ಬೇಡ ಬೇಡ ಅಂದ್ರೂ ದೀಪಿಕಾಗೆ ಬಲವಂತ ಚುಂಬನ

ಬಾಲಿವುಡ್ ಬೆಡಗಿ ದೀಪಿಕಾ ಪಡುಕೋಣೆ ಗುಳಿಕೆನ್ನೆಗೆ ಪಪ್ಪಿ ಕೊಡಬೇಕು ಎಂದು ಬಹಳಷ್ಟು ಮಂದಿ ಕನಸು ಕಾಣುತ್ತಿರುತ್ತಾರೆ. ಆದರೆ ಆ ಭಾಗ್ಯ ಎಲ್ಲರಿಗೂ ಅಷ್ಟು ಸುಲಭವಾಗಿ ಸಿಗಲ್ಲ ಬಿಡಿ. ಕೆಲವರು ಬಲವಂತದಿಂದ ತಮ್ಮ ಆಸೆ ಪೂರೈಸಿಕೊಳ್ಳುತ್ತಾರೆ.

ಇಷ್ಟ ಇರಲಿ ಬಿಡಲಿ ಪಪ್ಪಿ ಕೊಡಲು ಅವರೇನು ಚಿಕ್ಕಮಗುವೇ? ಕೆಲವೊಮ್ಮೆ ಕಸಿವಿಸಿ ಅನ್ನಿಸಿದರೂ ಸಿನಿಮಾ ತಾರೆಗಳು ಸಹಿಸಿಕೊಳ್ಳಬೇಕಾಗುತ್ತದೆ. ಅಂತಹದ್ದೇ ಮುಜುಗರ ಪ್ರಸಂಗ ದೀಪಿಕಾ ಪಡುಕೋಣೆ ಅವರಿಗೂ ಎದುರಾಯಿತು. ಬಾಲಿವುಡ್ ನ 'ಫೈಂಡಿಂಗ್ ಫ್ಯಾನಿ ಫೆರ್ನಾಂಡೀಸ್' ಚಿತ್ರದ ನಿರ್ದೇಶಕ ಆದಜಾನಿಯಾ ಇತ್ತೀಚೆಗೆ ನಡೆದ ಕಾರ್ಯಕ್ರಮದಲ್ಲಿ ದೀಪಿಕಾರನ್ನು ಮುದ್ದಾಡಿದರು.

ದೀಪಿಕಾ ಪಡುಕೋಣೆ

ಆದರೆ ಅಲ್ಲಿದ್ದ ಮಾಧ್ಯಮ ಮಿತ್ರರು ದೀಪಿಕಾಗೆ ಆದ ಕಸಿವಿಸಿ ಪ್ರಸಂಗವನ್ನು ಗಮನಿಸಿದರು. ಅವರ ಮುಖದಲ್ಲಾದ ಬದಲಾವಣೆ, ಅವರ ಹಾವಭಾವದಲ್ಲಾದ ವ್ಯತ್ಯಾಸ ಅವರ ಗಮನಕ್ಕೆ ಬಂದೇ ಬಂತು. ಆದರೆ ಕಾರ್ಯಕ್ರಮಕ್ಕೆ ದೀಪಿಕಾ ಹಾಲಿ ಬಾಯ್ ಫ್ರೆಂಡ್ ರಣವೀರ್ ಸಿಂಗ್ ಲೇಟಾಗಿ ಬಂದರು.

ಒಂದು ವೇಳೆ ಆತ ಬಂದ ಮೇಲೆ ಈ ಚುಂಬನ ಪ್ರಸಂಗ ನಡೆದಿದ್ದರೆ ಕಥೆ ಬೇರೆ ಇರುತ್ತಿತ್ತು ಎಂಬುದು ಪ್ರತ್ಯಕ್ಷ ಕಂಡವರ ಅನಿಸಿಕೆ. ಈ ಕಾರ್ಯಕ್ರಮ ತಡರಾತ್ರಿವರೆಗೂ ನಡೆದಿದೆ. ಬಳಿಕ ದೀಪಿಕಾ, ರಣವೀರ್ ಎಲ್ಲರೂ ಯಾರಿಗೂ ಅನುಮಾನ ಬರದಂತೆ ತಮ್ಮ ತಮ್ಮ ಕಾರುಗಳಲ್ಲಿ ಮನೆಗೆ ಸೇಫ್ ಆಗಿ ಹೋಗಿದ್ದಾರೆ. ಆದರೆ ಚುಂಬನ ಚಿತ್ರಗಳು ಮಾತ್ರ ಎಲ್ಲಡೆ ಟಾಂ ಟಾಂ ಆಗಿವೆ.