ಅಶ್ಲೀಲ ನೃತ್ಯ ಐಟಂ ಗರ್ಲ್ ಮಲ್ಲಿಕಾ ಶೆರಾವತ್ ಬಂಧನ?

2006ರಲ್ಲಿ ಮಲ್ಲಿಕಾ ಹೊಸ ವರ್ಷದ ಸಂಭ್ರಮದ ಪಾರ್ಟಿಯಲ್ಲಿ ಅಶ್ಲೀಲ ನೃತ್ಯ ಮಾಡಿದ್ದ ಆರೋಪವನ್ನು ಎದುರಿಸುತ್ತಿದ್ದಾರೆ. ಈ ಘಟನೆಗೆ ಸಂಬಂಧಿಸಿದಂತೆ ಆಗಸ್ಟ್ 19ರೊಳಗೆ ಕೋರ್ಟ್ ಗೆ ಹಾಜರಾಗುವಂತೆ ಮಲ್ಲಿಕಾಗೆ ಸೂಚಿಸಲಾಗಿತ್ತು. ಆದರೆ ಅವರು ಕೋರ್ಟ್ ಗೆ ಗೈರುಹಾಜರಾಗಿರುವ ಹಿನ್ನೆಲೆಯಲ್ಲಿ ಬಂಧನ ವಾರಂಟ್ ಜಾರಿ ಮಾಡಲಾಗಿದೆ.

ಮಲ್ಲಿಕಾ ಶೆರಾವತ್ ಅವರನ್ನು ಬಂಧಿಸಬೇಕಾಗುತ್ತದೆ ಎಂದಿದ್ದಾರೆ ಬರೋಡಾ ಬಾರ್ ಅಸೋಸಿಯೇಷನ್ ಮಾಜಿ ಅಧ್ಯಕ್ಷ ನರೇಂದ್ರ ತಿವಾರಿ. ಶೆರಾವತ್ ಅವರ ನೃತ್ಯದ ದೃಶ್ಯಗಳು ಟಿವಿ ವಾಹಿನಿಗಳಲ್ಲಿ ಪ್ರಸಾರವಾಗಿತ್ತು. ಈ ಘಟನೆಗೆ ಪಂಚತಾರಾ ಹೋಟೆಲ್ ಮ್ಯಾನೇಜ್ ಮೆಂಟ್ ಹಾಗೂ ಮಲ್ಲಿಕಾ ಶೆರಾವತ್ ಅವರೇ ನೇರಾ ಹೊಣೆಗಾರರು ಎಂದಿದ್ದಾರೆ ತಿವಾರಿ.

ಮುಂಬೈನ ಪಂಚತಾರಾ ಹೋಟೆಲ್ ಒಂದರಲ್ಲಿ ಮಲ್ಲಿಕಾ ಶೆರಾವತ್ ಅಶ್ಲೀಲವಾಗಿ ಕುಣಿದಿದ್ದರು ಹೊಸ ವರ್ಷವನು ಸ್ವಾಗತಿಸಿದ್ದರು. ಆದರೆ ಮಲ್ಲಿಕಾಗೆ ಇದೇ ಮೊದಲಲ್ಲ ಈ ರೀತಿಯ ಸಮನ್ಸ್ ಜಾರಿಯಾಗುತ್ತಿರುವುದು. ಈ ಹಿಂದೆಯೂ ಸಾಕಷ್ಟು ಸಲ ಆಕೆಯ ಅಶ್ಲೀಲ ನೃತ್ಯಕ್ಕೆ ವಿರೋಧ ವ್ಯಕ್ತವಾಗಿತ್ತು. (ಏಜೆನ್ಸೀಸ್)