'ಗೇಮ್' ನೋಡಲು ಮುಗಿಬೀಳುತ್ತಿರುವ ಕನ್ನಡ ಪ್ರೇಕ್ಷಕರು!

ಆಕ್ಷನ್ ಕಿಂಗ್ ಅರ್ಜುನ್ ಸರ್ಜಾ ಅಭಿನಯದ ಎ.ಎಮ್.ಆರ್.ರಮೇಶ್ ನಿರ್ದೇಶನದ ಸಸ್ಪೆನ್ಸ್-ಥ್ರಿಲ್ಲರ್ ಸಿನಿಮಾ 'ಗೇಮ್' ನೋಡಲು ಕನ್ನಡ ಸಿನಿ ಪ್ರೇಕ್ಷಕರು ಮುಗಿಬೀಳ್ತಿದ್ದಾರೆ ಅಂದ್ರೆ ನೀವು ನಂಬಲೇಬೇಕು.

ಹೌದು, ಕರ್ನಾಟಕದ ಮಲ್ಟಿಪ್ಲೆಕ್ಸ್ ಚಿತ್ರಮಂದಿರಗಳಲ್ಲಿ 'ಗೇಮ್' ಚಿತ್ರಕ್ಕೆ ನಿರೀಕ್ಷೆಗೂ ಮೀರಿದ ಅದ್ಭುತ ಪ್ರತಿಕ್ರಿಯೆ ವ್ಯಕ್ತವಾಗಿದೆ. 'ಬುಕ್ ಮೈ ಶೋ' ವೆಬ್ ತಾಣದಲ್ಲಿ 'ಗೇಮ್' ಚಿತ್ರಕ್ಕೆ 89% ಮಂದಿ ಉತ್ತಮ ವಿಮರ್ಶೆ ನೀಡಿರುವ ಕಾರಣ 'ಗೇಮ್' ಟ್ರೆಂಡಿಂಗ್ ನಲ್ಲಿದೆ.

ನಿನ್ನೆ ಶನಿವಾರ ಕರ್ನಾಟಕದ ಬಹುತೇಕ ಮಲ್ಟಿಪ್ಲೆಕ್ಸ್ ಗಳಲ್ಲಿ 'ಗೇಮ್' ಚಿತ್ರ ಹೌಸ್ ಫುಲ್ ಪ್ರದರ್ಶನ ಕಾಣ್ತು. ಇಂದು ಭಾನುವಾರ, ರಜಾ ದಿನವಾದ್ದರಿಂದ ಎಲ್ಲಾ ಶೋಗಳು ಫಾಸ್ಟ್ ಫಿಲ್ಲಿಂಗ್ ಆಗುತ್ತಿವೆ. ['ಗೇಮ್' ವಿಮರ್ಶೆ; ಕುಡಿದು ಗಾಡಿ ಓಡಿಸುವ ಎಲ್ರೂ ನೋಡ್ಲೇಬೇಕ್!]

ಸ್ಪ್ಯಾನಿಷ್ ಭಾಷೆಯಲ್ಲಿ ತೆರೆಕಂಡ 'ದಿ ಬಾಡಿ' ಚಿತ್ರದಂತೆಯೇ ಇರುವ 'ಗೇಮ್' ಚಿತ್ರ ಪ್ರೇಕ್ಷಕರಿಗೆ ಕಡೆವರೆಗೂ ಥ್ರಿಲ್ಲಿಂಗ್ ಅನುಭವ ನೀಡುವುದರಲ್ಲಿ ಡೌಟ್ ಬೇಡ. [ಸಸ್ಪೆನ್ಸ್ 'ಗೇಮ್' ಚಿತ್ರಕ್ಕೆ ವಿಮರ್ಶಕರು ಥ್ರಿಲ್ಲ್ ಆದ್ರಾ?]

ಬಾಲಿವುಡ್ ನಟಿ ಮನೀಷಾ ಕೊಯಿರಾಲಾ, ಕಾಲಿವುಡ್ ನಟ ಶ್ಯಾಮ್, ಎ.ಎಮ್.ಆರ್.ರಮೇಶ್ ಮುಖ್ಯ ಭೂಮಿಕೆಯಲ್ಲಿರುವ ಸಿನಿಮಾ 'ಗೇಮ್'. ನೀವಿನ್ನೂ 'ಗೇಮ್' ನೋಡಿಲ್ಲ ಅಂದ್ರೆ ಈಗಲೇ ಟಿಕೆಟ್ ಬುಕ್ ಮಾಡಿಕೊಳ್ಳಿ....