ಅನಂತನಾಗ್ ಮೆಚ್ಚಿದ ಕ್ರೇಜಿ ಕುಟುಂಬ

ತಮ್ಮ ಮುಗುಳುನಗೆ, ಮನೋಜ್ಞ ಅಭಿನಯದಿಂದ ಕನ್ನಡ ಚಿತ್ರರಸಿಕರ ಮನಸೂರೆಗೊಂಡಿರುವ ನಟ ಅನಂತನಾಗ್. ಈಗ ಅವರು ಅಭಿನಯಿಸುತ್ತಿರುವ ಚಿತ್ರ 'ಕ್ರೇಜಿ ಕುಟುಂಬ." ಮನೋರಂಜನೆಯೇ ಪ್ರಧಾನವಾಗಿರುವ ಈ ಚಿತ್ರ ಅನಂತನಾಗ್ ಅವರಿಗೆ ಮೆಚ್ಚುಗೆಯಾಗಿದೆಯಂತೆ.

'ನಾನು ಸೂಟು-ಬೂಟು ಧರಿಸಿ ಅಭಿನಯಿಸುವ ಚಿತ್ರಗಳು ಹೆಚ್ಚಾಗಿ ಬರುತ್ತಿದೆ. ಆದರೆ ಈ ಚಿತ್ರದಲ್ಲಿ ನನ್ನದು ಹಳ್ಳಿಯವನ ಪಾತ್ರ. ಪಂಚೆ ಉಟ್ಟು ಸಹಜ ಉಡುಗೆಯಲ್ಲಿ ಅಭಿನಯಿಸುತ್ತಿದ್ದೇನೆ. ನನ್ನ ಪಾತ್ರ ಹಾಗೂ ಚಿತ್ರ ಕನ್ನಡಿಗರಿಗೆ ಹಿಡಿಸುತ್ತದೆ ಎಂದು ಅವರು ತಿಳಿಸಿದ್ದಾರೆ.ರಮೇಶ್ ನಾಯಕನಾಗಿ ನಟಿಸುತ್ತಿರುವ ಈ ಚಿತ್ರಕ್ಕೆ ಅಭಿಮಾನ್ ಸ್ಟೂಡಿಯೋ ಸೇರಿದಂತೆ ಮುಂತಾದ ಕಡೆ ಬಿರುಸಿನ ಚಿತ್ರೀಕರಣ ನಡೆಯುತ್ತಿದೆ.

ಲವ್‌ಕುಶ್ ಪ್ರೊಡಕ್ಷನ್ಸ್ ಲಾಂಛನದಲ್ಲಿ ಲೀನಾಜೋಶಿ ನಿರ್ಮಿಸುತ್ತಿರುವ ಈ ಚಿತ್ರವನ್ನು ಬಿ.ರಾಮಮೂರ್ತಿ ಅವರು ನಿರ್ದೇಶಿಸುತ್ತಿದ್ದಾರೆ. ಮರಾಠಿ ಮೂಲದ 'ದೇ ದಕ್ಕ ಚಿತ್ರ 'ಕ್ರೇಜಿ ಕುಟುಂಬಕ್ಕೆ ಸ್ಪೂರ್ತಿ. ರಿಕ್ಕಿಕೇಜ್ ಸಂಗೀತ. ಮಲ್ಲಿಕಾರ್ಜುನ್ ಛಾಯಾಗ್ರಹಣ, ನರಹಳ್ಳಿ ಜ್ಞಾನೇಶ್ ಸಂಕಲನ, ಮುರಳಿ-ರಾಮು ನೃತ್ಯ, ಶ್ರೀನಿವಾಸ್ ಕಲೆ, ಪ್ರಸಾದ್ ಸಹ ನಿರ್ದೇಶನ ಹಾಗೂ ಗಂಡಸಿರಾಜು ನಿರ್ಮಾಣ ನಿರ್ವಹಣೆಯಿದೆ. ರಮೇಶ್, ಅನಂತನಾಗ್, ಎಂ.ಎಸ್.ಉಮೇಶ್, ರಜನಿಕಾಂತ್, ವಿನಯ್‌ರಾಂಪ್ರಸಾದ್, ಸೋಮಶೇಖರ್, ಚಿಕ್ಕಮಗಳೂರು ಮಧು 'ಕ್ರೇಜಿ ಕುಟುಂಬ"ದ ತಾರಾಬಳಗದಲ್ಲಿದ್ದಾರೆ.

(ದಟ್ಸ್ ಕನ್ನಡ ಚಿತ್ರವಾರ್ತೆ)