'ಮಫ್ತಿ' ಚಿತ್ರದ ನಂತರ ದೊಡ್ಡ ಸಾಹಸಕ್ಕೆ ಕೈ ಹಾಕಿದ ಶ್ರೀಮುರಳಿ

ಹೊಸ ಚಿತ್ರದ ಪ್ಲಾನಿಂಗ್

'ಮಫ್ತಿ' ಚಿತ್ರದ ನಂತರ ಶ್ರೀ ಮುರಳಿ ಯಾವ ಸಿನಿಮಾ ಮಾಡ್ತಾರೆ ಎಂಬ ನಿರೀಕ್ಷೆ ಅನೇಕರಿಗೆ ಇತ್ತು. ಇದಕ್ಕೀಗ ಉತ್ತರ ಸಿಕ್ಕಿದೆ. 'ಮಫ್ತಿ' ರಿಲೀಸ್ ಆಗುವುದಕ್ಕೂ ಮೊದಲೇ ಹೆಸರಿಡದ ಚಿತ್ರವೊಂದಕ್ಕೆ ರೋರಿಂಗ್ ಸ್ಟಾರ್ ಗ್ರೀನ್ ಸಿಗ್ನಲ್ ಕೊಟ್ಟಿದ್ದಾರೆ.

ದೊಡ್ಡ ಸಾಹಸ

ಈ ಹೊಸ ಚಿತ್ರದಲ್ಲಿ ಶ್ರೀಮುರಳಿ ದೊಡ್ಡ ಸಾಹಸ ಮಾಡುವುದಕ್ಕೆ ಮುಂದಾಗಿದ್ದಾರೆ. ಅದೇನಪ್ಪಾ ಅಂದ್ರೆ,
ಈ ಚಿತ್ರದಲ್ಲಿ ಬರೋಬ್ಬರಿ 100 ಪಾತ್ರಗಳು ಇರಲಿದ್ದು, ಎಲ್ಲ ಪಾತ್ರಗಳು ತುಂಬಾನೇ ಪ್ರಮುಖವಾಗಿರಲಿದೆಯಂತೆ.

ವಿಭಿನ್ನ ಕಥೆ

ಈ ಚಿತ್ರದ ಕಥೆ ತುಂಬನೇ ವಿಭಿನ್ನವಾಗಿದೆಯಂತೆ. ನಾಯಕ, ನಾಯಕಿ ಪಾತ್ರದಷ್ಟೇ ಪ್ರಾಮುಖ್ಯತೆ ಚಿತ್ರದ 100 ಪಾತ್ರಗಳಿಗೂ ಇದೆಯಂತೆ. ಈ ಮೂಲಕ ಎಲ್ಲ ಪಾತ್ರಗಳು ಪ್ರೇಕ್ಷಕರ ಮನಸ್ಸಿನಲ್ಲಿ ಉಳಿಯುವಂತೆ ತೆರೆ ಮೇಲೆ ತರಲು ನಿರ್ಧರಿಸಿದ್ದಾರಂತೆ.

ಜಯಣ್ಣ ಬಂಡವಾಳ

ಈ ಚಿತ್ರ ಜಯಣ್ಣ ಕಂಬೈನ್ಸ್ ಬ್ಯಾನರ್ ನಲ್ಲಿ ನಿರ್ಮಾಣವಾಗಲಿದೆಯಂತೆ. ಇನ್ನು ನಿರ್ದೇಶಕರ ಹೆಸರನ್ನು ಸದ್ಯದಲ್ಲೇ ಘೋಷಣೆ ಮಾಡಲಾಗುವುದಂತೆ.

ಚಿತ್ರೀಕರಣ ಯಾವಾಗ?

ಶ್ರೀ ಮುರಳಿ ಅವರ ಈ ಹೊಸ ಸಿನಿಮಾ ಸೆಪ್ಟೆಂಬರ್ ಅಥವಾ ಅಕ್ಟೋಬರ್ ನಲ್ಲಿ ಶುರುವಾಗುವ ಸಾಧ್ಯತೆ ಇದೆ.

'ಮಫ್ತಿ' ಬಳಿಕ ಚಿತ್ರದ ವಿವರ

'ಮಫ್ತಿ'ಯ ಕೊನೆಯ ಹಂತದ ಶೂಟಿಂಗ್ ನಲ್ಲಿ ಶ್ರೀ ಮುರಳಿ ತೊಡಗಿಕೊಂಡಿದ್ದಾರೆ. ಈ ಚಿತ್ರ ಬಿಡುಗಡೆಯ ನಂತರ ಈ ಹೊಸ ಚಿತ್ರದ ಬಗ್ಗೆ ಎಲ್ಲ ವಿವರಗಳನ್ನು ಚಿತ್ರತಂಡ ನೀಡಲಿದೆಯಂತೆ.