ಟಿಕೆಟ್ ದರ 200 ರೂ ನಿಗದಿ: ಆದ್ರೆ, ಜಗ್ಗೇಶ್ ಆಸೆಯೇ ಬೇರೆ ಇದೆ!

ಕರ್ನಾಟದಲ್ಲಿ ಏಕರೂಪ ಟಿಕೆಟ್ ದರ ನೀತಿ ಜಾರಿಯಾಗಬೇಕು ಎಂಬುದು ಹಲವು ವರ್ಷಗಳ ಪ್ರಯತ್ನ. ಕೊನೆಗೂ ಈ ನೀತಿ ಜಾರಿಯಾಗಿದೆ. ಇನ್ಮುಂದೆ ಮಲ್ಟಿಪ್ಲೆಕ್ಸ್ ಸೇರಿದಂತೆ ಎಲ್ಲ ಚಿತ್ರಮಂದಿರಗಳಲ್ಲೂ ಗರಿಷ್ಟ ಟಿಕೆಟ್ ದರ 200 ರೂಪಾಯಿ ಎಂದು ರಾಜ್ಯ ಸರ್ಕಾರ ಅಧಿಕೃತವಾಗಿ ಆದೇಶ ನೀಡಿದೆ.['ಮಲ್ಟಿಫ್ಲೆಕ್ಸ್'ಗಳಿಗೆ ಸಿದ್ದು ಸರ್ಕಾರ ಶಾಕ್: ಚಿತ್ರಪ್ರೇಮಿಗಳಿಗೆ 'ಸಿನಿಮಾ ಭಾಗ್ಯ']

ಇದರಿಂದ ಚಿತ್ರಪ್ರೇಮಿಗಳು ಸಖತ್ ಖುಷಿಯಾಗಿದ್ದಾರೆ. ಆದ್ರೆ, ಕೆಲವರು ಇನ್ನೂ ಕಡಿಮೆಯಾಗಬೇಕಿತ್ತು ಎಂದು ಬೇಸರ ವ್ಯಕ್ತಪಡಿಸುತ್ತಿದ್ದಾರೆ. ಏಕರೂಪ ಟಿಕೆಟ್ ನೀತಿಗೆ ಸಂಬಂಧಪಟ್ಟಂತೆ ಕನ್ನಡ ನಟ ನವರಸ ನಾಯಕ ಜಗ್ಗೇಶ್ ಅವರು ಟ್ವಿಟ್ಟರ್ ನಲ್ಲಿ ಪ್ರತಿಕ್ರಿಯಿಸಿದ್ದು, ಇದು ಸಿರಿವಂತರಿಗೆ ಅನುಕೂಲವಾಗುವ ನಿರ್ಧಾರವೆಂದು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.[ಮೇ ತಿಂಗಳಿಂದ 'ಮಲ್ಟಿಪ್ಲೆಕ್ಸ್'ಗಳಲ್ಲಿ 200 ರೂ ಟಿಕೆಟ್ ಕಡ್ಡಾಯ: ಸಿದ್ದರಾಮಯ್ಯ]

''ಸಿರಿವಂತರಿಗೆ ಮಾಲ್ ದರ ಲೆಕ್ಕಕ್ಕಿಲ್ಲಾ ಭರಿಸುತ್ತಾರೆ! ನನ್ನ ಕಾಳಜಿ ಮಧ್ಯಮ ಹಾಗೂ ಕೆಳ ಮಧ್ಯಮದ ಪ್ರೇಕ್ಷಕನಿಗೆ. ತಮಿಳುನಾಡಿನಂತೆ 100 ರೂ ಮಾಲ್ ದರವಾಗಿ ಕೈಗೆಟಕಲಿ ಎಂಬ ಆಸೆ'' ಎಂದು ಜಗ್ಗೇಶ್ ತಿಳಿಸಿದ್ದಾರೆ.

ಸರ್ಕಾರದ ಆದೇಶ ಹೀಗಿದೆ:

* 200 ರೂ ಟಿಕೆಟ್ ದರ ಕರ್ನಾಟಕದಲ್ಲಿ ಪ್ರದರ್ಶನಗೊಳ್ಳುವ ಎಲ್ಲಾ ಭಾಷೆಗಳ ಚಲನಚಿತ್ರಗಳಿಗೆ ಅನ್ವಯಿಸುತ್ತದೆ.

* 200 ರೂ ಗಳ ಗರಿಷ್ಠ ಮಿತಿಯು ಮಲ್ಟಿಪ್ಲೆಕ್ಸ್ ಗಳಲ್ಲಿನ ಗೋಲ್ಡ್ ಕ್ಲಾಸ್ ಸ್ಕ್ರೀನ್ ಹಾಗೂ ಗೋಲ್ಡ್ ಕ್ಲಾಸ್ ಸೀಟ್ ಗಳನ್ನು (ಒಟ್ಟು ಸೀಟುಗಳ ಶೇ 10ರಷ್ಟು ಮೀರದಂತೆ) ಹೊರತುಪಡಿಸಲಾಗಿದೆ.

* ಐಮ್ಯಾಕ್ಸ್ ಹಾಗೂ 4DX ಚಿತ್ರಮಂದಿರಗಳನ್ನೂ ಸಹ 200 ರೂ ಗಳ ಗರಿಷ್ಠ ಮಿತಿಯಿಂದ ವಿನಾಯಿತಿ ಪಡೆದುಕೊಂಡಿವೆ.

ಪ್ರೈಮ್ ಟೈಮ್: ರಾಜ್ಯದಲ್ಲಿರುವ ಮಲ್ಟಿಪ್ಲೆಕ್ಸ್ ಗಳಲ್ಲಿನ ಒಂದು ಪರದೆಯಲ್ಲಿ ಮಧ್ನಾಹ್ನ 1.30 ರಂದ 7.30ರ ವರೆಗಿನ ಪ್ರೈಮ್ ಟೈಮ್(ಪ್ರಮುಖ ಅವಧಿ)ನಲ್ಲಿ ಕನ್ನಡ ಹಾಗೂ ಪ್ರಾದೇಶಿಕ ಚಲನಚತ್ರ ಪ್ರದರ್ಶನವನ್ನ ಕಡ್ಡಾಯಗೊಳಿಸಿ ಆದೇಶ ಹೊರಡಿಸಲಾಗಿದೆ.[ಎಲ್ಲಾ ಭಾಷೆಗಳ ಟಿಕೆಟ್ ದರ ಗರಿಷ್ಠ 200 ರು : ಸರ್ಕಾರದ ಆದೇಶ ಜಾರಿ]