Click it and Unblock the Notifications
ಭೀಮಾತೀರದಲ್ಲಿ ವಿಮರ್ಶೆ: ಬೆಳಗೆರೆ ಅಳಿಯ ಕಿಟ್ಟಿಯಿಂದ
ಚಿತ್ರ ವೀಕ್ಷಿಸಿ ಹೊರಬಂದ ಶ್ರೀನಗರ ಕಿಟ್ಟಿ ನಮ್ಮ ವರದಿಗಾರರಿಗೆ ನೀಡಿದ ಕ್ವಿಕ್ ಸಂದರ್ಶನ ಇಂತಿದೆ:
ಪ್ರ: ಕಿಟ್ಟಿಯವರೇ ಒಬ್ಬ ನಟನಾಗಿ, ನಿರ್ಮಾಪಕನಾಗಿ ಭೀಮಾ ತೀರದಲ್ಲಿ ಸಿನಿಮಾ ಏನೆನಿಸಿತು?
ಕಿಟ್ಟಿ: ಖಂಡಿತ ಒಳ್ಳೆಯ ಪ್ರಯತ್ನ. ಕಮರ್ಷಿಯಲ್ ಆಗಿ ಚಿತ್ರವನ್ನು ಚೆನ್ನಾಗಿ ತೆರೆಗೆ ತಂದಿದ್ದಾರೆ.
ಪ್ರ: ಭೀಮಾತೀರದ ಹಂತಕರು ಪುಸ್ತಕಕ್ಕೂ ಭೀಮಾತೀರದಲ್ಲಿ ಚಿತ್ರಕೂ ವ್ಯತ್ಯಾಸ ಇದೆಯಾ?
ಕಿಟ್ಟಿ: ಒಂದು ಸಿನಿಮಾ ಆಗಿ ಭೀಮಾತೀರದಲ್ಲಿ ಚೆನ್ನಾಗಿ ಮೂಡಿ ಬಂದಿದೆ. ಒಂದು ನೈಜ ಘಟನೆಗೆ ಹೋಲಿಸಿದಂತೆ ಅದೇ ಸಾಮ್ಯತೆವುಳ್ಳ ಪಾತ್ರಗಳನ್ನು ಸೃಷ್ಟಿಸಿದಾಗ ಎಲ್ಲಾ ಕಡೆ ಮಿಸ್ ಹೊಡೆಯುತ್ತದೆ.
ಪ್ರ: ರವಿ ಬೆಳಗೆರೆಯವರು ಭೀಮಾ ತೀರದಲ್ಲಿ ಚಿತ್ರದ ಬಗ್ಗೆ ಮಾಡಿದ ಕಾಮೆಂಟ್ ಬಗ್ಗೆ ನಿಮ್ಮ ಅಭಿಪ್ರಾಯ?
ಕಿಟ್ಟಿ: ಒಬ್ಬ ಬರಹಗಾರ, ಸಬ್ಜೆಕ್ಟ್ ಬಗ್ಗೆ ಆಳವಾಗಿ ಅಧ್ಯನ ಮಾಡಿ ವರದಿ ಮಾಡುವ ವಿಚಾರದಲ್ಲಿ ಬೆಳಗೆರೆಯವರ ಅಕ್ಷರದ ಅಭಿಮಾನಿ ನಾನು. ಅವರ ಸಂಬಂಧಿಕನಾಗಿ ಇಲ್ಲಿ ಮಾತನಾಡುತ್ತಿಲ್ಲ. ಆ ಪುಸ್ತಕದಲ್ಲಿ ಬರುವ ರೆಫರೆನ್ಸ್ ತೆಗೆದುಕೊಂಡು ಇನ್ನೂ ಚೆನ್ನಾಗಿ ಸಿನಿಮಾ ಮಾಡಬಹುದಿತ್ತು.
ಪ್ರ: ಭೀಮಾತೀರದಲ್ಲಿ ಚಿತ್ರ ಗೆಲ್ಲಬಹುದಾ?
ಕಿಟ್ಟಿ: ಗೆಲ್ಲಬೇಕು. ಉದ್ಯಮದಲ್ಲಿ ವ್ಯಾಪಾರ ವಹಿವಾಟು ಚೆನ್ನಾಗಿ ಆಗಬೇಕು. ಒಂದು ಚಿತ್ರ ಗೆದ್ದರೆ ನೂರಾರು ಮಂದಿಗೆ ಹೆಸರು ಬರುತ್ತದೆ. ಲಕ್ಷಾಂತರ ರೂಪಾಯಿ ವಹಿವಾಟು ಆಗುತ್ತದೆ. ಅದು ಆಗಬೇಕು.
ಪ್ರ: ಚಿತ್ರದಲ್ಲಿ ನಿಮಗೆ ಇಷ್ಟವಾಗಿದ್ದೇನು? ಇಷ್ಟವಾಗದೆ ಇದ್ದಿದ್ದೇನು?
ಕಿಟ್ಟಿ: Overall, ಸಿನಿಮಾ ನೋಡಿ ಫುಲ್ ಎಂಜಾಯ್ ಮಾಡಿದೆ. ಆದರೆ ನೈಜ ಘಟನೆ ಮತ್ತು ಪಾತ್ರಗಳು, ಈಗಲೂ ಬದುಕಿರುವ ಪಾತ್ರಗಳನ್ನು ಬಳಸಿಕೊಂಡಾಗ ಇನ್ನಷ್ಟು ಹೋಮ್ ವರ್ಕ್ ಮಾಡಿದರೆ ಚೆನ್ನಾಗಿರುತ್ತಿತ್ತು. ಇಂದು ನನ್ನ ಪರ್ಸನಲ್ ಅಭಿಪ್ರಾಯ. ಇದರಲ್ಲಿ ಖಂಡಿತವಾಗಿಯೂ ಯಾವುದೇ ಪೂರ್ವಾಗ್ರಹವಿಲ್ಲ.
Continue with Google