twitter
    For Quick Alerts
    ALLOW NOTIFICATIONS  
    For Daily Alerts

    ಕಿಚ್ಚ ಸುದೀಪ್‌ಗೂ ಜೋಗಿ ಪ್ರೇಮ್‌ಗೂ ಸಣ್ಣ ಕಿತ್ತಾಟ!

    By * ಚಿತ್ರಗುಪ್ತ
    |

    ಸರಿಸುಮಾರು ತಿಂಗಳ ಹಿಂದಿನ ಮಾತು. ಅಂದು ನಾಗವಾರದ ಮಾನ್ಯತಾ ಟೆಕ್‌ಪಾರ್ಕ್‌ನಲ್ಲಿರುವ ಶಿವಣ್ಣನ ಮನೆಯಲ್ಲಿ ಇಡೀ ಕನ್ನಡ ಚಿತ್ರೋದ್ಯಮದ ಹೆಚ್ಚಿನ ಗಣ್ಯರು ಪಾಲ್ಗೊಂಡಿದ್ದರು. ಅಂದು ಸ್ವತಃ ಶಿವಣ್ಣ ಅಲ್ಲಿಗೆ ರವಿಚಂದ್ರನ್, ರಮೇಶ್, ಜಗ್ಗೇಶ್ ಮೊದಲಾದವರನ್ನು ಆಹ್ವಾನಿಸಿದ್ದರು.

    ಅಂದು ಅಲ್ಲಿ ನಡೆದ ಚರ್ಚೆ ಏನೆಂದರೆ, ಶಿವಣ್ಣ ಇದೇ ಮಾರ್ಚ್ ಎರಡಕ್ಕೆ ಆಚರಿಸಿಕೊಳ್ಳುತ್ತಿರುವ ಮಹಾಶಿವರಾತ್ರಿ ಸಮಾರಂಭದಲ್ಲಿ ಯಾರೆಲ್ಲಾ ಭಾಗವಹಿಸುತ್ತಾರೆ ಮತ್ತು ಯಾರ‍್ಯಾರು ಏನೇನು ಫರ್‌ಫಾರ್ಮ್ ಮಾಡುತ್ತಾರೆ ಎನ್ನುವ ಬಗ್ಗೆ ಚರ್ಚೆ ನಡೆಸಲು. ಯಶ್, ಲೂಸ್ ಮಾದ ಯೋಗೀಶ್, ರಾಧಿಕಾ ಪಂಡಿತ್ ಮೊದಲಾದ ನಟ, ನಟಿಯರು ಶಿವಣ್ಣನ ಹಿಟ್ ಹಾಡುಗಳಿಗೆ ಹೆಜ್ಜೆ ಹಾಕುವುದಾಗಿ ಹೇಳಿದರು.

    ನಿಮಗೆ ಗೊತ್ತಿರಲಿ. ಇವೆಲ್ಲವೂ ಜೋಗಿ ಪ್ರೇಮ್ ಕೊಟ್ಟಿರುವ ಐಡಿಯಾ. ಅಂದರೆ, ಶಿವಣ್ಣನ ಹುಟ್ಟುಹಬ್ಬದ ಹೆಸರಲ್ಲಿ 'ಜೋಗಯ್ಯ' ಆಡಿಯೋ ರಿಲೀಸು. ಒಂಥರಾ ಸ್ವಾಮಿ ಕಾರ್ಯ ಸ್ವಕಾರ್ಯ!ಇಷ್ಟಾಗಿದ್ದರೆ ಇದು ಸುದ್ದಿಯಾಗುತ್ತಿರಲಿಲ್ಲ. ಎಲ್ಲಾ ಮೀಟಿಂಗ್ ಮುಗಿದು, ಇನ್ನೇನು ಎಲ್ಲರೂ ಹೊರಡಬೇಕು ಎನ್ನುವ ಹೊತ್ತಿಗೆ ಅಲ್ಲಿಗೆ ಉದ್ದುದ್ದ ಕಾಲುಗಳನ್ನಿಡುತ್ತ ಎಂಟ್ರಿ ಕೊಟ್ಟಿದ್ದಾರೆ ಕಿಚ್ಚ ಸುದೀಪ್.

    ಅವರನ್ನು ನೋಡಿದ್ದೇ ತಡ, ಜೋಗಿ ಪ್ರೇಮ್ ಕೇಳಿಯೇಬಿಟ್ಟರು, ಅಲ್ಲಾ ಬಾಸ್.. ನೀವು ಸಿವಣ್ಣಂಗೋಸ್ಕರ ಏನ್ ಸ್ಪೆಸಲ್ ಪ್ರೋಗ್ರಾಮ್ ಮಾಡ್ತೀರಿ? ಏಳಿ ಬಾಸ್..ಸುದೀಪ್‌ಗೆ ಎಲ್ಲಿತ್ತೋ ಸಿಟ್ಟು.. ಹಲೋ ಸ್ವಾಮೀ.. ಶಿವಣ್ಣನಿಗೋಸ್ಕರ ಏನ್ ಮಾಡ್ಬೇಕು ಅಂತ ನಮಿಗ್ ಗೊತ್ತು. ಅದನ್ನ ನಿಮ್ಮಿಂದ ಹೇಳೀಸ್ಕೋಬೇಕಿಲ್ಲ. ನಿಮ್ ಸಿನ್ಮಾ ಪಬ್ಲಿಸಿಟಿಗೆ ಯಾಕ್ ಈ ಥರದ ಚೀಪ್ ಗಿಮಿಕ್ ಮಾಡ್ತೀರಾ?ಹೀಗೆ ಕೇಳಿದ್ದೇ ತಡ, ಜೋಗಿ ಪ್ರೇಮ್ ಪೆಚ್ಚು ಮೋರೆ ಹಾಕಿಕೊಂಡು, ರಕ್ಷಿತಾ ಕಡೆ ಮಿಕ ಮಿಕ ನೋಡತೊಡಗಿದರು!ಇದು ನಿಜಕ್ಕೂ ನಡೆದ ಸಂಗತಿ.. ಇದು ಗಾಸಿಪ್ ಸುದ್ದಿ ಖಂಡಿತಾ ಅಲ್ಲ!

    English summary
    Actor Sudeep tames director Prem, exclusive report is here. Actor Kicha Sudeep, who was recently in news for all wrong reason, has reportedly had a heated argument and exchanged some unpleasant words with Jogi fame director Prem. And it all happened at the press conference of Shivaraj Kumar's Silver Jubilee organized by Prem. But this is not make big news in media.
    Wednesday, March 2, 2011, 12:55
    IIFA

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X