18ನೇ ವರ್ಷದ ವಿವಾಹ ವಾರ್ಷಿಕೋತ್ಸವದ ಸಂಭ್ರಮದಲ್ಲಿ ಅವಿನಾಶ್- ಮಾಳವಿಕಾ ಜೋಡಿ

ನಟ ಅವಿನಾಶ್ ಹಾಗೂ ನಟಿ, ಬಿಜೆಪಿ ವಕ್ತಾರೆ ಮಾಳವಿಕಾ ಇಂದು ವಿವಾಹ ವಾರ್ಷಿಕೋತ್ಸವದ ಸಂಭ್ರಮದಲ್ಲಿ ಇದ್ದಾರೆ. ಈ ಜೋಡಿ 18ನೇ ವರ್ಷದ ವೈವಾಹಿಕ ಜೀವನವನ್ನು ಯಶಸ್ವಿಯಾಗಿ ಪೂರೈಸಿದ ಖುಷಿಯಲ್ಲಿ ಇದೆ.

ತಮ್ಮ ಸಂಭ್ರಮದ ಕ್ಷಣವನ್ನು ಮಾಳವಿಕಾ ಟ್ವಿಟ್ಟರ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ವಿವಾಹ ವಾರ್ಷಿಕೋತ್ಸವದ ದಿನ ತಮ್ಮ ಮದುವೆಯಾದ ಕೆಲ ಫೋಟೋಗಳ ಮೂಲಕ ಪತಿ ಅವಿನಾಶ್ ಅವರಿಗೆ ಶುಭಾಶಯ ತಿಳಿಸಿದ್ದಾರೆ.

ಮಾಳವಿಕಾ ಅವರಿಗೆ 9 ವರ್ಷ ಇದ್ದಗಿನಿಂದಲೇ ಅವಿನಾಶ್ ಅವರ ಪರಿಚಯ ಇತ್ತಂತೆ. ಆಗ ಅವರು ಬಾಲ ನಟಿಯಾಗಿದ್ದರು. ಅಲ್ಲಿಂದ ಶುರುವಾದ ಇಬ್ಬರ ಪ್ರಯಾಣ ಮದುವೆಯವರೆಗೆ ಬಂತು. 28 ಫೆಬ್ರವರಿ 2001 ರಲ್ಲಿ ನವ ಜೀವನಕ್ಕೆ ಕಾಲಿಟ್ಟಿದ್ದ ಈ ಜೋಡಿಗೆ ಇಂದು ವಿವಾಹ ವಾರ್ಷಿಕೋತ್ಸವ ಆಚರಿಸಿಕೊಳ್ಳುತ್ತಿದ್ದಾರೆ.

ಅವಿನಾಶ್ ಹಾಗೂ ಮಾಳವಿಕ ಇಂದಿಗೂ ಇಬ್ಬರೂ ಚಿತ್ರರಂಗದಲ್ಲಿ ತೊಡಗಿಸಿಕೊಂಡಿದ್ದಾರೆ. ಅವಿನಾಶ್ ಡಿಮ್ಯಾಂಡ್ ಇಂದಿಗೂ ಕಡಿಮೆ ಆಗಿಲ್ಲ. ಇತ್ತ ಮಳವಿಕಾ ಸಹ ರಾಜಕೀಯದ ಜೊತೆಗೆ ಸಿನಿಮಾವನ್ನು ಕೈ ಬಿಟ್ಟಿಲ್ಲ.