ಚಿರನಿದ್ರೆಗೆ ಜಾರಿದ 'ಆಹಾ ಬ್ರಹ್ಮಚಾರಿ' ಖ್ಯಾತಿಯ ಅನಿಲ್

ಅನಿಲ್ ಪತ್ನಿ ಆರ್ತಿ ಹಾಗೂ ಪುತ್ರಿಯನ್ನು ಅಗಲಿದ್ದಾರೆ. ಸುದೀರ್ಘ ಸಮಯದಿಂದ ಅವರು ಮೂತ್ರಕೋಶ ಸಮಸ್ಯೆಯಿಂದ ಬಳಲುತ್ತಿದ್ದರು. ಅವರ ಬಾಳ ಸಂಗಾತಿ ಆರ್ತಿ ಅವರು ಕಿಡ್ನಿಯೊಂದನ್ನು ನೀಡಿದ್ದರು. ಆದರೂ ವಿಧಿ ಅವರನ್ನು ಬಾರದ ಲೋಕಕ್ಕೆ ಕರೆದೊಯ್ದಿದೆ. ಅನಿಲ್ ನಿಧನಕ್ಕೆ ಕನ್ನಡ ಚಿತ್ರರಂಗ ಕಂಬನಿ ಮಿಡಿದಿದೆ.

ಆಹಾ ಬ್ರಹ್ಮಚಾರಿ, ಏನೂಂದ್ರೆ, ಮೃತ್ಯುಬಂಧನ ಚಿತ್ರಗಳಲ್ಲಿ ಅಭಿನಯಿಸಿದ್ದಾರೆ. ಇನ್ನೂ ಒಳ್ಳೆಯ ಸಿನಿಮಾಗಳಲ್ಲಿ ಅಭಿನಯಿಸುವ ಆಸೆ ಅನಿಲ್‌ಗಿತ್ತು. ಒಳ್ಳೆಯ ಸಿನಿಮಾಗಳನ್ನು ಮಾಡೋಣ ಎಂದು ಇತ್ತೀಚೆಗಷ್ಟೆ ಹೇಳಿದ್ದ ಎಂದು ನೆನಪಿಸಿಕೊಂಡಿದ್ದಾರೆ ಅವರೊಂದಿಗೆ ಎರಡು ಚಿತ್ರಗಳನ್ನು ಮಾಡಿರುವ ಗುರುಪ್ರಸಾದ್.