ಸಂಚಿತ್ ಸಂಜೀವ್

ಜೀವನ ಚರಿತ್ರೆ :  ಸಂಚಿತ್ ಸಂಜೀವ್ ಕನ್ನಡ ಚಿತ್ರರಂಗದ ಉದಯೋನ್ಮುಖ ನಟ ಮತ್ತು ನಿರ್ದೇಶಕ. ಇವರು ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಅವರ ಅಕ್ಕನ ಮಗ ಕೂಡ ಹೌದು. ಮುಂಬೈನಲ್ಲಿ ನಟನೆ ಮತ್ತು ನಿರ್ದೇಶನ ಸೇರಿ ಸಿನಿಮಾ ತರಬೇತಿ ಪಡೆದಿರುವ ಇವರು, ವಿಆರ್‌ದಿ ಸೇಮ್‌, ಒಂದಾನೊಂದು ದಿನ ಹೆಸರಿನ ಕಿರುಚಿತ್ರಗಳನ್ನು ನಿರ್ದೇಶನ ಮಾಡಿದ್ದಾರೆ. ಜೊತೆಗೆ ಸುದೀಪ್ ಅಭಿನಯದ ಅಂಬಿ ನಿಂಗ್ ವಯಸ್ಸಾಯ್ತೋ, ವಿಕ್ರಾಂತ್ ರೋಣ ಮತ್ತು ರನ್ನ ಸಿನಿಮಾಗಳಲ್ಲಿ ತಾಂತ್ರಿಕ ವಿಭಾಗಗಳಲ್ಲಿ ಕೆಲಸ ಮಾಡಿ ಸಿನಿಮಾ ಬಗ್ಗೆ ತಿಳಿದುಕೊಂಡಿದ್ದಾರೆ.