Celebs»Rambha»Biography

    ರಂಭಾ ಜೀವನಚರಿತ್ರೆ

    ಆಂಧ್ರಪ್ರದೇಶದ ವಿಜಯವಾಡದಲ್ಲಿ ಜನಿಸಿದ ರಂಭಾ ಸಪ್ತಭಾಷಾ ನಟಿ. ಇವರ ಬಾಲ್ಯದ ಹೆಸರು ವಿಜಯಲಕ್ಷ್ಮಿ. 1992 ರಲ್ಲಿ ತೆರೆಕಂಡ ಮಲಯಾಳಂ ಚಿತ್ರ `ಸರ್ಗಂ'ದಿಂದ ಸಿನಿಪಯಣ ಆರಂಭಿಸಿದ ವಿಜಯಲಕ್ಷ್ಮಿ ಅದೇ ವರ್ಷದಲ್ಲಿ ತೆರೆಕಂಡ ತೆಲುಗು ಚಿತ್ರ `ಆ ಒಕ್ಕಟಿ ಅಡಕ್ಕು' ಚಿತ್ರದಲ್ಲಿನ `ರಂಭಾ' ಪಾತ್ರದಿಂದ ಗಮನ ಸೆಳೆದರು. ಮುಂದೆ ಈ ಪಾತ್ರದ ಹೆಸರೇ ಇವರ ಹೆಸರಾಯಿತು.ಕನ್ನಡ,ತೆಲುಗು,ತಮಿಳು,ಮಲಯಾಳಂ,ಹಿಂದಿ,ಭೋಜಪುರಿ,ಬೆಂಗಾಳಿ ಭಾಷೆಗಳಲ್ಲಿ ಸುಮಾರು 100ಕ್ಕೂ ಹೆಚ್ಚು ಚಿತ್ರಗಳಲ್ಲಿ ನಟಿಸಿರುವ ರಂಭಾ ಕೆಲವು ಕಿರುತೆರೆ ಶೋಗಳಲ್ಲಿ ಜಡ್ಜ ಆಗಿಯೂ ಕೆಲಸ ಮಾಡಿದ್ದಾರೆ.2003 ರಲ್ಲಿ ತಮ್ಮ ಸಹೋದರನ ಜೊತೆ ಸೇರಿ `3 ರೋಜ್ಸ' ಎಂಬ ಚಿತ್ರ ನಿರ್ಮಿಸಿ ತುಂಬಾ ನಷ್ಟ ಅನುಭವಿಸಿದರು. 2010ರಲ್ಲಿ ಟೊರೊಂಟೊದಲ್ಲಿ ನೆಲೆಸಿದ ಭಾರತೀಯ ಉದ್ಯಮಿ ಇಂದ್ರಕುಮಾರವರನ್ನು ವರಿಸಿದ ರಂಭಾಗೆ ಇಬ್ಬರು ಪುತ್ರಿಯಿದ್ದಾರೆ. ಕೆಲಕಾಲ ಚಿತ್ರರಂಗದಿಂದ ವಿರಾಮ ತೆಗೆದುಕೊಂಡು ಕೆನೆಡಾದಲ್ಲಿ ನೆಲೆಸಿದ ರಂಭಾ 2016 ರಲ್ಲಿ ಮತ್ತೆ ಭಾರತಕ್ಕೆ ಬಂದರು.

     

    ಕನ್ನಡ ಚಿತ್ರರಂಗದಲ್ಲಿ `ಸರ್ವರ್ ಸೋಮಣ್ಣ' ಚಿತ್ರದಿಂದ ಸಿನಿಪಯಣ ಆರಂಭಿಸಿದ ಇವರು ನಂತರ `ಓ ಪ್ರೇಮವೇ',`ಭಾವ ಭಾಮೈದ',`ಸಾಹುಕಾರ',`ಪಾಂಡುರಂಗ ವಿಠ್ಠಲ',`ಗಂಡುಗಲಿ ಕುಮಾರರಾಮ' ಮುಂತಾದ ಚಿತ್ರಗಳಲ್ಲಿ ಅಭಿನಯಿಸಿದ್ದಾರೆ.

     
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X