Don't Miss!
- Lifestyle 2024: ಮದುವೆ, ಗಾಡಿ ಖರೀದಿ, ಗೃಹ ಪ್ರವೇಶ ಹೀಗೆ ಶುಭ ಕಾರ್ಯಕ್ಕೆ ಏಪ್ರಿಲ್ನಲ್ಲಿರುವ ಶುಭ ದಿನಾಂಕಗಳಿವು
- Finance 2023 ಡಿಸೆಂಬರ್ ವೇಳೆಗೆ 160 ಲಕ್ಷ ಕೋಟಿ ರೂ. ದಾಟಿದ ಸರ್ಕಾರದ ಸಾಲ!
- Automobiles Vande Bharat: ವಂದೇ ಭಾರತ್ ಸ್ಲೀಪರ್ ವಿಶೇಷತೆಗಳು: ಇಂಟೀರಿಯರ್ಗೆ ಫಿದಾ ಆಗ್ತೀರ!
- News Karnataka Lok Sabha: 28 ಕ್ಷೇತ್ರಗಳ ಜಾತಿವಾರು ಅಭ್ಯರ್ಥಿಗಳು ಯಾರು? ಮಾಹಿತಿ ಇಲ್ಲಿದೆ
- Sports IPL 2024: ವಿರಾಟ್ ಕೊಹ್ಲಿ ಕೆಕೆಆರ್ ಡಗೌಟ್ ನೋಡಿದ್ರೆ ಉರಿದು ಬೀಳ್ತಾರೆ; ಆರ್ಸಿಬಿ ಮಾಜಿ ಕ್ರಿಕೆಟಿಗ
- Technology iPhone: ಆಪಲ್ ಅಂತಿಮವಾಗಿ ಐಫೋನ್ 12 ಬಳಕೆದಾರರಿಗೆ ಗುಡ್ ನ್ಯೂಸ್ ನೀಡಿಯೇ ಬಿಟ್ಟಿತು! ಏನದು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಆತ್ಮಕತೆಯಲ್ಲಿ ಸೆಕ್ಸ್ ಲೈಫ್ ಬಗ್ಗೆ ಹೇಳಿಕೊಂಡಿರುವ ಕರಣ್ ಜೋಹರ್
ಬಾಲಿವುಡ್ ನಿರ್ದೇಶಕ ಕರಣ್ ಜೋಹರ್ ಸಲಿಂಗಕಾಮಿಯೇ, ಅಲ್ಲವೇ ಎಂಬ ಪ್ರಶ್ನೆ ಇಂದು ನೆನ್ನೆಯದಲ್ಲ. ಹಲವಾರು ವರ್ಷಗಳ ಹಿಂದೆಯೇ ಜನಪ್ರಿಯ ನಟನೊಬ್ಬನ ಜತೆಗೆ ಜೋಹರ್ ಸಲಿಂಗಿ ಎಂಬ ವದಂತಿಗಳು ಹರಡಿದ್ದವು.
ಈ ಎಲ್ಲಾ ವದಂತಿಗಳಿಗೆ, ಈ ಚಿತ್ರ ನಿರ್ದೇಶಕ ಮೊದಲ ಬಾರಿ ಉತ್ತರಿಸಿದ್ದಾರೆ. ಅದೂ ಎಲ್ಲಿ ? ತಮ್ಮ ಆತ್ಮಕತೆಯಲ್ಲಿ!
ಯೆಸ್. ಶೀಘ್ರದಲ್ಲೇ ಕರಣ್ ಜೋಹರ್ ಅವರ ಆತ್ಮಕತೆ 'ದ ಅನ್ ಸೂಟಬಲ್ ಬಾಯ್' ಎಂಬ ಆತ್ಮಕತೆ ಹೊರಬರಲಿದ್ದು, ಅದರಲ್ಲಿ ಅವರು ತಮ್ಮ ಸೆಕ್ಸ್ ಲೈಫ್ ಬಗ್ಗೆ ಹೇಳಿಕೊಂಡಿರುವುದಾಗಿ ಖುದ್ದು ಅವರೇ ತಿಳಿಸಿದ್ದಾರೆ.
