'ರೌಡಿಗಳು ನಾವು ರೌಡಿಗಳು' ಎಂದು ಹಾಡಿದ ಜಯರಾಜು-ಗಂಗ: ಹಾಡು ಕೇಳಿದವರು ಏನಂದ್ರು?

ಹೇಗಿದೆ 'ರೌಡೀಸ್ ಆಂಥಮ್‌'?

ಚರಣ್ ರಾಜ್‌ ಟ್ಯೂನ್ ಹಾಕಿರುವ 'ರೌಡಿಗಳು ನಾವು ರೌಡಿಗಳು' ಸಾಂಗ್‌ಗೆ ಅಗ್ನಿಶ್ರೀಧರ್ ಸಾಹಿತ್ಯ ಬರೆದಿದ್ದಾರೆ. ಈ ಪ್ರಂಚವೇ ಸರಿಯಿಲ್ಲ, ಪ್ರಪಂಚದಲ್ಲಿ ಯಾರು ಸರಿಯಿಲ್ಲ, ನಾವೇ ಸರಿ ಎಂದು ರೌಡಿಗಳು ಮೆರೆದಾಡಿದ್ದನ್ನು ಈ ಸಾಂಗ್‌ನಲ್ಲಿ ಎಳೆಎಳೆಯಾಗಿ ಹೇಳುವ ಪ್ರಯತ್ನ ನಡೆದಿದೆ. ಜಯರಾಜು ಆಗಿ ಧನಂಜಯ್, ಗಂಗಾ ಆಗಿ ಲೂಸ್ ಮಾದ ಕಾಣಿಸಿಕೊಂಡಿದ್ದು, ಅವರ ಲುಕ್‌ ರಿವೀಲ್ ಆಗಿದೆ. ಸಾಂಗ್‌ನಲ್ಲಿ ಜಯರಾಜ್ ಅಂಡ್ ಗ್ಯಾಂಗ್ ಬಾಲ್ಯದ ದಿನಗಳು, ಅವರು ಆಡಿ ಬೆಳೆದ ಪರಿ ಹೇಗಿತ್ತು ಎಂದು ತೋರಿಸಲಾಗಿದೆ.

ರೆಟ್ರೋ ಸ್ಟೈಲ್ 'ಹೆಡ್‌ಬುಷ್' ಸಾಂಗ್

ಕಥೆಗೆ ತಕ್ಕಂತೆ ರೆಟ್ರೋ ಸ್ಟೈಲ್‌ನಲ್ಲಿ ಸಾಂಗ್‌ನ ಡಿಸೈನ್ ಮಾಡಿದ್ದಾರೆ. ಅದಕ್ಕೆ ತಕ್ಕಂತೆ ಟ್ಯೂನು ಲಿರಿಕ್ಸ್ ಇದೆ. ಬೆಂಗಳೂರಿನ ಪೇಟೆಗಳಲ್ಲಿ ಪೊಲೀಸರಿಗೆ ಹೆದರದೇ ರೌಡಿಗಳು ಹೇಗೆಲ್ಲಾ ಬೆಳೆದರು ಅನ್ನುವ ಚಿತ್ರಣ ಇಲ್ಲಿದೆ. ಗುಟ್ಟಹಳ್ಳಿ ಸೇರಿದಂತೆ ಒಂದಷ್ಟು ಕಡೆಗಳಲ್ಲಿ ಸಾಂಗ್ ಶೂಟಿಂಗ್ ಮಾಡಿದ್ದಾರೆ. ಡಾನ್ ಜಯರಾಜ್ ಬಾಲ್ಯದ ದೃಶ್ಯಗಳಲ್ಲಿ ಆಕಾಶ್ ಎನ್ನುವ ಹುಡುಗ ಕಾಣಸಿಕೊಂಡಿದ್ದಾನೆ. ಜಯರಾಜ್ ತಿಗಳ ಪೇಟೆಯ ಗರಡಿ ಮನೆಯಲ್ಲಿ ಸಾಮು ಮಾಡುತ್ತಾ ಬೆಳೆದಿದ್ದನ್ನು ನೋಡಬಹುದು. ಅಂದಿನ ಕಾಲಘಟ್ಟವನ್ನು ಕಟ್ಟಿಕೊಡಲು ಸಾಕಷ್ಟು ಸೆಟ್‌ಗಳನ್ನು ಹಾಕಿ ಚಿತ್ರೀಕರಣ ನಡೆಸಲಾಗಿದೆ.

ಕಾಮಣ್ಣನ ಮಕ್ಕಳು ಯಾರು ಜಯರಾಜು?

ಹೋಳಿ ಹಬ್ಬದ ಸಮಯದಲ್ಲಿ ಹಾಡಿ ಕುಣಿಯುವ 'ಕಾಮಣ್ಣ ಮಕ್ಕಳು' ಹಾಡಿನ ಬಿಟ್ ಅನ್ನು ಬಳಸಿಕೊಂಡಿದ್ದು, ಕೊನೆಯ ಪಂಚ್ ಮಜವಾಗಿದೆ. 'ಈ ಕಾಮಣ್ಣನ ಮಕ್ಕಳು ಯಾರು ಜಯರಾಜು' ಎಂದು ಗಂಗಾ ಕೇಳಿದಾಗ 'ಇನ್ಯಾರು ಗಂಗಾ, ಯಾರ್ಯಾರು ಬಡವರ ಹೊಟ್ಟೆ ಮೇಲೆ ಹೊಡಿತ್ತಾರೋ ಅವರೇ ಕಾಮಣ್ಣನ ಮಕ್ಕಳು' ಎಂದು ಜಯರಾಜ್ ಹೊಡೆಯುವ ಡೈಲಾಗ್‌ನಿಂದ ಸಾಂಗ್ ಕೊನೆಗೊಂಡಿದೆ.

'ರೌಡೀಸ್ ಆಂಥಮ್‌' ಕೇಳಿದವರಿಗೆ ನಿರಾಸೆ

ಧನಂಜಯ್ ಹುಟ್ಟುಹಬ್ಬದ ಸಂಭ್ರಮದಲ್ಲಿ ರಿಲೀಸ್ ಆಗಿರುವ 'ರೌಡಿಗಳು ನಾವು ರೌಡಿಗಳು' ಸಾಂಗ್ ಸಿನಿರಸಿಕರಿಗೆ ಅಷ್ಟಾಗಿ ಇಷ್ಟವಾಗಿಲ್ಲ. ಚರಣ್‌ ರಾಜ್ ಮ್ಯೂಸಿಕ್‌ನಲ್ಲಿ ಆಲ್ಬಮ್‌ ಬಗ್ಗೆ ಭಾರೀ ನಿರೀಕ್ಷೆ ಇತ್ತು. 'ರೌಡೀಸ್ ಆಂಥಮ್‌' ನಿರೀಕ್ಷಿತ ಮಟ್ಟದಲ್ಲಿ ಮೂಡಿ ಬಂದಿಲ್ಲ ಎಂದು ಕೆಲವರು ಬೇಸರ ವ್ಯಕ್ತಪಡಿಸಿದ್ದಾರೆ. ಆದರೆ ಡಾಲಿ ಅಭಿಮಾನಿಗಳಿಗೆ ಸಾಂಗ್ ಸಖತ್ ಕಿಕ್ ಕೊಡ್ತಿದೆ. ತೆರೆಮೇಲೆ ಕಂಪ್ಲೀಟ್ ವಿಡಿಯೋ ಸಾಂಗ್ ನೋಡುವುದಕ್ಕೆ ಕಾತರದಿಂದ ಕಾಯುತ್ತಿದ್ದಾರೆ.