮಾ ತುಂಬಾ ನಿಧಾನವಾಗಿದೆ ಎಂದು ವಿಮರ್ಶಕರು ಕೂಡ ಕಾಮೆಂಟ್ ಮಾಡಿದ್ದಾರೆ.