ಪುಸ್ತಕ ಬಿಡುಗಡೆಗೂ ಮುನ್ನ ಪತ್ರಕರ್ತರೊಂದಿಗೆ ಮಾತನಾಡಿರುವ ಕರಣ್, "ನನ್ನ ಲೈಂಗಿಕ ಜೀವನದ ವಿಚಾರಗಳ ಬಗ್ಗೆ ಅನೇಕರಿಗೆ ತಿಳಿದಿದೆ. ಹಾಗಾಗಿ, ಅದನ್ನು ಕೂಗಿ ಹೇಳಬೇಕಿಲ್ಲ. ಹಾಗೊಮ್ಮೆ ನಾನು ಕೂಗಿ ಹೇಳಿದರೆ ನನಗೆ ಕಷ್ಟಗಳು ಎದುರಾಗಲಿವೆ. ಸಂಪ್ರದಾಯವನ್ನು ಗೌರವಿಸುವ ಈ ದೇಶದಲ್ಲಿ ನನ್ನ ಹೇಳಿಕೆಗಳು ನನ್ನನ್ನು ಜೈಲಿಗೂ ದೂಡಬಹುದು. ಹಾಗಾಗಿ, ಆ 'ಮೂರು ಪದಗಳನ್ನು' ನಾನು ಬಹಿರಂಗಪಡಿಸಲಾರೆ" ಎಂದಿದ್ದಾರೆ. ಆದರೆ, ಆ ಬಗ್ಗೆ ಏನಾದರೂ ಸುಳಿವನ್ನು ನೀಡಿದ್ದಾರೆಯೇ ಎಂಬುದಕ್ಕೆ ಆತ್ಮಕತೆ ಓದಿದವರಷ್ಟೇ ಉತ್ತರಿಸಬಹುದೇನೋ!
ಆದರೆ, ಕೆಲ ವರ್ಷಗಳ ಹಿಂದೆ ಕರಣ್ ಜೋಹರ್, ನಟ ಶಾರುಖ್ ಖಾನ್ ನಡುವೆ ಆಕರ್ಷಣೆ ಇದೆ ಎಂಬರ್ಥದಲ್ಲಿ ಗುಲ್ಲೆದ್ದಿತ್ತು. ಇದು ಕರಣ್ ಅವರಿಗೆ ತೀವ್ರ ಆಘಾತ ತಂದಿತ್ತಂತೆ. ಈ ಆಘಾತಗಳನ್ನು ಕರಣ್ ತಮ್ಮ ಆತ್ಮಕತೆಯಲ್ಲಿ ಹೇಳಿಕೊಂಡಿದ್ದಾರಂತೆ. ಒಂದೊಮ್ಮೆ ವರದಿಗಾರನೊಬ್ಬ ಇವರಿಗೆ ಈ ಬಗ್ಗೆ ಕೆದಕಿದ್ದನಂತೆ. ಆಗ ಕೋಪಗೊಂಡಿದ್ದ ಕರಣ್, ''ನೀವು ನೀವು ಅಣ್ಣನೊಂದಿಗೆ ಮಲಗಿರಬಹುದಾದ ವಿಚಾರವನ್ನು ಹೀಗೆ ಪ್ರಶ್ನಿಸಿದರೆ ಹೇಗಿರುತ್ತೆ?'' ಎಂದು ಕೇಳಿದ್ದರಂತೆ. ಅದಕ್ಕೆ ಸಿಟ್ಟಾದ ಆ ವರದಿಗಾರ ''ಇಂಥ ಅಸಂಬದ್ಧ ಪ್ರಶ್ನೆಗಳನ್ನು ಕೇಳಲಾದರೂ ಹೇಗೆ ಮನಸ್ಸು ಬಂತು?'' ಎಂದನಂತೆ. ಇದಕ್ಕೆ ಉತ್ತರಿಸಿದ್ದ ಕರಣ್, "ಶಾರುಖ್ ನನ್ನ ದೊಡ್ಡ ಅಣ್ಣನಿದ್ದಂತೆ. ಇದನ್ನು ನಾನು ಈ ಹಿಂದೆ ಹಲವಾರು ಬಾರಿ ಹೇಳಿದ್ದೇನೆ. ಅವರೊಂದಿಗೆ ಸಲುಗೆಯಿಂದಿದ್ದರೆ ಅದು ತಪ್ಪೇ?'' ಎಂದು ಮರುಪ್ರಶ್ನಿಸಿದ್ದರಂತೆ. ಇದೆಲ್ಲವನ್ನೂ ತಮ್ಮ ಆತ್ಮಕತೆಯಲ್ಲಿ ಹೇಳಿಕೊಂಡಿದ್ದಾರಂತೆ ಕರಣ್.