'ಇಂಡಿಯನ್' ಸುನಾಮಿ ಕಿಟ್ಟಿ ಸಿನಿಮಾಗೆ ಡಿಮಾಂಡ್

ಈಟಿವಿ ಕನ್ನಡ ವಾಹಿನಿಯ ರಿಯಾಲಿಟಿ ಶೋ 'ಇಂಡಿಯನ್' ಗೆದ್ದ ಸುನಾಮಿ ಕಿಟ್ಟಿ ಅನ್ನೋ ತರಕಾರಿ ಮಾರೋ ಹುಡುಗ ಈಗ ಸಿನಿಮಾ ಹೀರೋ ಆಗೋಕೆ ರೆಡಿಯಾಗಿದ್ದಾನೆ. ಇಂಡಿಯನ್ ರಿಯಾಲಿಟಿ ಶೋನಲ್ಲಿ ಹೆಗ್ಗಡದೇವನಕೋಟೆಯಿಂದ ಆಯ್ಕೆಯಾಗಿದ್ದ.

ಸುನಾಮಿ ಕಿಟ್ಟಿ ತನ್ನ ಮುಗ್ಧತೆ ಮತ್ತು ಶಕ್ತಿ ಸಾಮರ್ಥ್ಯದಿಂದ ರಿಯಾಲಿಟಿ ಶೋ ಫೈನಲ್ ತಲುಪಿ ಹತ್ತು ಲಕ್ಷ ಬಹುಮಾನ ಗೆದ್ದಿದ್ದ. ಕಿಟ್ಟಿ ಪಡೆದುಕೊಂಡ ಪಬ್ಲಿಸಿಟಿಯನ್ನು ಎನ್ ಕ್ಯಾಶ್ ಮಾಡಿಕೊಳ್ಳೋಕೆ ಈಗ ಮೂರು ನಾಲ್ಕು ಪ್ರೊಡ್ಯೂಸರ್ ಗಳು ಕಾದು ಕುಳಿತಿದ್ದಾರೆ. [ಪ್ರದೀಪ ಅಲಿಯಾಸ್ ಸುನಾಮಿ ಕಿಟ್ಟಿ]

ಟೀ ಮಾರುತ್ತಿದ್ದ ಹುಡಗ ದೇಶದ ಪ್ರಧಾನಿಯಾಗೋಕೆ ಹೊರಟಿರೋವಾಗ ತರಕಾರಿ ಮಾರೋ ಹುಡುಗ ಸಿನಿಮಾ ಹೀರೋ ಆಗಬಾರದಾ? ಆಗಲಿ ಕಿಟ್ಟಿ ಯಶಸ್ಸನ್ನೂ ಕಾಣಲಿ. ಆದರೆ ಇತ್ತೀಚೆಗೆ ತಾನೆ ಸಾವನ್ನಪ್ಪಿದ ಮತ್ತೊಬ್ಬ ರಿಯಾಲಿಟಿ ಶೋ ತಾರೆ ಹಳ್ಳಿಹೈದ ರಾಜೇಶ್ ನನ್ನು ನೆನಪಿಸಿಕೊಂಡ್ರೆ ಎಂಥವರಿಗೂ ಒಂದು ಕ್ಷಣ ಭಯವಾಗುತ್ತೆ.