2020ರಲ್ಲಿ ಗಮನ ಸೆಳೆದ ಬಾಲಿವುಡ್‌ ಮಹಿಳಾ ಪ್ರಧಾನ ಚಿತ್ರಗಳು

ದೀಪಿಕಾ ಪಡುಕೋಣೆ 'ಚಪಾಕ್'

ಆಸಿಡ್ ದಾಳಿಗೆ ಒಳಗಾಗಿ ಶೋಷಣೆ ಎದುರಿಸಿದ ಯುವತಿಯೊಬ್ಬಳ ನೈಜ ಘಟನೆಯನ್ನಾಧರಿಸಿದ ಮಾಡಿದ ಚಿತ್ರ ಚಪಾಕ್. ಈ ಚಿತ್ರದಲ್ಲಿ ಆಸಿಡ್ ದಾಳಿಗೆ ಒಳಗಾದ ಸಂತ್ರಸ್ತೆ ಪಾತ್ರದಲ್ಲಿ ದೀಪಿಕಾ ಪಡುಕೋಣೆ ಕಾಣಿಸಿಕೊಂಡಿದ್ದರು. ಮಹಿಳೆ ಮೇಲಿನ ದೌರ್ಜನ್ಯ ಹಾಗೂ ಅದರ ವಿರುದ್ಧ ಹೇಗೆ ಹೋರಾಡಿದಳು ಎಂಬುದನ್ನು ತೆರೆಮೇಲೆ ತೋರಿಸಿದ್ದರು.

'ತಪ್ಪಡ್' ಚಿತ್ರದಲ್ಲಿ ತಾಪ್ಸಿ

ತಾಪ್ಸಿ ಪನ್ನು ಅಭಿನಯದ ತಪ್ಪಡ್ ಸಿನಿಮಾ ಈ ವರ್ಷ ಗಮನ ಸೆಳೆದ ಚಿತ್ರಗಳ ಪೈಕಿ ಒಂದು. ಇದು ಮಹಿಳಾ ಪ್ರಧಾನ ಚಿತ್ರ. ಈ ಚಿತ್ರದಲ್ಲಿ ತಾಪ್ಸಿ ಗೃಹಿಣಿ ಪಾತ್ರದಲ್ಲಿ ನಟಿಸಿದ್ದರು. ಗಂಡ ಮತ್ತು ಹೆಂಡತಿ ನಡುವಿನ ಸಂಬಂಧ, ಜೊತೆಗೆ ವೃತ್ತಿ ಹೀಗೆ ಒಬ್ಬ ಕಾರ್ಯನಿರತ ಮಹಿಳೆಯ ಕಥೆ ಇದಾಗಿತ್ತು.

ಗುಂಜನ್ ಸಕ್ಸೇನಾ ಜಾಹ್ನವಿ

ಭಾರತದ ಮೊದಲ ಮಹಿಳಾ ಯುದ್ಧ ವಿಮಾನ ಪೈಲೆಟ್ ಗುಂಜನ್ ಸಕ್ಸೇನಾ (ಕಾರ್ಗಿಲ್ ಹುಡುಗಿ) ಅವರ ಜೀವನ ಆಧರಿಸಿದ ಮಾಡಿದ ಚಿತ್ರ 'ಗುಂಜನ್ ಸಕ್ಸೇನಾ. ಜಾಹ್ನವಿ ಕಪೂರ್ ಈ ಪಾತ್ರದಲ್ಲಿ ನಟಿಸಿದ್ದರು. ಆನ್‌ಲೈನ್‌ನಲ್ಲಿ ತೆರೆಕಂಡಿದ್ದ ಈ ಚಿತ್ರ ಮೆಚ್ಚುಗೆ ಪಡೆದುಕೊಂಡಿತ್ತು. ಜಾಹ್ನವಿ ನಟನೆ ಸಹ ಗಮನ ಸೆಳೆದಿತ್ತು.

ಕಂಗನಾ ಪಂಗಾ

ವಿವಾಹಿತ ಮಹಿಳೆಯೊಬ್ಬಳು ರಾಷ್ಟ್ರೀಯ ಕಬಡ್ಡಿ ತಂಡದಲ್ಲಿ ಸ್ಥಾನ ಪಡೆಯುವ ರೋಚಕ ಕಥೆ ಪಂಗಾ. ಈ ಚಿತ್ರದಲ್ಲಿ ಕಂಗನಾ ರಣಾವತ್ ನಾಯಕಿಯಾಗಿ ನಟಿಸಿದ್ದರು. ಅಶ್ವಿನಿ ಅಯರ್ ತಿವಾರಿ ಈ ಚಿತ್ರ ನಿರ್ದೇಶಿಸಿದ್ದರು. ಏಳು ವರ್ಷದ ಮಗುವಿನ ತಾಯಿ ಪಾತ್ರದಲ್ಲಿ ಕಂಗನಾ ನಟನೆ ಮೆಚ್ಚುಗೆ ಗಳಿಸಿಕೊಂಡಿತ್ತು.

Recommended Video

ಜೀವನದಲ್ಲಿ ಯಾವತ್ತು ಒಂದೇ ಗುರಿ ಇರ್ಬೇಕು | Shivraj K R Pete | Filmibeat Kannada

ಶಕುಂತಲಾ ದೇವಿ ವಿದ್ಯಾ ಬಾಲನ್

'ಹ್ಯೂಮನ್ ಕಂಪ್ಯೂಟರ್' ಎಂದು ಖ್ಯಾತಿ ಗಳಿಸಿಕೊಂಡಿದ್ದ ಶಕುಂತಲಾ ದೇವಿ ಅವರ ಜೀವನ ಕಥೆಯನ್ನು ತೆರೆಗೆ ತರಲಾಗಿತ್ತು. ಶಕುಂತಲಾ ದೇವಿ ಪಾತ್ರದಲ್ಲಿ ವಿದ್ಯಾ ಬಾಲನ್ ನಟಿಸಿದ್ದರು. ಖ್ಯಾತ ಗಣಿತಶಾಸ್ತ್ರಜ್ಞೆ ಶಕುಂತಲಾ ಆಗಿ ವಿದ್ಯಾ ನಟನೆ ಅದ್ಭುತ ಎನಿಸಿಕೊಂಡಿತ್ತು.