'ಕಾಮಸೂತ್ರ' ಸೆಟ್ ನಲ್ಲಿ ಅರ್ಧ ರಾತ್ರಿ ಏನು ನಡೀತು?

ಬಾಲಿವುಡ್ ಚಿತ್ರರಂಗದಲ್ಲಿ ಬೆಂಕಿ ಬಿರುಗಾಳಿ ಎಬ್ಬಿಸಿರುವ ತಾರೆ ಶೆರ್ಲಿನ್ ಚೋಪ್ರಾ ಸದ್ಯಕ್ಕೆ 'ಕಾಮಸೂತ್ರ 3D' ಚಿತ್ರದಲ್ಲಿ ಅಭಿನಯಿಸುತ್ತಿರುವುದು ಗೊತ್ತೇ ಇದೆ. ಇತ್ತೀಚೆಗೆ ಈ ಚಿತ್ರದ ಸೆಟ್ ನಲ್ಲಿ ಬೆಂಕಿ ಅವಗಡ ಸಂಭವಿಸಿದೆ. ಅರ್ಧರಾತ್ರಿಯಲ್ಲಿ ಈ ಅವಗಡ ಸಂಭವಿಸಿ ಸೆಟ್ ಅಗ್ನಿಗೆ ಆಹುತಿಯಾಗಿದೆ.

ತಮಿಳುನಾಡಿನ ತೂತುಕುಡಿಯ ಹಳೆ ಬಂದರಿನ ಸಮೀಪ ಈ ಬೆಂಕಿ ಅವಗಡ ಸಂಭವಿಸಿದೆ. ದೋಣಿಯೊಂದರಲ್ಲಿ ಹಾಕಲಾದ ಸೆಟ್ ನಲ್ಲಿ ಬೆಂಕಿ ಕಾಣಿಸಿಕೊಂಡು ಧಗ ಧಗನೆ ಹೊತ್ತಿ ಉರಿದಿದೆ. ಅಷ್ಟೊಂದು ಹಾಟ್ ಸನ್ನಿವೇಶವನ್ನು ಚಿತ್ರೀಕರಿಸುತ್ತಿದ್ದರೋ ಏನೋ?

ಕಾಮಸೂತ್ರ 3D

ಈ ಚಿತ್ರದಲ್ಲಿ ಶೆರ್ಲಿನ್ ಚೋಪ್ರಾ ನಗ್ನವಾಗಿ ಅಭಿನಯಿಸಿದ್ದಾರೆ. ತಮ್ಮ ದೇಹದ ಸೌಂದರ್ಯವನ್ನು ನಾನಾ ಭಂಗಿಗಳಲ್ಲಿ ಪ್ರದರ್ಶಿಸಿದ್ದು ಈ ಚಿತ್ರದ ಬಗ್ಗೆ ಎಲ್ಲಿಲ್ಲದ ಕುತೂಹಲ ಮೂಡಿಸಿದ್ದಾರೆ. ಚಿತ್ರದ ಟ್ರೇಲರ್ ಈಗಾಗಲೆ ಬಿಡುಗಡೆಯಾಗಿದ್ದು ಎಲ್ಲರ ಗಮನಸೆಳೆದಿದೆ.

ವಾತ್ಸಾಯನ ಬರೆದ ಭಾರತದ ಅತ್ಯಂತ ಪ್ರಾಚೀನ ಗ್ರಂಥ 'ಕಾಮಸೂತ್ರ' ಮೂಲಾಧಾರವಾಗಿಟ್ಟುಕೊಂಡು ಈ ಚಿತ್ರವನ್ನು ತೆರೆಗೆ ತರಲಾಗುತ್ತಿದೆ. ರುಪೇಶ್ ಪೌಲ್ ಆಕ್ಷನ್ ಕಟ್ ಹೇಳಲಿರುವ ಚಿತ್ರ. 2012ರ ಕೇನೆ ಚಿತ್ರೋತ್ಸವದಲ್ಲಿ ಈ ಚಿತ್ರವನ್ನು ಪ್ರಕಟಿಸಲಾಯಿತು.

ಪೌಲ್ ಅವರು ಈಗಾಗಲೆ 'ಸೇಂಟ್ ಡ್ರಾಕುಲಾ 3D' ಎಂಬ ಚಿತ್ರವನ್ನೂ ನಿರ್ದೇಶಿಸಿದ್ದಾರೆ. ಈ ಬಾರಿ ಅವರು ಕಾಮಸೂತ್ರ 3D ಚಿತ್ರಕ್ಕೆ ಆಕ್ಷನ್ ಕಟ್ ಹೇಳುತ್ತಿದ್ದಾರೆ. ಮೊದಲೇ ಶೆರ್ಲಿನ್ ಚಿಚ್ಚಮ್ಮ ಇನ್ನು 'ಕಾಮಸೂತ್ರ' ಎಂದರೆ ಕೇಳಬೇಕೆ.