ಪ್ರಕಾಶ್ ಬೆಳವಾಡಿ

Born on 03 Mar 1970 (Age 54)

ಪ್ರಕಾಶ್ ಬೆಳವಾಡಿ ಜೀವನಚರಿತ್ರೆ

ಬಹುಮುಖ ಪ್ರತಿಭೆಯಾಗಿರುವ ಪ್ರಕಾಶ್ ಬೆಳವಾಡಿಯವರು ಕನ್ನಡ ಚಲನಚಿತ್ರರಂಗದ ಪ್ರಮುಖ ನಟ,ನಿರ್ದೇಶಕ ಮತ್ತು ಹಿರಿಯ ಪತ್ರಕರ್ತ.ಇವರ ತಂದೆ ನಂಜುಂಡಯ್ಯ ನಾರಾಯಣ ಕನ್ನಡ ಚಿತ್ರರಂಗದಲ್ಲಿ `ಮೇಕಪ್ ನಾನಿ ಎಂದೆ ಪ್ರಸಿದ್ಢರು. ತಾಯಿ ಭಾರ್ಗವಿ ನಾರಾಯಣ ಮತ್ತು ಸೋದರಿ ಸುಧಾ ಬೆಳವಾಡಿ ಕನ್ನಡ ಚಿತ್ರರಂಗದ ಪ್ರಮುಖ ಪೋಷಕನಟಿಯರು. 1983 ರಲ್ಲಿ ಯು.ವಿ.ಸಿ.ಇ ಇಂಜಿನಿಯರಿಂಗ್ ಕಾಲೇಜಿನಿಂದ ಮೆಕಾನಿಕಲ್ ವಿಭಾಗದಲ್ಲಿ ಪದವಿ ಪಡೆದರು.

1999 ರಲ್ಲಿ ಕುವೆಂಪುರವರ ಕಾದಂಬರಿ ಆಧಾರಿತ`ಕಾನೂರು ಹೆಗ್ಗಡತಿ' ಚಿತ್ರದಿಂದ ಸಿನಿಪಯಣ ಆರಂಭಿಸಿದ ಬೆಳವಾಡಿಯವರು ಕನ್ನಡ ಮಾತ್ರವಲ್ಲದೇ ತಮಿಳು,ತೆಲುಗು,ಹಿಂದಿ ಮತ್ತು ಮಲಯಾಳಂ ಭಾಷೆಗಳಲ್ಲಿಯೂ ಅಭಿನಯಿಸಿದ್ದಾರೆ.

2002 ರಲ್ಲಿ ಇವರು ನಿರ್ದೇಶಿಸಿದ ಮೊದಲ ಚಿತ್ರ `ಸ್ಟಂಬಲ್' ರಾಷ್ಟ್ರಪ್ರಶಸ್ತಿ ಪಡೆಯಿತು.

ಯುವಪೀಳೆಗೆಗೆ ಚಿತ್ರನಿರ್ಮಾಣದಲ್ಲಿ ತರಬೇತಿ ನೀಡಲು ಇವರು ಬೆಂಗಳೂರಿನಲ್ಲಿ ಸುಚಿತ್ರಾ ಸ್ಕೂಲ್ ಆಫ್ ಆರ್ಟ್ಸ ಸ್ಥಾಪಿಸಿದ್ದಾರೆ.