»   » ನಿರ್ದೇಶಕ ಪ್ರೇಮ್ 'ಡವ್' ಮಾಡ್ತಾರಂತೆ

ನಿರ್ದೇಶಕ ಪ್ರೇಮ್ 'ಡವ್' ಮಾಡ್ತಾರಂತೆ

Posted By:
Subscribe to Filmibeat Kannada

ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಜೊತೆ 'ಜೋಗಯ್ಯ' ಚಿತ್ರ ಮಾಡುವುದಕ್ಕೂ ಮುನ್ನ ನಿರ್ದೇಶಕ ಪ್ರೇಮ್ 'ಡವ್' ಮಾಡುತ್ತಿದ್ದಾರೆ. ಇದೇನಿದು ಯಾವುದೋ ಭಾಷೆ ಬಳಕೆ ಮಾಡುತ್ತಿದ್ದೀರಲ್ಲಾ ಎಂದು ಕೇಳಬೇಡಿ. ಪ್ರೇಮ್ ಮುಂದಿನ ಚಿತ್ರದ ಹೆಸರೆ ಹಾಗಿದೆ 'ಡವ್'. ಈ ಚಿತ್ರ ಏಪ್ರಿಲ್ 24ರಂದು ಸೆಟ್ಟೇರಲಿದೆ.

'ಪ್ರೀತಿ ಏಕೆ ಭೂಮಿ ಮೇಲಿದೆ?' ಚಿತ್ರದ ಮೂಲಕ ಪ್ರೇಮ್ ನಟನೆಗೆ ಅಡಿಯಿಟ್ಟಿದ್ದರು. ಆದರೆ ಆ ಚಿತ್ರ ಬಾಕ್ಸಾಫೀಸ್ ಗಳಿಕೆಯಲ್ಲಿ ಹೀನಾಯವಾಗಿ ಸೋತಿತ್ತು. ಈ ಸೋಲಿನಿಂದ ಕಂಗೆಡದ ಪ್ರೇಮ್ ಇದೀಗ ಡವ್ ಮೂಲಕ ಮತ್ತೆ ಪ್ರೇಕ್ಷಕರ ಮುಂದೆ ಬರಲು ಸಿದ್ಧವಾಗಿದ್ದಾರೆ. ಡವ್ ನಲ್ಲಿ ನಟನೆಯ ಜೊತೆಗೆ ನಿರ್ದೇಶವನ್ನು ಪ್ರೇಮ್ ಮಾಡುತ್ತಿದ್ದಾರೆ.

ಚಿತ್ರದ ನಾಯಕಿಗಾಗಿ ಹುಡುಕಾಟ ನಡೆದಿದೆ. ನಟಿಮಣಿಯರ ಸಂಭಾವನೆ ಸಿಕ್ಕಾಪಟ್ಟೇ ತುಟ್ಟಿಯಾಗಿರುವ ಕಾರಣ ಪ್ರೇಮ್ ಈ ಬಾರಿ ಹೊಸಬರಿಗೆ ಮಣೆ ಹಾಕುತ್ತಿದ್ದಾರೆ. 'ಡವ್' ನಲ್ಲಿ ಕನ್ನಡ ಹುಡುಗಿಗೆ ಅವಕಾಶ ಕೊಡಲಿರುವುದಾಗಿ ಪ್ರೇಮ್ ತಿಳಿಸಿದ್ದಾರೆ. ಚಿತ್ರಕ್ಕೆ ಬಂಡವಾಳ ಹೂಡುತ್ತಿರುವವರು ದಶಾವತಾರ ಚಂದ್ರು. ಸಂಗೀತ ವಿ ಹರಿಕೃಷ್ಣ.

Please Wait while comments are loading...

ಮನರಂಜನಾ ಜಗತ್ತಿನ ಎಲ್ಲ ತಾಜಾ ರೋಚಕ ಸುದ್ದಿಗಳನ್ನು ಪಡೆಯಿರಿ - Filmibeat Kannada