Yash Birthday CDP: ದ್ವೇಷಿಸುವವರ ಎದುರು ಅಭಿಮಾನದ ಬಲದಿಂದ ಬೆಳೆದು ನಿಂತ ನಾಯಕ

ಯಶ್ ಬರ್ತ್‌ಡೇ ಸಿಡಿಪಿ ವೈರಲ್

ನೆಚ್ಚಿನ ನಟನ ಹುಟ್ಟುಹಬ್ಬಕ್ಕೆ ಸ್ಪೆಷಲ್ ಡಿಪಿ ಕ್ರಿಯೇಟ್ ಮಾಡಿ ವೈರಲ್ ಮಾಡುವುದು ಇತ್ತೀಚೆಗೆ ಕಾಮನ್. ಈ ವರ್ಷ ಕೂಡ ರಾಕಿಂಗ್ ಸ್ಟಾರ್ ಬರ್ತ್‌ಡೇಗೆ ಅಭಿಮಾನಿಗಳು ಬೊಂಬಾಟ್ ಆಗಿರುವ ಡಿಪಿ ಸಿದ್ಧಪಡಿಸಿದ್ದಾರೆ. KGF- 2 ಸಿನಿಮಾ ಕ್ಲೈಮ್ಯಾಕ್ಸ್‌ನಲ್ಲಿ ರಾಕಿ ಭಾಯ್ ಹಡಗಿನ ಮೇಲೆ ನಿಂತಿರುವ ಫೋಟೊಗೆ ತಮ್ಮದೇ ಕಲ್ಪನೆಯಲ್ಲಿ ಹೊಸ ಅರ್ಥ ನೀಡಿ ಡಿಪಿ ಡಿಸೈನ್ ಮಾಡಿದ್ದಾರೆ. ಸದ್ಯ ಸೋಶಿಯಲ್ ಮೀಡಿಯಾದಲ್ಲಿ ಇದು ಸಖತ್ ಸದ್ದು ಮಾಡ್ತಿದೆ. ಡಿಸೈನ್ ಸೂಪರ್ ಎನ್ನುವ ಮೆಚ್ಚುಗೆ ವ್ಯಕ್ತವಾಗ್ತಿದೆ.

ಡಿಪಿ ಮಾಡಿದ್ಯಾರು, ಅರ್ಥ ಏನು?

ಕನ್ನಡ ಸಿನಿಮಾಗಳ ಪೋಸ್ಟರ್ ಡಿಸೈನ್ ಮಾಡುವುದರಲ್ಲೊ ಕಾನಿ ಸ್ಟುಡಿಯೋ ಸಂಸ್ಥೆ ಹೆಸರು ಈಗ ದೊಡ್ಡದಾಗಿ ಹೇಳಿ ಬರ್ತಿದೆ. ಅದೇ ತಂಡದ ಇರ್ಫಾನ್ ಈ ಬಾರಿ ಯಶ್ ಬರ್ತ್‌ಡೇ ಕಾಮನ್ ಡಿಪಿ ಡಿಸೈನ್ ಮಾಡಿದ್ದಾರೆ. ದ್ವೇಷಿಸುವವರು ಯಶ್ ಅವರನ್ನು ನೆಗೆಟಿವಿಟಿಯಿಂದ ಕೆಳಗೆ ಬೀಳಿಸಲು ಪ್ರಯತ್ನಿಸುತ್ತಿದ್ದಾರೆ. ಅಭಿಮಾನಿಗಳು ಹರ್ಷೋದ್ಗಾರದ ಮೂಲಕ ತಮ್ಮ ನೆಚ್ಚಿನ ನಟನನ್ನು ಸ್ವಾಗತಿಸುತ್ತಿದ್ದಾರೆ. Rise Of Yash, Rise of kannada Film industry ಎಂದು ಬರೆದು ನೆಚ್ಚಿನ ನಟನಿಗೆ ಹುಟ್ಟುಹಬ್ಬ ಶುಭಾಶಯ ಕೋರಿದ್ದಾರೆ.

