ಐಟಂ ಡಾನ್ಸ್ ಸಹವಾಸ ಸಾಕಪ್ಪಾ ಎಂದ ದೀಪಿಕಾ

ಬಾಲಿವುಡ್ ಗುಳಿಕೆನ್ನೆ ಬೆಡಗಿ ದೀಪಿಕಾ ಪಡುಕೋಣೆಗೆ ಐಟಂ ಡಾನ್ಸ್ ಗಳ ಸಹವಾಸ ಸಾಕಪ್ಪಾ ಸಾಕು ಅನ್ನಿಸಿಬಿಟ್ಟಿದೆಯೇ? ಇತ್ತೀಚೆಗೆ ಸುಭಾಷ್ ಘಾಯ್ ಚಿತ್ರದಲ್ಲಿ ಐಟಂ ಡಾನ್ಸ್ ಮಾಡಲು ಆಫರ್ ಬಂದಿತ್ತಂತೆ. ದೀಪಿಕಾ ಅದನ್ನು ನಯವಾಗಿ ತಿರಸ್ಕರಿಸಿದ್ದಾರೆ.

ಬಾಲಿವುಡ್ ನ 'ಕಾಂಚಿ' ಎಂಬ ಚಿತ್ರದಲ್ಲಿ ದೀಪಿಕಾರನ್ನು ಕುಣಿಸಬೇಕೆಂದು ಬಯಸಿದ್ದರು ಸುಭಾಷ್. ಆದರೆ ದೀಪಿಕಾ ಒಲ್ಲೆ ಎಂದಿದ್ದಾರೆ. ಇಷ್ಟಕ್ಕೂ ದೀಪಿಕಾರನ್ನು ಸೂಚಿಸಿದ್ದೇ ಆಕೆಯ ಮಾಜಿ ಗೆಳೆಯ ರಣಬೀರ್ ಕಪೂರ್ ತಂದೆ ರಿಷಿ ಕಪೂರ್ ಅಂತೆ.

ದೀಪಿಕಾ ಪಡುಕೋಣೆ

ಕಡೆಗೆ ಸುಭಾಷ್ ಘಾಯ್ ಗೂ ಜ್ಞಾನೋದಯವಾಗಿ ಹೌದಲ್ಲವೆ ಅನ್ನಿಸಿದೆಯಂತೆ. ಈಗವರು ಐಟಂ ಹಾಡಿಗೂ ಹೊಸ ಮುಖಕ್ಕಾಗಿ ಹುಡುಕುತ್ತಿದ್ದಾರೆ. ಇದೊಂದು ತರಹಾ ಜಾನಪದ ಶೈಲಿಯ ಹಾಡು. ಇದಕ್ಕೆ ಹೊಂದುವ ಮುಖವನ್ನು ಹುಡುಕುತ್ತಿರುವುದಾಗಿ ತಿಳಿಸಿದ್ದಾರೆ.

ಈ ಚಿತ್ರದ ಮೂಲಕ ಸುಭಾಷ್ ಹೊಸ ಮುಖ 'ಮಿಸ್ಟಿ' ಎಂಬ ನಟಿಯನ್ನು ಪರಿಚಯಿಸುತ್ತಿದ್ದಾರೆ. ಮಿಥುನ್ ಚಕ್ರವರ್ತಿ ಅವರು ಚಿತ್ರದಲ್ಲಿ ನೆಗಟೀವ್ ಪಾತ್ರವನ್ನು ಪೋಷಿಸುತ್ತಿದ್ದಾರೆ. ಇನ್ನು ದೀಪಿಕಾ ಅಭಿನಯದ 'ರಾಮ್ ಲೀಲಾ' ಚಿತ್ರದಲ್ಲಿ ಪ್ರಿಯಾಂಕಾ ಚೋಪ್ರಾ ಐಟಂ ಡಾನ್ಸ್ ಮಾಡಿರುವುದು ಗೊತ್ತೇ ಇದೆ. (ಏಜೆನ್ಸೀಸ್)