Celebs » sruthi Hariharan » Biography
ಜೀವನಚರಿತ್ರೆ
ಶ್ರತಿ ಹರಿಹರನ್ ಇವರು ಜನಿಸಿದ್ದು ಜನವರಿ 01, 1989 ರಲ್ಲಿ ತಮಿಳು ಬ್ರಾಹ್ಮಣ ವಂಶದಲ್ಲಿ. ಇವರು ಮೂಲತಃ ಕೇರಳ ಮೂಲದವರಾಗಿದ್ದರೂ ಬೆಂಗಳೂರಿನಲ್ಲಿ ನಲೆಸಿದ್ದಾರೆ. ಇವರು ತಮ್ಮ ಬಾಲ್ಯ ವಿದ್ಯಾಭ್ಯಾಸವನ್ನು ಶಿಶು ಗೃಹ ಮಾಂಟೆಸರಿ ಶಾಲೆಯಲ್ಲಿ ಪೂರ್ಣಗೊಳಿಸಿದ ಇವರು  ಕ್ರೈಸ್ಟ್ ವಿಶ್ವವಿದ್ಯಾಲಯದಲ್ಲಿ ಬಿಬಿಎಂ ನಲ್ಲಿ ಪದವಿ ಪಡೆದುಕೊಂಡಿದ್ದಾರೆ.

ಇವರು ಭರತನಾಟ್ಯ ನೃತ್ಯದ ತರಬೇತಿಯನ್ನು ಪಡೆದುಕೊಂಡು ಕಾಲೇಜು ದಿನಗಳಲ್ಲಿ ನಡೆಯುತ್ತಿದ್ದ ಸಾಂಸ್ಕೃತಿಕ ಚಟುವಟಿಕೆಗಳಲ್ಲಿ ಭಾಗವಹಿಸುತ್ತಿದ್ದರು. ಹೀಗೆ ಬಾಲ್ಯದಲ್ಲಿ ನೃತ್ಯ ಮಾಡುವ ಹವ್ಯಾಸ ಬೆಳೆಸಿಕೊಂಡಿದ್ದ ಇವರಿಗೆ ಮೊದಲು ಕನ್ನಡ ಚಿತ್ರಗಳ ನಾಯಕ ಮತ್ತು ನಾಯಕಿಯರ ಜೊತೆ  ನೃತ್ಯ ಮಾಡವ ಅವಕಾಶ ದೊರೆಯಿತು. ಸುಮಾರು ಮೂರು ವರ್ಚಗಳ ಕಾಲ ಅದೇ ನೃತ್ಯ ಮಾಡುತ್ತಾ ಶಾರ್ಟ್ ಫಿಲ್ಮ್ ಗಳಲ್ಲಿ ನಟಿಸುವ ಅವಕಾಶಗಳನ್ನು ಉಪಯೋಗ ಮಾಡಿಕೊಂಡ ಇವರು ಮಲಿಯಾಳಂ ಸಿನಿಮಾ ಕಂಪನಿಗಳಲ್ಲಿ ನಟಿಸಲು ಪ್ರಾರಂಭಿಸಿದರು.

ಮಲಿಯಾಳಂ ಚಿತ್ರದ ಮೂಲಕ ಗುರುತಿಸಿಕೊಂಡ ಇವರು 2013 ರಲ್ಲಿ ತೆರೆಕಂಡಿರುವ ಲೂಸಿಯಾ ಚಿತ್ರದಲ್ಲಿ ನಟಿಸುವ ಮೂಲಕ ಕನ್ನಡ ಸಿನಿಮಾರಂಗಕ್ಕೆ ಎಂಟ್ರಿಕೊಟ್ಟರು. ಈ ಚಿತ್ರ ಇವರಿಗೆ ಒಳ್ಳೆ ಇಮೇಜ್ ನೀಡಿತು ಇದರಿಂದ ಇವರಿಗೆ ಕನ್ನಡ ಚಿತ್ರರಂಗದಲ್ಲಿ ಹಲವು ಚಿತ್ರಗಳಲ್ಲಿ ನಟಿಸುವ ಅವಕಾಶಗಳು ಬಂದವು.

ಹೀಗೆ ಅನೇಕ ಕನ್ನಡ ಸಿನಿಮಾಗಳಲ್ಲಿ ನಟಿಸಿ ಸೈ ಎನಿಸಿಕೊಂಡಿರುವ ಇವರು ಕನ್ನಡ ಚಿತ್ರರಂಗದಲ್ಲಿ ಗುರುತಿಸಿಕೊಂಡರು.