ವಿದೇಶಿ ಗರ್ಲ್‌ಫ್ರೆಂಡ್‌ ಜೊತೆ ಫಾರಂ ಹೌಸ್‌ನಲ್ಲಿ ಸಲ್ಮಾನ್ ಖಾನ್ ಬಂಧಿ!

ವಿದೇಶಿ ನಟಿಯೊಂದಿಗೆ ಸಲ್ಮಾನ್ ಪ್ಯಾರ್‌-ಪ್ಯಾರ್‌

ಸಲ್ಮಾನ್ ಖಾನ್ ಹೆಸರು ವಿದೇಶಿ ನಟಿ ಯುಲಿಯಾ ವೆಂಟೂರ್ ಜೊತೆ ಜೋರಾಗಿ ಕೇಳಿಬರುತ್ತಿದೆ. ರೊಮಾನಿಯಾದ ನಟಿಯಾಗಿರುವ ಯುಲಿಯಾ ವೆಂಟೂರ್ ಸಲ್ಮಾನ್ ಖಾನ್ ಜೊತೆ ರೇಸ್ 3 ನಲ್ಲಿ ನಟಿಸಿದ್ದರು.

ಕೆಲವು ತಿಂಗಳಿಂದಲೂ ಯುಲಿಯಾ ಜೊತೆ ಸಲ್ಮಾನ್

ಕಳೆದ ಕೆಲವು ತಿಂಗಳಿನಿಂದಲೂ ಯುಲಿಯಾ ವೆಂಟೂರ್ ಸಲ್ಮಾನ್ ಖಾನ್ ಜೊತೆಯಲ್ಲಿಯೇ ಇದ್ದಾರೆ ಎನ್ನಲಾಗಿದ್ದು, ಪ್ರಸ್ತುತ ಲಾಕ್‌ಡೌನ್ ಸಮಯದಲ್ಲೂ ಸಹ ಸಲ್ಮಾನ್ ಖಾನ್ ಹಾಗೂ ಯುಲಿಯಾ ವೆಂಟೂರ್ ಒಂದೇ ಫಾರ್ಮ್ ಹೌಸ್‌ನಲ್ಲಿದ್ದಾರೆ. ಇದಕ್ಕೆ ಸಾಕ್ಷಿ ಸಹ ಸಿಕ್ಕಿದೆ.

ನಟಿಯ ಲೈವ್ ವಿಡಿಯೋದಲ್ಲಿ ಹಿಂದೆ ಕಾಣಿಸಿಕೊಂಡ ಸಲ್ಮಾನ್

ನಟಿ ಯುಲಿಯಾ ವೆಂಟೂರ್ ಇತ್ತೀಚೆಗೆ ತಮ್ಮ ದೇಶದ ಮಾಧ್ಯಮದವರಿಗೆ ವಿಡಿಯೋ ಸಂದರ್ಶನ ನೀಡುತ್ತಿದ್ದರು. ಇದು ಲೈವ್ ಆಗಿ ಪ್ರಸಾರವಾಗುತ್ತಿತ್ತು, ಆಗ ತಟ್ಟನೆ ಸಲ್ಮಾನ್ ಖಾನ್ ಹಿಂದೆ ಪ್ರತ್ಯಕ್ಷವಾಗಿಬಿಟ್ಟರು. ಯುಲಿಯಾ ಸಲ್ಮಾನ್ ಖಾನ್ ಅನ್ನು ವಿಡಿಯೋಕ್ಕೆ ಬರದಂತೆ ಪಕ್ಕಕ್ಕೆ ಕಳುಹಿಸಿದರು. ಆದರೆ ಸಲ್ಮಾನ್ ವಿಡಿಯೋದಲ್ಲಿ ಕಂಡು ಬಿಟ್ಟರು.

ಸಲ್ಮಾನ್ ಫಾರಂ ಹೌಸ್‌ನಲ್ಲಿ ಕುದುರೆ ಸವಾರಿ ಮಾಡಿದ್ದ ನಟಿ

ಇದಕ್ಕೆ ಮುನ್ನಾ ಯುಲಿಯಾ ತಮ್ಮ ಇನ್‌ಸ್ಟಾಗ್ರಾಂ ನಲ್ಲಿ ಕುದುರೆ ಸವಾರಿ ಮಾಡುತ್ತಿರುವ ವಿಡಿಯೋ ಒಂದನ್ನು ಹಾಕಿಕೊಂಡಿದ್ದರು. ಆ ಕುದುರೆ ಸಲ್ಮಾನ್ ಖಾನ್ ಅವರಿಗೆ ಸೇರಿದ್ದು, ಸವಾರಿ ಸಹ ಸಲ್ಮಾನ್ ಖಾನ್ ಫಾರಂ ಹೌಸ್‌ನಲ್ಲಿ ಮಾಡಿದ್ದಾರೆ ಎಂದು ಹೇಳಲಾಗಿತ್ತು. ಅದು ಸತ್ಯವೂ ಆಗಿತ್ತು.

ಹಲವರೊಂದಿಗೆ ಸಲ್ಮಾನ್ ಖಾನ್ ಹೆಸರು ತಳುಕು

ಐಶ್ವರ್ಯಾ ರೈ, ಸಂಗೀತಾ ಬಿಜಲಾನಿ, ಸ್ನೇಹಾ ಉಲ್ಲಾಳ್, ಸೋಮಿ ಅಲಿ, ಕತ್ರೀನಾ ಕೈಫ್ ಅವರುಗಳೊಂದಿಗೆ ಸಲ್ಮಾನ್ ಖಾನ್ ಹೆಸರು ಕೇಳಿಬಂದಿದೆ. ಈಗ ಯುಲಿಯಾ ಜೊತೆ ಸಲ್ಮಾನ್ ಪ್ರೇಮ ಅಬಾಧಿತವಾಗಿ ಸಾಗಿದೆ. ಇದು ಎಷ್ಟು ದೂರ ಸಾಗುತ್ತದೆಯೋ ಕಾದು ನೋಡಬೇಕು.