For Quick Alerts
    ALLOW NOTIFICATIONS  
    For Daily Alerts

    ಮಂಡ್ಯ ಟು ಮುಂಬೈ ಹೋಗ್ತಿದ್ದ ರಾಕೇಶ್ ಗೆ ಗಾಯ

    By ಜೀವನರಸಿಕ
    |

    ಸಿನಿಮಾದ ನಟರು ಶೂಟಿಂಗ್ ನಲ್ಲಿ ಗಾಯ ಮಾಡಿಕೊಂಡು ಆಸ್ಪತ್ರೆ ಸೇರಿದ್ರೆ ದೊಡ್ಡ ಸುದ್ದಿಯಾಗುತ್ತೆ. ಮಾಧ್ಯಮಗಳು ಧಾವಿಸಿ ಆಸ್ಪತ್ರೆಯ ಮುಂದೆ ಕಾದು ನಿಂತು ಸುದ್ದಿಯನ್ನ ಕೊಟ್ಟು ಅಭಿಮಾನಿಗಳ ಆತಂಕ ಕಡಿಮೆಯಾಗೋ ಹಾಗೆ ಮಾಡ್ತಾರೆ. ಇದರ ಜೊತೆಗೆ ಆ ನಟನಿಗೂ ಕೂಡ ದೊಡ್ಡ ಮಟ್ಟದ ಪಬ್ಲಿಸಿಟಿ ಸಿಕ್ಕಿಬಿಟ್ಟಿರುತ್ತೆ.

    ಆದರೆ ಇತ್ತೀಚೆಗೆ 'ಜೋಶ್' ರಾಕೇಶ್ ಫೈಟ್ ಶೂಟಿಂಗ್ ನಲ್ಲಿ ಬಿದ್ದು ಗಾಯವಾದರೂ ಸುದ್ದಿಯೇ ಆಗಿಲ್ಲ. ಜೋಶ್ ಹುಡುಗ ರಾಕೇಶ್ ನಾಲ್ಕಾರು ಸಿನಿಮಾಗಳನ್ನ ಮಾಡಿ ಪ್ರಬುದ್ಧ ನಟನಾಗಿ ಬೆಳೀತಾ ಇದ್ದರೂ ತನ್ನನ್ನ ಸ್ಟಾರ್ ಅಂತ ಅಂದುಕೊಳ್ಳೋದೇ ಇಲ್ಲ. ['ಕೊಲವೆರಿ ಡಿ' ಶೈಲಿಯಲ್ಲಿ ಜೋಶ್ ರಾಕೇಶ್ ಹಾಡು]

    ಸೌಮ್ಯ ಸ್ವಭಾವದ ರಾಕೇಶ್ ಅವರು 'ಮಂಡ್ಯ ಟು ಮುಂಬೈ' ಅನ್ನೋ ಸಿನಿಮಾದ ಶೂಟಿಂಗ್ ನಲ್ಲಿ ತನ್ನ ಎಡಗೈಗೆ ಗಾಯವಾದ್ರೂ ಯಾರಿಗೂ ಹೇಳಿಕೊಳ್ಳಲಿಲ್ಲ. ವಾರ್ದಿಕ್ ಜೋಸೆಫ್ ನಿರ್ದೇಶನದ ರಾಕೇಶ್ ಮುಖ್ಯಪಾತ್ರದಲ್ಲಿರೋ ಚಿತ್ರದಲ್ಲಿ ಗಂಡ ಹೆಂಡತಿ ಸಂಜನಾ ಕೂಡ ಮುಖ್ಯಪಾತ್ರದಲ್ಲಿ ಕಾಣಿಸಿಕೊಳ್ತಿದ್ದು. ಚಿತ್ರ ತೆಲುಗಿನ 'ರೇಣುಗುಂಟ' ಸಿನಿಮಾದ ರೀಮೇಕ್.

    ಈ ಹಿಂದೆ 'ಆನೆಕೆರೆ ಬೀದಿ' ಅಂತ ಶುರುವಾದ ಚಿತ್ರ ಈಗ 'ಮಂಡ್ಯ ಟು ಮುಂಬೈ' ಅನ್ನೋ ಟೈಟಲ್ ಇಟ್ಕೊಂಡು ಶೂಟಿಂಗ್ ನಡೆಸ್ತಿದೆ. ಚಿತ್ರದ ಶೂಟಿಂಗ್ ಗೆ ತೊಂದರೆಯಾಗಬಾರ್ದು ಅಂತ ರಾಕೇಶ್ ನೋವನ್ನೂ ಸಹಿಸಿಕೊಂಡು ಸುಮ್ಮನಾಗಿದ್ದಾರೆ. ಸಣ್ಣ ತರಚಿದ ಗಾಯಕ್ಕೇ ಸಿಕ್ಕಾಪಟ್ಟೆ ಪಬ್ಲಿಸಿಟಿ ಪಡ್ಕೊಳ್ಳೋ ದೊಡ್ಡ ದೊಡ್ಡ ಸ್ಟಾರ್ ಗಳ ಎದುರು ಜೋಶ್ ಹುಡುಗ ರಾಕೇಶ್ ಭಿನ್ನ ಅನ್ನಿಸಿಕೊಳ್ತಾರೆ ಅಲ್ವಾ?

    English summary
    'Josh' movie fame Kannada actor Rakesh injured his left hand during the shooting of his upcoming film Mandya to Mumbai. Earlier the movie titled as 'Anekere Beedi'.

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X