ಕಿರಿಕ್ ಲವ್ ಸ್ಟೋರಿ ಕಥೆ

ಶಾಲೆಯ ಮೊದಲ ದಿನವೇ ಪರಸ್ಪರ ನೋಟದೊಂದಿಗೆ ರೋಷನ್ (ರೋಷನ್) ಮತ್ತು ಪ್ರಿಯಾ (ಪ್ರಿಯಾ ವಾರಿಯರ್) ಪರಸ್ಪರ ಆಕರ್ಷಿತರಾಗುತ್ತಾರೆ. ಹದಿವಯಸ್ಸಿನ ಪ್ರೇಮಕ್ಕೆ ಹಲವು ಆಯಾಮಗಳಿವೆ. ಇಲ್ಲಿಯೂ ರೋಷನ್ ತನ್ನೆಲ್ಲಾ ಮಾಯಾಲೋಕದ ಕಲ್ಪನೆಯಲ್ಲಿ ತೇಲುತ್ತಾ ಪ್ರಿಯಾಳನ್ನು ಹಿಂಬಾಲಿಸುತ್ತಾನೆ.ಇದಕ್ಕೆ ರೋಷನ್ ತಂದೆ-ತಾಯಿಗಳು ಮತ್ತು ಅವನ ಸ್ನೇಹಿತೆ ಗದಾಃ ಜಾನ್ (ನೂರಿನ್ ಶರೀಫ್) ಬೆಂಬಲ ಬೇರೆ. ಆದರೆ ವೈಯಕ್ತಿಕವಾಗಿ ಗದಾಃಳಿಗೆ ಈ ಪ್ರೀತಿ -ಪ್ರೇಮಕ್ಕಿಂತ ಹಿರಿದಾದ ಅರ್ಥ ಬದುಕಿಗೆ ಇದೆಯೆಂದು ನಂಬಿಕೆ.

ಚಿತ್ರ ಮುಂದೆ ಸಾಗುತ್ತಾ ಹೋಗಿದಂತೆ ಆಕರ್ಷಣೆ ಮತ್ತು ಪ್ರೇಮದ ವ್ಯತ್ಯಾಸವನ್ನು ಬಿಚ್ಚಿಡುತ್ತದೆ. ಹಲವು ಯುವಕ - ಯುವತಿಯರ ಪಾತ್ರಗಳ ಮೂಲಕ ಒಮರ್ ಲುಲುರವರು ಹದಿವಯಸ್ಸಿನಲ್ಲಿ ಮೂಡುವ ಬಯಕೆಗಳ ಮತ್ತು ಅದರ ಗೊಂದಲಗಳನ್ನು ತೆರೆದಿಡುತ್ತಾರೆ.