ಟಾಪ್5 ಕನ್ನಡ ಚಿತ್ರಗಳು : ಇನ್ನಷ್ಟು ಗಟ್ಟಿಯಾದ 'ಮಿಲನ'

ಡಿಸೆಂಬರ್ ಮೊದಲ ಪಾಕ್ಷಿಕದ ಬಾಕ್ಸಾಫೀಸ್ ವರದಿ ಪ್ರಕಾರ, ಮಿಲನ ಮೊದಲ ಸ್ಥಾನವನ್ನು ಉಳಿಸಿಕೊಂಡಿದೆ. ಮುಗ್ಗರಿಸಿತು ಎನ್ನುವಾಗಲೇ ಚಂಡ ಎರಡನೇ ಸ್ಥಾನದಲ್ಲಿ ಬಂದು ಕೂತಿದ್ದಾನೆ. ಆ ದಿನಗಳು ಚಿತ್ರ ಟಾಪ್ 5ಸ್ಥಾನದಲ್ಲಿದೆ.

1. ಮಿಲನ : ಮನೋಮೂರ್ತಿ ಅವರ ಸುಮಧುರ ಸಂಗೀತ, ಜಯಂತ್ ಸಾಹಿತ್ಯ, ಬಿಗಿ ನಿರ್ದೇಶನ ಮತ್ತು ಚಿತ್ರಕತೆ ಜೊತೆಗೆ ಪುನೀತ್ ಅಭಿನಯ, ಇವೆಲ್ಲವೂ ಮಿಲನದ ಗೆಲುವಿನಲ್ಲಿ ಸಮಾನ ಪಾತ್ರವಹಿಸಿವೆ. ಸಂಜನಾ ಮತ್ತು ಪಾರ್ವತಿ ಮೆಲ್ಟನ್ ಚಿತ್ರದ ನಾಯಕಿಯರು. ಮಿಲನಕ್ಕೀಗ ಶತದಿನೋತ್ಸವದ ಸಂಭ್ರಮ.

2. ಚಂಡ :ಸ್ಪರ್ಧೆ ಮತ್ತು ಪೈಪೋಟಿಯ ಮಧ್ಯೆಯೇ ಚಂಡ ಮುನ್ನುಗಿದೆ. ವಿಜಯ್ ಬಾಕ್ಸಾಫೀಸಲ್ಲಿ ತನ್ನ ಸ್ಥಾನ ಉಳಿಸಿಕೊಂಡಿದ್ದಾರೆ. ಎಸ್.ನಾರಾಯಣ್ ನಿರ್ದೇಶನದ ಈ ಚಿತ್ರದ ಬಗ್ಗೆ ಸಿನಿ ಪಂಡಿತರು ಹೇಳುವುದು ಹೀಗೆ; ಚಿತ್ರಕ್ಕೆ ಒಳ್ಳೆಯ ಆರಂಭ ಸಿಕ್ಕಿದೆ. ಆದರೆ ಇದು ಹೀಗೆಯೇ ಮುಂದುವರೆಯುವಲ್ಲಿ ಅನುಮಾನವಿದೆ.

3. ಕೃಷ್ಣ :ಕಳೆದ ಹತ್ತಾರು ತಿಂಗಳಿಂದ ಟಾಪ್1ಸ್ಥಾನದಲ್ಲಿದ್ದ ಗಣೇಶ್ ಮೂರನೇ ಸ್ಥಾನಕ್ಕೆ ಬಂದಿದ್ದಾರೆ ಆದರೂ, ಮೊದಲ ಆರು ವಾರಗಳ ಗಳಿಕೆ ಚೆನ್ನಾಗಿದೆ. ವ್ಯಾಪಕ ಪ್ರಚಾರದೊಂದಿಗೆ ಚಿತ್ರ ತೆರೆಕಂಡಿದೆ.

4. ಒರಟ ಐ ಲವ್ ಯೂ : ಚಿತ್ರದ ತುಂಬ ಹೊಸಮುಖಗಳೇ ತುಂಬಿವೆ. ಚಿತ್ರದ ನಿರ್ದೇಶಕ ಸಹಾ ಹೊಸಬರೇ. ಆದರೂ ಚಿತ್ರ ನೋಡಬಲ್. ಚಿತ್ರದ ಹಾಡುಗಳು, ಚಿತ್ರಕತೆ ಹೊಸಬರ ಹೋಮ್ ವರ್ಕ್ ಇವೆಲ್ಲವೂ ಚಿತ್ರದ ಹೈಲೈಟ್ಸ್.

5. ಆ ದಿನಗಳು :ಬೆಂಗಳೂರು ಮತ್ತು ಮೈಸೂರಿನಲ್ಲಿ ಚಿತ್ರ 50ದಿನ ಪೂರೈಸಿದೆ. ಸತ್ಯಘಟನೆಗಳನ್ನು ಹೆಣೆದು ಅಗ್ನಿ ಶ್ರೀಧರ್ ಚಿತ್ರ ರೂಪಿಸಿದ್ದಾರೆ. ಚೈತನ್ಯ ಅವರ ನಿರ್ದೇಶನ ಚಿತ್ರಕ್ಕೆ ಜೀವತುಂಬಿದೆ. ಚಿತ್ರದ ನಾಯಕಿ ಅರ್ಚನಾ , ಸ್ಯಾಂಡಲ್ ವುಡ್ ನಲ್ಲಿ ಗಮನ ಸೆಳೆದಿದ್ದಾರೆ.(ದಟ್ಸ್ ಕನ್ನಡ ಸಿನಿವಾರ್ತೆ)