ಬರ್ತ್‌ಡೇಗೆ 'ರಾಮಾಚಾರಿ' ರೀ ಎಂಟ್ರಿ

ಯಶ್ ಹುಟ್ಟುಹಬ್ಬದ ಸಂಭ್ರಮದಲ್ಲೇ ಸೂಪರ್ ಹಿಟ್ Mr & Mrs ರಾಮಾಚಾರಿ ಸಿನಿಮಾ ರೀ ರಿಲೀಸ್ ಆಗಲಿದೆ. 8 ವರ್ಷಗಳ ಹಿಂದೆ ಈ ಸಿನಿಮಾ ಬಾಕ್ಸಾಫೀಸ್ ಶೇಕ್ ಮಾಡಿತ್ತು. ಆವರೆಗಿನ ಎಲ್ಲಾ ಕನ್ನಡ ಸಿನಿಮಾ ಕಲೆಕ್ಷನ್‌ ಹಿಂದಿಕ್ಕಿ ಹೊಸ ದಾಖಲೆ ಬರೆದಿತ್ತು. ಚಿತ್ರದಲ್ಲಿ ರಾಧಿಕಾ ಪಂಡಿತ್ ನಾಯಕಿಯಾಗಿ ನಟಿಸಿದ್ದರು. ಅದಾಗಲೇ ಪ್ರೀತಿಯಲ್ಲಿ ಬಿದ್ದಿದ್ದ ಯಶ್- ರಾಧಿಕಾ ಜೋಡಿ ಮುಂದೆ ಹೊಸ ಬಾಳಿಗೆ ಕಾಲಿಟ್ಟರು. ಪಕ್ಕಾ ಫ್ಯಾಮಿಲಿ ಎಂಟರ್‌ಟೈನರ್ ಆಗಿರುವ ಈ ಚಿತ್ರವನ್ನು ಜಯಣ್ಣ ಕಂಬೈನ್ಸ್ ಸಂಸ್ಥೆ ಭಾನುವಾರ ಮತ್ತೆ ಪ್ರೇಕ್ಷಕರು ಮುಂದೆ ತರ್ತಿದೆ.

ಭಾನುವಾರ ಯಶ್‌19 ಅನೌನ್ಸ್

KGF- 2 ನಂತರ ಯಶ್ ಯಾವ ಸಿನಿಮಾದಲ್ಲಿ ನಟಿಸ್ತಾರೆ ಎನ್ನುವ ಬಗ್ಗೆ ಯಾವುದೇ ಮಾಹಿತಿ ಸಿಕ್ಕಿಲ್ಲ. ಹುಟ್ಟುಹಬ್ಬದ ಸಂಭ್ರಮದಲ್ಲೇ ಯಶ್ ಹೊಸ ಸಿನಿಮಾ ಘೋಷಿಸುವ ಸಾಧ್ಯತೆ ಇದೆ ಎನ್ನಲಾಗ್ತಿದೆ. ಕೆವಿಎನ್ ಪ್ರೊಡಕ್ಷನ್ ಬ್ಯಾನರ್‌ನಲ್ಲಿ ಯಶ್ ಮುಂದಿನ ಸಿನಿಮಾ ಸೆಟ್ಟೇರುತ್ತೆ ಎನ್ನುವ ಮಾತುಗಳು ಕೇಳಿಬರ್ತಿದೆ. ಈ ಚಿತ್ರಕ್ಕೆ ತಮಿಳು ನಿರ್ದೇಶಕರು ಆಕ್ಷನ್ ಕಟ್ ಹೇಳ್ತಾರಂತೆ. 400 ಕೋಟಿ ಬಜೆಟ್ ಸಿನಿಮಾ ಎನ್ನುವ ಗುಸುಗುಸು ಶುರುವಾಗಿದೆ. ಆದರೆ ಖಚಿತ ಮಾಹಿತಿ ಇನ್ನು ಸಿಕ್ಕಿಲ್ಲ.