ಪ್ರಜ್ವಲ್ ದೇವರಾಜ್ ಮತ್ತು ದಿಗಂತ್ ಅವರ ಮೇಲೆ ಬಂದಿರುವ ಆರೋಪದ ಬಗ್ಗೆ ಸಹ ನಟ ಪ್ರೇಮ್ ಮಾತನಾಡಿದ್ದಾರೆ. ಸದ್ಯ, ಪ್ರಜ್ವಲ್ ದೇವರಾಜ್ ಜೊತೆ 'ಲೈಫ್ ಜೊತೆ ಒಂದು ಸೆಲ್ಫಿ' ಚಿತ್ರದಲ್ಲಿ ನಟಿಸುತ್ತಿರುವ ಪ್ರೇಮ್ ಈ ಆರೋಪವನ್ನ ನಿರಾಕರಿಸಿದ್ದಾರೆ.
ಈ ಸುದ್ದಿ ಹಬ್ಬಿಸುತ್ತಿರುವವರ ಬಗ್ಗೆ ಬೇಸರ ವ್ಯಕ್ತಪಡಿಸಿರುವ ಪ್ರೇಮ್, ತಮ್ಮ ಸ್ನೇಹಿತರ ಬೆಂಬಲಕ್ಕೆ ನಿಂತಿದ್ದಾರೆ. ಈ ಪ್ರಕರಣದಲ್ಲಿ ಇವರಿಬ್ಬರ ಪಾತ್ರವಿಲ್ಲವೆಂದು ಸ್ಪಷ್ಟವಾಗಿ ಪ್ರೇಮ್ ಹೇಳುತ್ತಿದ್ದಾರೆ.
ಹಾಗಿದ್ರೆ, ಪ್ರಜ್ವಲ್ ಮತ್ತು ದಿಗಂತ್ ಮೇಲಿನ ಆರೋಪದ ಬಗ್ಗೆ ಪ್ರೇಮ್ ಏನಂದ್ರು? ಮುಂದೆ ಓದಿ.....
ಈ ಸುದ್ದಿಯಿಂದ ಬೇಸರವಾಗಿದೆ
''ಪ್ರಜ್ವಲ್ ದೇವರಾಜ್ ಮತ್ತು ದಿಗಂತ್ ಅವರ ವಿರುದ್ಧ ಮಾಧ್ಯಮಗಳು ಪ್ರಸಾರ ಮಾಡುತ್ತಿರುವ ಸುದ್ದಿಯಿಂದ ನನಗೆ ತುಂಬಾ ಬೇಜಾರಾಗಿದೆ. ಇದು ಅವರ ಕುಟುಂಬಗಳಿಗೂ ಕೂಡ ನೀವುಂಟು ಮಾಡಿದೆ'' - ಪ್ರೇಮ್, ನಟ
ತಂತ್ರಜ್ಞಾನದಿಂದ ಹುಡುಕಬಹುದು
''ಇಂದಿನ ತಂತ್ರಜ್ಞಾನದಲ್ಲಿ ಟವರ್ ಲೊಕೆಶನ್ ಮೂಲಕ ಪ್ರಜ್ವಲ್ ಎಲ್ಲಿದ್ದರು ಎಂಬುದನ್ನ ಹುಡುಕಬಹುದು. ಅಲ್ಲೇ ಗೊತ್ತಾಗುತ್ತೆ ಸತ್ಯ ಏನು ಅಂತ'' - ಪ್ರೇಮ್, ನಟ
ದಿಗಂತ್ ಕೂಡ ಇರಲಿಲ್ಲ
''ದಿಗಂತ್ ಕೂಡ ಕನಕಪುರದಲ್ಲಿ ಶೂಟಿಂಗ್ ಮಾಡುತ್ತಿದ್ದಾನೆ. ಪ್ರಜ್ವಲ್ ಮತ್ತು ದಿಗಂತ್ ಇಬ್ಬರು ಆ ಅಪಘಾತದಲ್ಲಿ ಇರಲಿಲ್ಲ ಎಂದು ಒತ್ತಿ ಹೇಳುತ್ತಿದ್ದೇನೆ'' - ಪ್ರೇಮ್, ನಟ
ಮರು ಪರಿಶೀಲನೆ ಮಾಡಿ
''ಆ ದಿನ ಪಬ್ ನಲ್ಲಿ ಯಾರಿದ್ದರು ಎಂಬುದಕ್ಕೆ ಸಿಸಿಟಿವಿ ಚೆಕ್ ಮಾಡಿ, ಪುನಃ ಈ ಪ್ರಕರಣ ಮರು ಪರಿಶೀಲನೆ ಮಾಡಿ. ಈ ರೀತಿಯಾದ ಸುಳ್ಳು ಸುದ್ದಿಗಳನ್ನ ಹಬ್ಬಿಸಿ ಅವರ ಭವಿಷ್ಯಕ್ಕೆ ಸಮಸ್ಯೆಯಾಗಿಸಬೇಡಿ'' - ಪ್ರೇಮ್, ನಟ
ನಟ ಪ್ರೇಮ್ ಅವರು ಮಾತನಾಡಿರುವ ವಿಡಿಯೋ ಇಲ್ಲಿದೆ
