ಮಾಜಿ ನೀಲಿಚಿತ್ರ ತಾರೆ ಸನ್ನಿ ಲಿಯೋನ್ ಬರೆದ ನೀಲಿ-ಬಿಳಿ ಚಿತ್ರ

ನೀಲಿ-ಬಿಳಿ ಬಣ್ಣದ ಚಿತ್ರ ಬರೆದಿದ್ದಾರೆ ಸನ್ನಿ ಲಿಯೋನ್

ನೀಲಿ ಚಿತ್ರಗಳಿಂದಲೇ ಖ್ಯಾತರಾಗಿದ್ದ ಸನ್ನಿ ಲಿಯೋನ್, ತಮ್ಮ ಇನ್‌ಸ್ಟಾಗ್ರಾಂ ನಲ್ಲಿ ನೀಲಿ-ಬಿಳಿ ಬಣ್ಣಗಳೇ ಢಾಳಾಗಿ ತುಂಬಿರುವ ಚಿತ್ರವೊಂದರ ಪೋಸ್ಟ್ ಹಾಕಿದ್ದಾರೆ. ಆ ಚಿತ್ರವನ್ನು ಬರೆದಿದ್ದು ಸ್ವತಃ ಸನ್ನಿ ಲಿಯೋನ್ ಅಂತೆ.

ಚಿತ್ರ ಬರೆಯುವ ಹವ್ಯಾಸವಿರುವ ಸನ್ನಿ ಲಿಯೋನ್

ಚಿತ್ರ ಬರೆಯುವ ಹವ್ಯಾಸ ಇಟ್ಟುಕೊಂಡಿರುವ ಸನ್ನಿ ಲಿಯೋನ್, ಲಾಕ್‌ಡೌನ್ ಸಮಯವನ್ನು ಸೃಜನಾತ್ಮಕವಾಗಿ ಕಳೆಯುವ ಉದ್ದೇಶದಿಂದ ಚಿತ್ರವೊಂದನ್ನು ರಚಿಸಿದ್ದಾರೆ. ಅಬ್‌ಸ್ಟ್ರಾಕ್ ಆರ್ಟ್ (ಅಮೂರ್ತ ಕಲೆ) ಮಾದರಿಯ ಈ ಚಿತ್ರ ಸೆಳೆಯುವಂತಿದೆ.

ಚಿತ್ರ ಬರೆಯಲು 40 ದಿನ ತೆಗೆದುಕೊಂಡ ಸನ್ನಿ

ತಮ್ಮ ಸ್ವರಚಿತ ಚಿತ್ರಕ್ಕೆ 'ಬ್ರೋಕನ್ ಗ್ಲಾಸ್' ಎಂದು ಹೆಸರಿಟ್ಟಿರುವ ಸನ್ನಿ ಲಿಯೋನಿ, ಈ ಚಿತ್ರ ಪ್ರಸ್ತುತ ಕೊರೊನಾ ಲಾಕ್‌ಡೌನ್ ಸನ್ನಿವೇಶವನ್ನು ಪ್ರತಿನಿಧಿಸುತ್ತಿದೆ ಎಂದಿದ್ದಾರೆ. ಈ ಚಿತ್ರ ಬರೆಯಲು ಸನ್ನಿ ತೆಗೆದುಕೊಂಡಿರುವುದು ಬರೋಬ್ಬರಿ 40 ದಿವಸವಂತೆ.

ಕೊರೊನಾ ಸಮಯವನ್ನು ಪ್ರತಿನಿಧಿಸುವ ಚಿತ್ರ

ಒಡೆದ ಗಾಜಿನ ಚೂರಿನಂತೆ ನಾವೆಲ್ಲರೂ ಈಗ ಬೇರೆ-ಬೇರೆಯಾಗಿದ್ದೇವೆ. ಆದರೆ ಆ ಚೂರುಗಳನ್ನು ಸರಿಯಾಗಿ ಒಂದಕ್ಕೊಂದು ಅಂಟಿಸಿದಲ್ಲಿ ಮತ್ತೆ ಅದು ಕನ್ನಡಿಯಾಗುತ್ತದೆ. ಹಾಗೆಯೇ ನಾವು ಇಂದು ಕೊರೊನಾ ದಿಂದ ಬೇರೆ-ಬೇರೆಯಾಗಿದ್ದೇವೆ, ಆದರೆ ನಾವೆಲ್ಲಾ ಮತ್ತೆ ಒಟ್ಟಾಗಿ ಮೇಲೇಳಬೇಕಿದೆ ಎಂದು ಸನ್ನಿ ಚಿತ್ರದ ಮೂಲಕ ಸಂದೇಶ ನೀಡಿದ್ದಾರೆ.