»   » ಸಿಂಪಲ್ ಹುಡುಗಿಗೆ ಇಷ್ಟವಾದ 'ವೇಶ್ಯೆ' ಪಾತ್ರ

ಸಿಂಪಲ್ ಹುಡುಗಿಗೆ ಇಷ್ಟವಾದ 'ವೇಶ್ಯೆ' ಪಾತ್ರ

Subscribe to Filmibeat Kannada

ಸಿಂಪಲ್ ಹುಡುಗಿ ಶ್ವೇತಾ ಶ್ರೀವಾತ್ಸವ್ ಮತ್ತು ಲವ್ಲಿ ಸ್ಟಾರ್ ಪ್ರೇಮ್ ಅಭಿನಯದ 'ಫೇರ್ ಅಂಡ್ ಲವ್ಲಿ' ಬಿಡುಗಡೆ ಹೊಸ್ತಿಲಲ್ಲಿದೆ. ಈ ವೇಳೆ ನಟಿ ಶ್ವೇತಾ ಫಿಲ್ಮಿ ಬೀಟ್ ಗೆ ನೀಡಿದ ಸಂದರ್ಶನದಲ್ಲಿ ತಮ್ಮ ಪಾತ್ರ, ಚಿತ್ರ ಎಲ್ಲದರ ಬಗ್ಗೆ ಮಾತನಾಡಿದ್ದಾರೆ.

ಪ್ರ: 'ಫೇರ್ ಅಂಡ್ ಲವ್ಲಿ' ಚಿತ್ರದಲ್ಲಿ ನಿಮ್ಮ ಪಾತ್ರವೇನು?
ಶ್ವೇತಾ: ಇದೊಂದು ವಿಭಿನ್ನವಾದ ಪಾತ್ರ. ಇದೇ ಮೊದಲ ಬಾರಿಗೆ ವೇಶ್ಯೆಯಾಗಿ ಕಾಣಿಸಿಕೊಂಡಿದ್ದೇನೆ. ನಿಜ ಜೀವನದಲ್ಲಿ ವೇಶ್ಯೆ ಅನುಭವಿಸುವ ಕಷ್ಟ ನಷ್ಟಗಳು ಇಲ್ಲಿ ಚಿತ್ರಿತವಾಗಿವೆ. ಈ ಕತೆ ಕೇಳಿದಾಗ ನನಗೆ ಥ್ರೀಲ್ ಆಯಿತು. ನಂತರ ಒಪ್ಪಿಕೊಂಡೆ.

ಪ್ರ: ಪಾತ್ರಕ್ಕೆ ಜೀವ ತುಂಬಲು ಯಾವ ರೀತಿಯ ಸಿದ್ಧತೆ ಮಾಡಿಕೊಂಡಿದ್ರಾ?
ಶ್ವೇತಾ: ರಂಗಭೂಮಿ ಹಿನ್ನೆಲೆಯಿರುವ ನನಗೆ ನಟನೆ ಕಷ್ಟಸಾಧ್ಯವೇನಲ್ಲ. ಬಾಲಿವುಡ್ ನಲ್ಲಿ ವೇಶ್ಯೆ ಪಾತ್ರ ಮಾಡಿದವರ ಅಭಿನಯ ನೋಡಿದೆ. ಪಾತ್ರದಲ್ಲಿ ಅನೇಕ ಭಾವನೆಗಳನ್ನು ಹೊರಸೂಸುವುದು ಅಗತ್ಯವಾಗಿತ್ತು. ನಾನು ತಕ್ಕ ನ್ಯಾಯ ಸಲ್ಲಿಸಿದ್ದೇನೆ.

ಪ್ರ: ಈ ಚಿತ್ರದ ಸ್ಪೇಷಾಲಿಟಿ ಏನು?

ಶ್ವೇತಾ: ಖಂಡಿತವಾಗಿಯೂ ಚಿತ್ರಕಥೆ. ನಿರ್ದೇಶಕರಾದ ರಘುರಾಮ್ ಅವರು ಶಕ್ತಿಶಾಲಿ ಮತ್ತು ಅಷ್ಟೇ ಸುಂದರ ಚಿತ್ರಕಥೆ ಹೆಣೆದಿದ್ದಾರೆ. ಚಿತ್ರಕಥೆ ಮನಸ್ಸಿಗೆ ಹಿಡಿಸಿದ್ದರಿಂದಲೇ ಚಿತ್ರ ಒಪ್ಪಿಕೊಂಡೆ. ಹಿಂದೆಂದೂ ನೋಡದ ಶ್ವೇತಾ ಈ ಚಿತ್ರದಲ್ಲಿ ನಿಮ್ಮ ಮುಂದೆ ಕಾಣಸಿಗಲಿದ್ದಾಳೆ.

ಪ್ರ: ಯಾವ ರೀತಿಯ ಪ್ರೇಕ್ಷಕ ವರ್ಗ ಆಧಾರವಾಗಿಟ್ಟುಕೊಂಡು ಚಿತ್ರ ಮೂಡಿಬಂದಿದೆ?
ಶ್ವೇತಾ: ನಾನು ಇದರಲ್ಲಿ ವೇಶ್ಯೆ ಪಾತ್ರ ಮಾಡಿರಬಹುದು. ಆದರೆ ಇದೊಂದು ಸಂಪೂರ್ಣ ಮನರಂಜನಾತ್ಮಕ ಮತ್ತು ಕುಟುಂಬದವರೆಲ್ಲ ಕುಳಿತು ನೋಡುವಂಥ ಚಿತ್ರ. ಕಾಲೇಜು ವಿದ್ಯಾರ್ಥಿಗಳಿಗೂ ಸಿನಿಮಾ ಇಷ್ಟ ಆಗುವುದರಲ್ಲಿ ಅನುಮಾನವಿಲ್ಲ.[ಚಿತ್ರ ಬಿಡುಗಡೆಗೆ ಮುನ್ನ ಪ್ರಜ್ವಲ್ ದೇವರಾಜ್ ಸಂದರ್ಶನ]

shwetha 2

ಪ್ರ: ಈ ಚಿತ್ರದ ಬಗ್ಗೆ ಇನ್ನೇನು ಹೇಳಲು ಬಯಸುತ್ತೀರಿ
ಶ್ವೇತಾ: ಇದೊಂದು ಸಾಮಾಜಿಕ ಸಂದೇಶ ಸಾರುವ ಚಿತ್ರ. ಪ್ರತಿಯೊಬ್ಬರು ನೋಡಲೇಬೇಕಾಗಿದ್ದು ಯುವಕರೆಂತೂ ಮಿಸ್ ಮಾಡಿಕೊಳ್ಳುವಂತೆಯೇ ಇಲ್ಲ. ಸಮಾಜದಲ್ಲಿ ಪ್ರತಿದಿನ ಏನಾಗುತ್ತಿದೆ ಎಂಬುದನ್ನೇ ಚಿತ್ರ ಹೇಳುತ್ತದೆ.

English summary
Simple hudugi Shwetha Srivastav is back with her third movie. The actress will be seen in Fair and Lovely which will be released on October 24th. The actress gave an exclusive interview to Filmibeat regarding her upcoming movie. Here are some excerpts.
Please Wait while comments are loading...