ಒನ್ ಟೂ ತ್ರಿ ವಿಷ್ಣುವರ್ಧನ... ಸೆಂಚುರಿ ಕಣಣ್ಣಾ

ಕಿಚ್ಚ ಸುದೀಪ್ ಅಭಿನಯದ ಮಾಸ್ ಮಸಾಲ ಚಿತ್ರ 'ವಿಷ್ಣುವರ್ಧನ' ಸೆಂಚುರಿ ಬಾರಿಸಿದೆ. ಮೆಜೆಸ್ಟಿಕ್ ಪ್ರದೇಶದ ಮೇನಕ ಚಿತ್ರಮಂದಿರದಲ್ಲಿ 'ವಿಷ್ಣುವರ್ಧನ' ನೂರು ದಿನಗಳನ್ನು ಪೂರೈಸಿ ಮುನ್ನುಗ್ಗುತ್ತಿದೆ. ಸುದೀಪ್ ಜೊತೆ ಪ್ರಿಯಾಮಣಿ, ಭಾವನಾ, ಸೋನು ಸೂದ್ ಚಿತ್ರದ ತಾರಾ ಬಳಗದಲ್ಲಿದ್ದಾರೆ.

ನಟ, ನಿರ್ದೇಶಕ, ನಿರ್ಮಾಪಕ ದ್ವಾರಕೀಶ್ ಅವರಿಗೆ 'ವಿಷ್ಣುವರ್ಧನ' ಚಿತ್ರ ಯಶಸ್ಸು ಮತ್ತಷ್ಟು ಬಲ ನೀಡಿದೆ. ರಾಜ್ಯದ ಒಟ್ಟು ಎಂಟು ಕೇಂದ್ರಗಳಲ್ಲಿ 'ವಿಷ್ಣುವರ್ಧನ' ಚಿತ್ರ ಸೆಂಚುರಿ ಬಾರಿಸಿದೆ. ಬಿಡುಗಡೆಯಾದ ಎಲ್ಲಾ ಚಿತ್ರಮಂದಿರಗಳಲ್ಲಿ 'ವಿಷ್ಣುವರ್ಧನ' ಪೈಸಾ ವಸೂಲ್ ಮಾಡಿರುವುದು ಮತ್ತೊಂದು ವಿಶೇಷ.

ಇನ್ನೊಂದು ವಿಶೇಷ ಎಂದರೆ 'ವಿಷ್ಣುವರ್ಧನ' ಚಿತ್ರ ತೆಲುಗು, ತಮಿಳು ಹಾಗೂ ಮಲಯಾಳಂ ಭಾಷೆಗಳಿಗೂ ರೀಮೇಕ್ ಆಗಲು ಹೊರಟಿದೆ. ಈ ಒಟ್ಟಾರೆ ಬೆಳವಣಿಗೆಯಿಂದ ಕನ್ನಡ ಚಿತ್ರರಂಗದ ಕಡೆಗೆ ನೆರೆಹೊರೆಯ ಚಿತ್ರೋದ್ಯಮಗಳು ಕಣ್ಣು ಬಾಯಿ ಬಿಟ್ಟುಕೊಂಡು ನೋಡುವಂತಾಗಿದೆ. (ಒನ್‌ಇಂಡಿಯಾ ಕನ್ನಡ)